प्रस्‍थान 31:4 - Sunuwar Bible

⁴ मेकोमी नेल्‍ल मिम्‍शा, सुन, चांदी नु कांसा के मारेइ मारेइ चेम्‍ने चाप्‍ब।

प्रस्‍थान 31:4 ပူးပေါင်းရင်းမြစ်များ

१ राजा 7:14

मेको आ ममा नाप्‍ताली आ खिं ङा आ वोंइश बेक्‍शो मीश मुर का बाक्‍माक्‍त। मेको आ आफ टायर ङा थाम्‍पा कांसा के गेय पस जोक्‍ब मुर बाक्‍माक्‍त। मोपतीके हुराम यो थाम्‍पा कांसा के गेय पस जोक्‍ब बाक्‍माक्‍त। मिनु मेको पिप सोलोमन आ बाक्‍तीक जाक्‍माक्‍त। मिनु आ कली गेशो गेय नेल्‍ल पवा बाक्‍त।

२ इतिहास 2:7

मोपतीके गे आं कली सेल्‍स जोक्‍ब तुइक्‍ब मुर का सोइक्‍तीन। मेको मुरुम सुन, चांदी, कांसा नु फलाम चेम्‍शा, मार मार सेल्‍स जोक्‍चा माल्‍ब। मेकोमी प्‍याजी, लल नु नीलो श्‍येले रे मार मार प्रोव़स जोक्‍चा माल्‍ब। मिनु मार मार मुशा, बुटा आप्‍चा शेंसीशो मुर दुम्‍चा माल्‍ब। मिनु मेकोमी आं आफ दाऊदम योव़शो मारेइ मारेइ पस जोक्‍ब यहूदा नु यरूसलेमम गो नु बाक्‍ब मुरपुकी नु गेय पचा माल्‍ब।

प्रस्‍थान 26:1

आं बाक्‍तीके सेल्‍चा कली रिम्‍शो पा किरशो सुती श्‍येले के १० ओटा ताम्‍बु साप्‍तीके प्रोव़पाइक्‍चा माल्‍नेवे। मेको सुती श्‍येले नीलो, प्‍याजी नु लल रङम नुप्‍शो बाक्‍चा माल्‍ब। मिनु मेको वामी करूब बुटा आप्‍शा, थाम्‍पा रिम्‍शो प्रोव़स जोक्‍ब मुर आन कली प्रोव़पाइक्‍चा माल्‍नेवे।

प्रस्‍थान 28:15

गे निसाफ पतीक झोला सेल्‍पाइक्‍चा माल्‍नेवे। मेको कुचु तार वोइक्‍तीके खोदेंशो पा, सेल्‍पाइक्‍चा माल्‍नेवे। सुन, नीलो, प्‍याजी, लल श्‍येले नु रिम्‍शो पा किरशो सुती श्‍येले के प्रोव़पाइक्‍चा माल्‍नेवे।

प्रस्‍थान 31:3

गो मेको कली आं सोक्‍तीमी प्रिंशा, मार मार सेल्‍चा कली जोक्‍ब तुइक्‍ब सेल्‍ता। मिनु पने चाप्‍तीक सक्ति यो गेता।

प्रस्‍थान 31:5

हीरा ख्रोइक्‍तीक नु सुनम क्‍येप्‍तीके, शी मुतीके नु मारेइ मारेइ सेल्‍स जोक्‍ब दुम्‍पाइक्‍ता।