प्रस्‍थान 32:20 - Sunuwar Bible

²⁰ मिनु मोसामी इस्राएली आन सेल्‍शो बाछा लाइश्‍शा, मीम हुम्‍शा, तुप्‍शा फस सेल्‍शा, ब्‍वाक्‍कुम फुइश्‍शा, इस्राएली आन कली तूपाइक्‍तीमी।

प्रस्‍थान 32:20 ပူးပေါင်းရင်းမြစ်များ

१ राजा 15:13

मिनु आ बगे माकाह कली राज्‍य ङा ममा रे ग्रुंइदा बाक्‍त। मारदे हना मेकोमी अशेराह देवी आ ग्रांग्रा दिशो थाम पाइश्‍शो मूर्ति का सेल्‍सीशो बाक्‍माक्‍त। आसामी मेको मूर्ति पाइश्‍शो थाम क्‍‍योरशा खोल्‍शा किद्रोन खोल्‍साम चोपाइक्‍मी बाक्‍त।

२ राजा 23:15

मिनु मेकोम इस्राएली आन कली पाप पपाइक्‍ब नेबात आ तौ येरोबामम बेथेल ङा डांडाम सेल्‍शो थान यो प्रेप्‍पदा बाक्‍त। मेकोम चढ़ेतीक नु थाम यो खतम सेल्‍पदा बाक्‍त। मेको थान क्रोइश्‍शा, पुलु सेल्‍पदा बाक्‍त। मेकोमी मेको मूर्ति पाइश्‍शो थाम यो चोपदा बाक्‍त। मिनु मेको कली फस पोक्पदा बाक्‍त। मेकोम अशेराह आ थाम यो चोपदा बाक्‍त। १राजा १२:३२

२ राजा 23:6

मेकोमी अशेराह देवी आ मूर्ति पाइश्‍शो थाम परमप्रभु यावे आ खिं यरूसलेम रे ग्रुंइशा, किद्रोन खोल्‍साम लाइश्‍शा चोपाइक्‍मी बाक्‍त। मिनु मुरपुकीम मेको कली फुरक सेल्‍मे बाक्‍त। मिनु मेको आइक्‍च मुर आन तुरसुम फ्रामे बाक्‍त। २राजा २१:७

२ इतिहास 34:4

मिनु पिप आ ङोंइती बाल देवता आन चढ़ेतीकपुकी प्रेप्‍पदा बाक्‍त। मिनु मेको इच्‍का इर बाक्‍शो धूप चोतीकपुकी नु चढ़ेतीक प्रोल्‍शा खतम पोक्‍गा बाक्‍त। मिनु मेकोमी मूर्ति पाइश्‍शो थाम, चेम्‍शा सेल्‍शो मूर्तिपुकी फस पोक्‍मी बाक्‍त। मिनु मेको कली चढ़ेब आन तुरस तारी फ्रवा बाक्‍त।

प्रस्‍थान 32:21

मिनु नोले मोसामी हारून कली “एको मुरपुकीमी इ कली मार पामे ङा? मारदे मेको आन कली ओदेंशो ठेयब पाप पपाइक्‍मी?” दे हिल्‍लो पाप्‍तु।

हितोपदेस 1:31

मेकोपुकीमी आन आन पशो मरिम्‍शो गेय आन इनाम तचा माल्‍नीम। मिनु आन आन मरिम्‍शो पतीकेमी ब्रीमल।

हितोपदेस 14:14

दूली पाइब आन दूली पशो ङा ताइनीम। मिनु रिम्‍शो पाइबमी आन रिम्‍शो पशो ङा ताइनीम।

ब्‍यवस्‍था 7:25

गेपुकीमी मेको आन शी मुशा सेल्‍शो मूर्तिपुकी मीम हुम्‍चा माल्‍नीनी। मूर्तिम बाक्‍शो सुन चांदी बाक्‍त हना, वाल्‍शा आंम कली मवोंइसीन। मारदे हना मोदेंशो पाइतीनी हना, इन कली मरिम्‍शो दुम्‍ब। मेको परमप्रभु यावे, इन परमप्रभु कली ग्रांग्रा बाक्‍ब।

ब्‍यवस्‍था 7:5

मेको आन कली मार पचा माल्‍नीनी देंशा हना, मेको आन चढ़ेतीक प्रेत्‍चा माल्‍नीनी। मेको आन लाइश्‍शो मूर्ति जिक्‍चा माल्‍नीनी। मेको आन अशेराह देवी आ मूर्ति ख्रोइक्‍चा माल्‍नीनी। मेको आन शी मुशा सेल्‍शो मूर्तिपुकी मीम हुम्‍चा माल्‍नीनी। ब्‍यवस्‍था १२:२-३

ब्‍यवस्‍था 9:21

मिनु इन पशो पाप, मेको बाछा लाइश्‍शा, मीम हुम्‍ताक्‍ङ। मेको कली तुप्‍शा, फस सेल्‍ता। मिनु मेको फस पहाड रे यिशो खोलाम ताइक्‍ताक्‍ङ।