प्रस्‍थान 32:15 - Sunuwar Bible

¹⁵ मिनु मोसा परमप्रभु यावे आ देंशो लोव़ ब्रेक्‍शो फुल्‍लु निक्‍शी कुरशा, डांडा रे ब्रुप्‍त। मेको फुल्‍लु निक्‍शी निम्‍फा पटटीम मुशा ब्रेक्‍शो बाक्‍त।

प्रस्‍थान 32:15 ပူးပေါင်းရင်းမြစ်များ

भजन संग्रह 19:7

परमप्रभु यावे आ अरेशो लोव़ नेल्‍ल आन कली गारब। मेकोमी लेंशा ब्रोंइपाइक्‍ब। परमप्रभु यावे आ देंतीके थमा लोव़ बाक्‍ब। मेकोमी मतुइक्‍ब आन कली तुइक्‍ब सेल्‍ब।

प्रस्‍थान 16:34

परमप्रभु यावेमी मोसा कली दोपा देंमे, मोपा हारूनमी कबल पशो सन्‍दोस आ ङोंइती वोइक्‍तु।

प्रस्‍थान 24:12

मिनु परमप्रभु यावेमी मोसा कली “गे डांडा ङोइश्‍शा, आं नेक्‍था जाक्‍शा रिम्‍शा बाक्‍को। गो आं अरेशो लोव़ नु आं शेंशो लोव़ इस्राएली आन कली शेंचा कली फुल्‍लु निक्‍शीम मुशा ब्रेक्‍ताक्‍ङ। गो मेको फुल्‍लु इ कली गेनन्‍न” दें‍त। प्रस्‍थान ३१:१८; २कोरिन्‍थी ३:६

प्रस्‍थान 24:18

मिनु मोसा गोस्‍स आगा ओव़शा, डांडा ङोइश्‍शा, ४० नाक्‍दो नु ४० नाक्‍ती बाक्‍त। प्रस्‍थान ३४:२८

प्रस्‍थान 31:18

मिनु परमप्रभुमी मोसा नु सीनै डांडाम लोव़ पने थुम्‍शा, आ देंशो फुल्‍लु निक्‍शीमी मुशा आंम ब्रेक्‍शो लोव़ मोसा कली गेप्‍तु। प्रस्‍थान २४:१२; प्रस्‍थान ३२:१५-१६; प्रस्‍थान ३४:२८; ब्‍यवस्‍था ४:१३; ब्‍यवस्‍था ५:२२; ब्‍यवस्‍था ९:१०; ब्‍यवस्‍था १०:१-५

प्रस्‍थान 32:16

परमप्रभुमी मेको फुल्‍लु आंमा चेश्‍शा सेल्‍शो बाक्‍माक्‍त। मिनु मुशा ब्रेक्‍शो बाक्‍त। प्रस्‍थान ३१:१८

प्रस्‍थान 34:29

मिनु नोले मोसा मेको परमप्रभु यावे आ कबल ङा लोव़ ब्रेक्‍शो फुल्‍लु निक्‍शी कुरशा, सीनै डांडा रे तोंइसाक्‍व। मोसा परमप्रभु यावे नु लोव़ पतीके आ कुल परमप्रभु आ छेङछेङम छेङछेङ दुम्‍शो बाक्‍ब, दे मतुइक्‍त।

प्रस्‍थान 40:20

मिनु मोसामी परमप्रभु यावे आ अरेशो लोव़ मुशा ब्रेक्‍शो फुल्‍लु कबल पशो सन्‍दोसम कुर पाप्‍तु। मिनु कबल पशो सन्‍दोसम कुरतीक कोक्‍के शुइक्‍ताक्‍व। मिनु मेको आ तार सुम्‍तीकेम सुम्‍तु।

२ कोरिन्‍थी 3:3

गे ख्रीस्‍तमी ब्रेक्‍शो चिठी दुम्‍तीनी। कागज मसीमी ब्रेक्‍शो ममाइ। फुल्‍लु मुशा ब्रेक्‍शो यो ममाइ। ब्रोंइचा गेब परमप्रभु यावे आ सोक्‍तीमी इन थुंमी ब्रेक्‍शो बाक्‍ब। प्रस्‍थान २४:१२

२ कोरिन्‍थी 3:7

बेक्‍तीक चाक्‍ब कबल फुल्‍लुमी मुशा, ब्रेक्‍शो बाक्‍माक्‍त। मेको आ छेङछेङ थम ठेयब बाक्‍त। मेकोम पतीके इस्राएलीपुकीम मोसा आ कुल कोव़ने मचाबेम। तन्‍न नोले मेको छेङछेङ ग्‍युम्‍ना ग्‍युम्‍न लत। प्रस्‍थान ३४:२९-३५

ब्‍यवस्‍था 5:22

परमप्रभु यावेमी डांडाम नेल्‍ल इन कली एको लोव़ नेंपाइक्‍तु। मेकोमी मी, गोस्‍स नु हिंचा ङा छिङछिङ खोदेंशो पा आ दाते रे ठेयब सेंदामी इन कली लोव़ पाप्‍तु। मिनु मेकोमी मारेइ मतेम्द। मिनु नोले मेकोमी मेको अरेशो लोव़ फुल्‍लु निक्‍शीम ब्रेक्‍शा, गेती। प्रस्‍थान ३१:१८

ब्‍यवस्‍था 9:15

मिनु गो डांडा रे ब्रुप्‍ती। मेको डांडाम मी ब्रस ङा ब्रस बाक्‍त। मिनु गो मेको कबल ङा लोव़ ब्रेक्‍शो फुल्‍लु निक्‍शी कुरता।

हिब्रू 9:4

थम चोव़खो कोठामी सुन के सेल्‍शो धूप चोतीक नु परमप्रभु यावे आ कबल पशो सुनमी गिल्‍शो सन्‍दोस बाक्‍माक्‍त। मेको कबल पशो सन्‍दोसमी मार वोइश्‍शो बाक्‍माक्‍त देंशा हना, मन्‍ना कुर पशो सुन के बोस, हारून आ कोच्‍वा दाप्‍शो कोक्‍के नु परमप्रभु यावेमी फुल्‍लुमी मुशा ब्रेक्‍शा वोइश्‍शो अरेशो लोव़ मेको आगाम बाक्‍माक्‍त। प्रस्‍थान १६:३३; प्रस्‍थान २५:१०-२२; गन्‍ती १७:२३-२५

प्रकाश 5:1

मिनु गो मेको ठेयब नित्‍तीकेमी निप्‍ब आ ग्‍युरा गुइमी ओल्‍शो कागज का शेशो ताता। मेको कागजम निम्‍फा गे ब्रेक्‍शो बाक्‍त। मिनु मेको कागज ७ ओटा छाप थोक्‍शा, प्राक्‍ने मचाप्‍चा ङा सेल्‍शो बाक्‍त। प्रकाश ४:३; इजीकीएल २:१-१०