प्रस्‍थान 32:17 - Sunuwar Bible

¹⁷ मिनु यहोसुमी मुर आन कली रेयके पशो नेंशा, मोसा कली “इस्राएल ङा मुर आन बाक्‍तीकेमी लडाइ पशो रेयके खोदेंशो नेंसाक्‍व” दें‍त।

प्रस्‍थान 32:17 ပူးပေါင်းရင်းမြစ်များ

१ इतिहास 7:27

एली-शामा आ तौ नून बाक्‍माक्‍त। नून आ तौ यहोसु बाक्‍माक्‍त। गन्‍ती १३:८,१६

अय्‍युब 39:25

मेकोम तुराही ताप्‍शो नेंशा ‘आहा’ देंब। मिनु मेकोम ङोन रेन लडाइ पाइब आन हुल नु लडाइ ङा रिना नेंब।

भजन संग्रह 47:1

जात जात ङा मुर नेल्‍लेमी इन गुइ फ्रोक्‍तीन। गे ग्‍येरशा, परमप्रभु कली कुम्‍सो पने।

प्रस्‍थान 17:9

मिनु मोसामी यहोसु कली “इं मुरपुकी रे योव़शा, अमालेकी नु लडाइ पथ लावो। गो परमप्रभु आ कोक्‍के शेशा, दीसा मेको डांडा तार राप्‍शा बाक्‍नुङ” देंत। गन्‍ती १३:८,१६

प्रस्‍थान 24:13

मिनु मोसा आ गेय पाइब यहोसु लाइश्‍शा, परमप्रभु आ डांडा ङोंइसाक्‍व। प्रस्‍थान ३३:११

प्रस्‍थान 32:16

परमप्रभुमी मेको फुल्‍लु आंमा चेश्‍शा सेल्‍शो बाक्‍माक्‍त। मिनु मुशा ब्रेक्‍शो बाक्‍त। प्रस्‍थान ३१:१८

प्रस्‍थान 32:18

तन्‍न मोसामी “एको रेयके लडाइ ग्राब आन रेयके ममाइ, ब्रुइब आन रेयके यो ममाइ। गो कुम्‍सो पशो नेंता” दें‍त।

प्रस्‍थान 32:6

मिनु आ दीसा मेकोपुकी सुनी कना बोक्‍शा चोशा चढ़ेतीक नु दुशा बाक्‍चा आ पर्बम चढ़ेतीक चढ़ेमे बाक्‍त। मिनु मुरपुकी जचा तूचा कली निस्‍समा बाक्‍त। मिनु नोले जशा तूशा बोक्‍शा, आन द‍ला दाक्‍स पामे बाक्‍त। १कोरिन्‍थी १०:७

येरमीया 51:14

मुर नेल्‍ल आन परमप्रभु यावेम आ नेंम कसम जाप्‍तु। गो थमा पा सल्‍हा खोदेंशो पा लडाइ पाइब मुर जाक्‍पाइश्‍शा, इ रागी प्रिंनुङमी। मिनु मेकोपुकीमी इ क्‍येङा ग्राशो आ पर्बम ठेयब सेंदा पा रेयके पाइनीम।

आमोस 1:14

मोपतीके गो रब्‍बाह ङा गारोम मी सुइक्‍नुङ। मेकोम आन बोल्‍यो दरवार खतम पोक्‍ब। मिनु लडाइ पाइबपुकी शुश रेयके पा, फश गिवार खोदेंशो पा जाक्‍शा, मेको आन कली खतम पोक्‍नीम।

आमोस 2:2

मोपतीके गो मोआब रागीम मी सुइक्‍नुङ। मेकोमी गारो हिरशो केरयोथ ङा बोल्‍यो दरवार खतम पोक्‍ब। मिनु मोआब ङा मुर लडाइ, शुश रेयके नु तुराही ग्री‍शोम बेक्‍नीम।

यहोसु 6:10

मिनु यहोसुमी नोनोले गाक्‍ब मुर आन कली “गे काइ मग्रीङीन। इन सेंदा काइ मनेंसेक्‍ल। सिक्‍सी पा गाक्‍कीन। तेको नाक्‍त गो इन कली ‘ग्रीङीन’ देंनुङा, मेको नाक्‍त ला वाइ ब्रेश्‍शा ग्रीचा माल्‍नीनी” दे माइक्‍तु।

यहोसु 6:16

मिनु ७ खेयप हिरसीमा नोले चढ़ेबपुकीमी ताप्‍तीक ग्रोव़ ताप्‍ची ना, यहोसुमी मुर आन कली “वाइ ब्रेश्‍शा ग्रीङीन। मारदे हना परमप्रभु यावेमी एको सहर इन कली गेप्‍तु।

यहोसु 6:20

मिनु मुरपुकी वाइ ब्रेश्‍शा ग्रीतेक्‍‍म। मिनु चढ़ेबपुकीमी ग्रोव़ ताम्‍ना ताम्‍न बाक्‍तेक्‍म। मुरपुकीमी ग्रोव़ ताप्‍शो नेंशा, शुश ग्री‍तेक्‍म। मिनु मेको गारो ब्रेत्‍त। मिनु मुरपुकी ग्‍येत्‍थ बारशा, मेको सहर आंम के सेल्‍तेक्‍म। हिब्रू ११:३०

यहोसु 6:5

मिनु मेकोपुकीमी शुश रेयके पा ग्रोव़ ताम्‍ना ताम्‍न बाक्‍मानु, इन मुर नेल्‍लेमी मेको रेयके नेन्‍मे नोले, ठेयब सेंदा पा ग्रीचा माल्‍नीम। मोपा ग्रीमानु, मेको सहर ङा गारो नेल्‍ल ब्रेप्‍ब। मिनु मुर नेल्‍ल आंम आंम ङोंइती बारशा, ब्रेश्‍शो गारो ङोइक्‍चा माल्‍नीम” दे परमप्रभुम माइक्‍तु।

न्‍यायाधीस 15:14

मिनु मेकोपुकी लेहीमी जाक्‍दीत्‍चामेनु, पलिस्‍तीपुकीमी मेको कली तशा ग्रीना ग्रीन पिमा बाक्‍त। मेना परमप्रभु यावे आ सोक्‍तीमी सिम्‍सोन कली सुमा बाक्‍त। मिनु सिम्‍सोनमी आ कली फ्रेंशो डोरी निक्‍शी मीम दुप्‍शो पले खोदेंशो पा प्रोदा बाक्‍त। न्‍यायाधीस १३:२५

१ सामुएल 17:20

मिनु आ दीसा सुनी कना दाऊद आ भेडापुकी मुर आन कली “कोव़ङीन” दे येस्‍से आ देंशो खोदेंशो पा, मेको चोव़थ गाक्‍माक्‍त। लडाइ पाइब नेल्‍ल आन आन राप्‍तीकेम राप्‍शा लडाइ के बाजा ताप्‍मे ना, मेको आन बाक्‍तीकेम जाक्‍दीम्‍माक्‍त।

१ सामुएल 17:52

मिनु इस्राएली नु यहूदीपुकीमी लडाइ ङा ग्रीतीक ग्रीमा बाक्‍त। गाथ नु एक्रोन ङा ठेयब लाप्‍चो सम्‍म मेको आन कली थाम्‍पा खेदा पामे बाक्‍त। शा-आराइम, गाथ नु एक्रोन लतीक लां सम्‍म आन बेक्‍शो रां नेल्‍ल थाम्‍पा ब्रमाक्‍त।