प्रस्‍थान 30:34 - Sunuwar Bible

³⁴ मिनु परमप्रभु यावेमी मोसा कली “ब्रोव़शो रिना पाइब थोव़क मार ब्‍वाइक्‍पाइक्‍चा माल्‍नेवे देंशा हना, चोव़क, कुन्‍दापुरी, ब्रोव़शो रिना पाइब रवा आ दूध नु मारेइ मब्‍वाइश्‍शो मूरे, उइक्‍थ उइक्‍थ पा नाक्‍शा ब्‍वाइक्‍पाइक्‍चा माल्‍नेवे।

प्रस्‍थान 30:34 ပူးပေါင်းရင်းမြစ်များ

नेहेम्‍याह 13:5

मिनु चढ़ेब एल्‍याशीबमी आंम खिं ङा मुर, तोबीयाह कली परमप्रभु यावे आ खिं ङा वोइक्‍तीक ठेयब कोठा का गेशो बाक्‍त। ङोंइती मेको कोठामी मार मार शेंशो खोदेंशो पा चढ़ेशो १० भाग ङा अन्‍न, धूप, परमप्रभु यावे आ खिं ङा बोसपुकी, मुर आन गेशो १० भाग ङा भाग का अन्‍न, अङगुर शांबु नु तेल वोइश्‍शो बाक्‍त। मेको परमप्रभुमी शेंशो खोदेंशो पा लेवी, कुम्‍सो पाइब, लाप्‍चो खाल पाइ‍ब नु चढ़ेब आन तचा ङा भाग वोइश्‍शो बाक्‍त।

प्रस्‍थान 25:6

बत्ती दातीक तेल, लुक्‍तीक तेल नु धूप कली ब्रोव़शो रिना पपाइक्‍ब थोव़क,

प्रस्‍थान 30:23

“गेमी शुश क्‍येट लाइब ब्रोव़शो रिना पाइब थोव़क चाक्‍चा माल्‍नेवे। मार चाक्‍चा माल्‍नेवे देंशा हना, मूरे आ रस ५ सहे शेकेल, दाल चिनी सहे निक्‍शी ५० शेकेल नु ब्रोव़शो रिना पाइब बोच सहे निक्‍शी ५० शेकेल चाक्‍चा माल्‍नेवे। शेकेल का ११.५ ग्राम चांदी के क्‍येट बाक्‍ब। ताम्‍बु ङा शेकेल चहिं १२ ग्राम बाक्‍ब।

प्रस्‍थान 30:33

सुमी मेको खोदेंशो पा ब्‍वाइश्‍शा तेल सेल्‍बा नु अरु मुर आन कली ख्रेक्‍बा, मेको मुर आ थर रे तिल्‍चा पुंइसीब” दे परमप्रभु यावेमी मोसा कली दें‍त।

प्रस्‍थान 30:35

जोक्‍ब मुरुम मेको नेल्‍ल ब्‍वाइश्‍शा, ब्रोव़शो रिना पाइब धूप, हिक्‍सी सुप्‍शा, अरु मब्‍वाइश्‍शो परमप्रभु कली ला चढ़ेतीक धूप सेल्‍पाइक्‍चा माल्‍नेवे।

प्रस्‍थान 30:7

मिनु हारूनमी सुनी कुस कुस बत्ती दाचा कली सादानु, ब्रोव़शो रिना पाइब धूप चोचा माल्‍ब। भजन संग्रह १४१:२

प्रस्‍थान 31:11

लुक्‍तीक तेल नु ब्रोव़शो रिना पाइब धूप गोम इ कली देंशो खोदेंशो पा मेकोपुकीमी आं बाक्‍तीक कली सेल्‍चा माल्‍नीम” दें‍त।

प्रस्‍थान 35:15

धूप चोशा चढ़ेतीके नु मेको आ कुरतीक कोक्‍के, लुक्‍चा कली तेल नु ब्रोव़शो रिना पाइश्‍शो धूप, ताम्‍बु ओव़तीक ङा फारतीक वा,

प्रस्‍थान 37:29

मिनु मेकोमी ताम्‍बु ङा लुक्‍तीक तेल नु ब्रोव़शो रिना पाइब धूप जोक्‍ब मुरुम सेल्‍शो खोदेंशो पा सेल्‍तु।

ठेयब कुम्सो 3:6

गोरशो रागी रे मार जाक्‍बा? कुन के थाम खोदेंशो तांइसीब। मिनु मेको मूरे नु धूप खोदेंशो ब्रोव़शो रिना पाइब। मेको ग्‍याप्‍ब लेयब आन मस्‍ला खोदेंशो पा रिना पाइक्‍तु।

यसैया 43:23

गे इ भेडा आं कली चोशा मचढ़ेयी। इ चढ़ेशोमी आं कली मान मपवी। गो इ कली जचा थोव़क चढ़ेचा माल्‍नेवे, दे श्‍येत मगेङ। धूप चोचा माल्‍नेवे, दे मदेंङ। यसैया १:११-१५

लेवी 16:12

मिनु मेकोमी परमप्रभु यावे आ ङोंइती चढ़ेतीके रे ब्रशो कोइला धूप चोतीकेम कुर पा मुठी निक्‍शी चुशो ब्रोव़शो रिना पाइश्‍शो धूप कुरशा फारतीक वा चोव़खो कोठा ओव़चा माल्‍ब।

लेवी 2:1

मिनु सुइ मुरुमी परमप्रभु यावे कली अन्‍न चढ़ेचा थुं पाप्‍तु हना, मेको अन्‍न चढ़ेतीक थम रिम्‍शो फस बाक्‍चा माल्‍ब। मिनु मेकोमी मेकेर तेल लुक्‍शा, धूप सुप्‍चा माल्‍नीम। लेवी ७:१०; गन्‍ती १५:४

लेवी 2:15

मेको तारी तेल लुक्‍शा, धूप वोइक्‍चा माल्‍ब। मेको अन्‍न चढ़ेतीक बाक्‍ब।

लेवी 24:7

मेको निक्‍शी ख्रोप्‍तीकेमी का का पा रिम्‍शो धूप वोइक्‍चा माल्‍ब। मिनु मेको शोब्‍ले आ पा ङा मेको धूप मीम चोशा परमप्रभु यावे कली चढ़ेचा माल्‍ब।

लेवी 5:11

तन्‍न ढुकुर निक्‍शी नु परवा निक्‍शी यो चाक्‍ने मचाप्‍तु हना, मेकोमी मार पाप पशो बाक्‍मे, मेको पाप आ पर्बम एफाह का ङा १० भाग थम रिम्‍शो फस चाक्‍चा माल्‍ब। मेकोमी मेको फस तार तेल लुक्‍चा नु धूप वोइक्‍चा मदुम्‍ब। मारदे हना मेको पाप आ पर्बम चढ़ेतीके बाक्‍ब। एफाह पुक्‍तीके का बाक्‍ब। एफाह का २२ लिटर रिक्‍ब। मेको ङा १० भाग २ लिटर नु इच्‍का खोइ खोदेंशो बाक्‍ब।

गन्‍ती 4:16

चढ़ेब हारून आ तौ एलाजर बत्ती दाशो तेल, ब्रोव़शो रिना पाइक्‍ब धूप, नाक्‍त किंत किंत ङा चढ़ेतीक अन्‍न नु लुक्‍तीक तेल कली कोव़ब बाक्‍ब। मेको ग्रुम्‍तीक ताम्‍बु नु मेकेर ङा मारेइ मारेइ कोव़ब बाक्‍ब” देंत।

गन्‍ती 7:14

मिनु १० शेकेल ङा धूपम ब्रीशो सुन के आइक्‍च बोस का,

मत्ती 2:11

मिनु ओव़शा, आल नु आल आ ममा मरीयम कली तामे बाक्‍त। मिनु आन पोक्‍च थेक्‍शा आल कली ठेयब सेल्‍मे बाक्‍त। मिनु आन कुरशो थैलो प्राक्‍शा, सुन धूप नु ब्रोव़शो रिना पाइब थोव़क ग्रुंइशा ख्रेत्‍तमे बाक्‍त। भजन संग्रह ७२:१०,१५; यसैया ६०:६