प्रस्‍थान 32:22 - Sunuwar Bible

²² मिनु हारूनमी “आं पर्बम मगाइक्‍तीन। गे एको मुर आन कली तुइक्‍नीनी। एकोपुकी दूली पाइब ला बाक्‍नीम।

प्रस्‍थान 32:22 ပူးပေါင်းရင်းမြစ်များ

उत्पत्ती 44:18

मिनु यहूदा मेको आ नेक्‍था लशा “आं प्रभु, लोव़ का पचा गेयीनी। इन गेय पाइब आ पर्बम मगाइक्‍तीने। गे फाराओ खोदेंशो बाक्‍नीनी।

भजन संग्रह 36:4

मेको आन ब्राख्‍येम बाक्‍मानु, आन मरिम्‍शो पतीक ला मिम्‍ना मिम्‍न बाक्‍नीम। मेको मरिम्‍शो लां खोइक्‍नीम। मेकोमी आन थुंमी “मरिम्‍शो पशो ग्रांग्रा दिशा मपाइनीकी” दे मदेंनीम। मीका २:१

प्रस्‍थान 14:11

मिनु मेकोपुकीम मोसा कली “गे आंइ कली मारदे इजीप्‍त रे ग्रुंइदीकी? इजीप्‍त रागीम मुर थिम्‍तीके मबाक्‍बा ङा? मारदे गोरशो रागीम साइक्‍थ चाक्गी?

प्रस्‍थान 15:24

मिनु मुरपुकीमी मोसा कली “मुल मार तूचा?” दे गन गन पाम्‍तेक्‍म। प्रस्‍थान १६:२

प्रस्‍थान 16:20

तन्‍न मेकोपुकीमी मोसा आ देंशो मटीम। मिनु का निक्‍शीमी मेको मन्‍ना सुनी सम्‍म हेंदमे बाक्‍त। मिनु लुस्‍पु जोल्‍शा, शुश रिना पाइक्‍तु। मिनु मोसा शुश गाइक्‍ताक्‍व।

प्रस्‍थान 16:28

मिनु परमप्रभु यावेमी मोसा कली “गेपुकी आं शेंशो नु आं अरेशो गेना सम्‍म मटीनीनी?

प्रस्‍थान 32:1

मिनु इस्राएल ङा मुरपुकीमी मोसा कली डांडा रे मयिशो तशा, हारून आ बाक्‍तीक जाक्‍शा, मेको कली “लो, इं ङोंइङोंइती गाक्‍शा लां कोंइब देवता सेलो। आंइ कली इजीप्‍त रागी रे ग्रुंइशा, एक चाक्‍ब मोसा मार दुम्‍मे? मतुइक्‍तक” दे हारून कली देंमा बाक्‍त। ब्‍यवस्‍था ९:८-२१

प्रस्‍थान 32:21

मिनु नोले मोसामी हारून कली “एको मुरपुकीमी इ कली मार पामे ङा? मारदे मेको आन कली ओदेंशो ठेयब पाप पपाइक्‍मी?” दे हिल्‍लो पाप्‍तु।

हितोपदेस 4:16

मारदे हना मेकोपुकी मरिम्‍शो मपामे सम्‍म इप्‍ने मचाप्‍नीम। मुर कली मथिपदमे सम्‍म निन्‍द्रा मपाइनीम। भजन संग्रह ३६:५; मीका २:१

ब्‍यवस्‍था 31:27

मारदे हना गो इन मरिम्‍शो पतीक नु इन मटितीके तुइक्‍नुङ। गो मुल सम्‍म गेपुकी नु बाक्‍शा यो, गेपुकी परमप्रभु यावे कली गन गन पा मटीब बाक्‍तीनी। गो बेक्‍ङा नोले दोशो मरिम्‍शो पाइनीनी?

ब्‍यवस्‍था 9:24

गो इन कली तुइक्‍तु रेन गे परमप्रभु यावे आ लोव़ मटिथु गन गन पाइतीनी।

ब्‍यवस्‍था 9:7

मिनु गेपुकी गोरशो रागीम परमप्रभु यावे, इन परमप्रभु कली दोपा गाइक्‍पाइक्‍नी, मेको मप्रेंदीन। इजीप्‍त रागी रे गे एक जाक्‍नी सम्‍म गे परमप्रभु यावे आ देंशो मटिशो बाक्‍तीनी।

१ सामुएल 15:15

मिनु सावलमी “मुरपुकीम मेको अमालेकी रे चाक्‍शो नम। मुरपुकीम भेडा नु बी ब्‍यफ रे रिम्‍‍शो चहिं परमप्रभु यावे, इन परमप्रभु कली चोशा चढ़ेचा कली प्रोंइशा वोइक्‍तेक्‍म। लीशो आन कली गो नेल्‍ल साइक्‍तक” देंमाक्‍त।

१ सामुएल 15:21

मुरपुकीम रोइश्‍शो मार मार भेडा नु बी ब्‍यफ नु रिम्‍‍शो थोव़क गिल्‍गालम परमप्रभु यावे, इन परमप्रभु कली चढ़ेचा कली वोइश्‍शो बाक्‍नीम” देंमाक्‍त।

१ सामुएल 15:24

मिनु सावलम सामुएल कली “गो पाप पाता। परमप्रभु यावे आ देंशो नु इन लोव़ ममिम्‍तु। मारदे हना गो मुर आन क्‍येङा हिंती। मिनु मुर आन देंशो टीता।