प्रस्‍थान 30:30 - Sunuwar Bible

³⁰ आं कली चढ़ेब दुम्‍ब हारून नु आ तौ आन कली यो तेल ख्रेक्‍शा, आं गेय पाइब सेल्‍चा माल्‍नेवे। प्रस्‍थान २९:७

प्रस्‍थान 30:30 ပူးပေါင်းရင်းမြစ်များ

भजन संग्रह 133:2

मेको पियाम लुक्‍शो शुश क्‍येट थाप्‍शो तेल खोदेंशो बाक्‍ब। मेको हारून आ गल शोक्रे रे शाइश्‍शा, आ वा सम्‍म जाक्‍दीप्‍ब।

प्रस्‍थान 28:3

मिनु सु सुमी फेरस जोक्‍नीमी, मेको नु लोव़ पावो। मारदे हना गो मेको आन कली जोक्‍ब नु तुइक्‍ब सोक्‍तीम प्रिंताक्‍ङमी। मेकोपुकीमी हारूनमी आं कली चढ़ेतीक गेय पचा कली वासी फेरचा माल्‍नीम। प्रस्‍थान ३१:५

प्रस्‍थान 28:41

गे मेको इ लोक्‍ब हारून नु आ तौ आन कली फेक्‍तीमी। मिनु तेल लुक्‍शा, आं कली ला गेय पचा कली योव़शा वोइक्‍मी। मोपा आं कली चढ़ेब दुम्‍नीम। प्रस्‍थान २९:९, २९-३६; प्रस्‍थान २९:२४; लेवी ८:१२,२२-३१

प्रस्‍थान 30:29

मोपा मेको मारेइ मारेइ नेल्‍ल ख्रेक्‍तीनु, मेको ताम्‍बु ङा गेय कली ला दुम्‍नीम। मेको कली मार मारम थीनीमी, मेको यो परमप्रभु कली दुम्‍नीम।

प्रस्‍थान 30:31

इस्राएली आन कली ‘मेको गेना हना यो इन चच युइ आन पाला सम्‍म लुक्‍तीक तेल दुम्‍चा माल्‍ब। मेको तेल परमप्रभु यावे के ला बाक्‍ब।

प्रस्‍थान 40:15

आन आफ कली खोदेंशो पा मेको आन कली यो तेल लुक्‍तो। मेकोपुकी यो चढ़ेब दुम्‍शा, आं गेय पचा माल्‍नीम। मेको तेल लुक्‍तीके आन चच युइ आन पाला नेल्‍लेमी गेना हना यो आं कली चढ़ेब दुम्‍नीम” देंत।

लेवी 10:3

मिनु मोसामी हारून कली “परमप्रभु यावेमी देंशो ‘आं नेक्‍था बाक्‍ब आन कली गो नेल्‍ल क्‍येङा ठेयब बाक्‍नुङ’ दे कोंइनुङ। मिनु नेल्‍ल मुर आन ङोंइती गो ठेयब सेल्‍चा पुंइसीनुङ” देंत। मिनु हारून सिक्‍सी पा बाक्‍त।

लेवी 8:12

मिनु मेकोमी हारून आ पियाम लुक्‍तीक तेल लुक्‍शा, मेको कली परमप्रभु यावे कली ला गेय पाइब सेल्‍तु।

लेवी 8:30

मिनु मोसामी लुक्‍तीक तेल नु चढ़ेतीकेम वोइश्‍शो हुश लाइश्‍शा, हारून नु आ तौ आन फेक्‍शो वाम ब्रुइक्‍ताक्‍व। मोपा मोसामी हारून नु मेको आ फेक्‍शो वा, आ तौपुकी नु मेको आन फेक्‍शो वा नेल्‍ल परमप्रभु यावे कली ला गेय पाइब, दे चोव़खो सेल्‍तु।

गन्‍ती 3:3

मेको नेल्‍ल तेल लुक्‍शो चढ़ेब बाक्‍तेक्‍म। हारूनमी मेको आन कली चढ़ेतीक गेय पचा, दे तेल लुक्‍ताक्‍व। प्रस्‍थान ४०:१५