प्रस्‍थान 31:6 - Sunuwar Bible

⁶ गो दान आ थर ङा अहीसामाक आ तौ ओहोली-आब कली बेचालेल नु गेय पचा कली योव़ता। गो इस्राएल ङा जोक्‍ब रिम्‍शो गेय पाइब मेको आस कली वारच पाइब यो योव़तामी। गो इ कली मार मार देंङा, मेको नेल्‍ल आन कली सेल्‍ने चाप्‍तीक सक्ति गेतामी।

प्रस्‍थान 31:6 ပူးပေါင်းရင်းမြစ်များ

१ राजा 3:12

मुल गो इ पुंइशो गे‍नुङ। गो थमा पा इ कली जोक्‍तीक तुइक्‍तीक थुं नु रुप्‍तीक थुं गेनन। ङोंइती इ खोदेंशो अर्को सुइ मबाक्‍म। मिनु नोले यो इ खोदेंशो सुइ मदुम्‍नीम। ब्‍यवस्‍था २६:१४

प्रस्‍थान 28:3

मिनु सु सुमी फेरस जोक्‍नीमी, मेको नु लोव़ पावो। मारदे हना गो मेको आन कली जोक्‍ब नु तुइक्‍ब सोक्‍तीम प्रिंताक्‍ङमी। मेकोपुकीमी हारूनमी आं कली चढ़ेतीक गेय पचा कली वासी फेरचा माल्‍नीम। प्रस्‍थान ३१:५

प्रस्‍थान 31:5

हीरा ख्रोइक्‍तीक नु सुनम क्‍येप्‍तीके, शी मुतीके नु मारेइ मारेइ सेल्‍स जोक्‍ब दुम्‍पाइक्‍ता।

प्रस्‍थान 35:10

मिनु मोसामी “इन दातेम सु सु जोक्‍ब बाक्‍नी, मेको नेल्‍ल जाक्‍शा, परमप्रभु यावे आ देंशो थोव़क नेल्‍ल सेल्‍चा माल्‍नीनी।

प्रस्‍थान 35:34

परमप्रभुमी बेचालेल नु दान आ थर ङा अहीसामाक आ तौ ओहोली-आब आस कली अरु आन कली शेंतीक सक्ति गेशो बाक्‍ब।

प्रस्‍थान 35:35

मिनु मेको आस कली जोक्‍ब तुइक्‍ब थुं गेशा, गेय पतीक सक्ति नेल्‍ल गेशो बाक्‍ब। मार गेय पचा कली जोक्‍ब तुइक्‍ब सेल्‍शो बाक्‍ब देंशा हना, दारशो मार मार गेय पाइब, मिम्‍शा ब्रेक्‍स ब्रेक्‍शा, नीलो प्‍याजी नु लल श्‍येले बुटा प्रोव़चा नु रिम्‍शो पा किरशो सुती श्‍येले के प्रोव़शो वामी बुटा आप्‍चा कली जोक्‍ब तुइक्‍ब सेल्‍शो बाक्‍ब।

प्रस्‍थान 35:4

मिनु नोले मोसामी इस्राएली आन कली “परमप्रभु यावे आ शेंशो लोव़ मार बाक्‍ब, देंशा हना

प्रस्‍थान 36:8

मिनु जोक्‍ब गेय पाइब नेल्‍लेमी परमप्रभु यावे आ बाक्‍तीक कली १० ओटा सुम्‍तीक वा सेल्‍तेक्‍म। रिम्‍शो पा किरशो सुती श्‍येले के प्रोव़शो वा के नु नीलो, प्‍याजी नु लल रङ ङा श्‍येलेमी शुश रिम्‍शो करूबपुकी बुटा आप्‍शा सेल्‍तेक्‍म।

प्रस्‍थान 38:23

मेको नु दान आ थर ङा अहीसामाक आ तौ ओहोली-आब यो बाक्‍त। मेको मार मार मुशा सेल्‍तीक गेय जोक्‍ब, ब्रेक्‍स ब्रेक्‍शा सेल्‍चा जोक्‍ब नु नीलो, प्‍याजी नु लल रङ ङा रिम्‍शो पा किरशो सुती श्‍येलेम दारशो बुटा आप्‍तीक गेय यो जोक्‍ब बाक्‍त।

प्रस्‍थान 6:26

मिनु परमप्रभु यावेमी हारून नु मोसा कली “गे इस्राएल ङा मुरपुकी हुल हुल पा इजीप्‍त रागी रे ग्रुंइदीस” देंत। प्रस्‍थान ६:१३

लूका 10:1

मिनु नोले प्रभुमी ७० जना अरु शेंसीब आन कली योव़शा, ङोंइती आ लशो सहर गाउंमी निक्‍‍निक्‍शी पा सोइक्‍तीमी बाक्‍त। का नि‍क्‍शी किताबम ७२ देंनीम। लूका ६:१३-१६; लूका ९:१; मर्कूस ६:७

प्रेरित 13:2

मिनु काबु थमा सुइक्‍बपुकी खुम्‍सीशा माइजा बाक्‍शा, प्रार्थना पना पन प्रभु कली ठेयब सेल्‍ना सेल्‍न बाक्‍मानु, परमप्रभु यावे आ सोक्‍तीमी “बारनाबास नु सावल आस कली आं गेय पथ योव़तासी। मोपतीके मेको आस कली आं गेय पचा कली सोइक्‍तीने” दे तुइक्‍पाइक्‍मी बाक्‍त। प्रेरित ९:१५

याकूब 1:5

तुइक्‍‍ब थुं माल्‍तीनी हना, गेपुकीमी परमप्रभु यावे कली “गो तुइक्‍ब थुं माल्‍नुङ” दे पुनीन। परमप्रभु यावेमी मगाइक्‍थु, शुश तुइक्‍ब थुं गेब। याकूब ३:१५; हितोपदेस २:३-६