प्रस्‍थान 30:25 - Sunuwar Bible

²⁵ मेको नेल्‍ल ब्‍वाइश्‍शा थम रिम्‍शो लुक्‍तीक तेल सेल्‍पाइक्‍चा माल्‍नेवे। मेको परमप्रभु यावे कली ला बाक्‍ब। मेको ब्रोव़शो रिना पाइब सेल्‍स जोक्‍ब मुर कली सेल्‍पाइक्‍चा माल्‍नेवे। मेको थम रिम्‍शो लुक्‍तीक तेल ताम्‍बु कली ला सेल्‍चा माल्‍ब। प्रस्‍थान ३७:२९

प्रस्‍थान 30:25 ပူးပေါင်းရင်းမြစ်များ

प्रस्‍थान 37:29

मिनु मेकोमी ताम्‍बु ङा लुक्‍तीक तेल नु ब्रोव़शो रिना पाइब धूप जोक्‍ब मुरुम सेल्‍शो खोदेंशो पा सेल्‍तु।

१ इतिहास 9:30

चढ़ेब आन तौ ङा का निक्‍शीम मस्‍ला ब्‍वाइक्‍तीक गेय पाइबाक्‍मा बाक्‍त। प्रस्‍थान ३०:२३-२५

प्रस्‍थान 40:9

मिनु गे लुक्‍चा कली तेल चाक्‍शा, आं बाक्‍तीक नु मेकेर ङा मारेइ मारेइ आन कली ‘परमप्रभु यावे केन बाक्‍ब’ दे तेल लुक्‍तो। मोपा मेको नेल्‍ल आं के दुम्‍नीम।

भजन संग्रह 133:2

मेको पियाम लुक्‍शो शुश क्‍येट थाप्‍शो तेल खोदेंशो बाक्‍ब। मेको हारून आ गल शोक्रे रे शाइश्‍शा, आ वा सम्‍म जाक्‍दीप्‍ब।

भजन संग्रह 89:20

गो आं गेय पाइब, दाऊद कली थित्‍ता। गो मेको तारी तेल लुक्‍ताक्‍ङ।

हिब्रू 1:9

ठीक गेय पतीके दाक्‍नीनी। मरिम्‍शो पतीके मदाक्‍नीनी। मोपतीके परमप्रभु, इन परमप्रभु यावेमी इन पियामी तेल ख्रेक्‍शा ग्‍येरपाइक्‍तु। इन वारच आन क्‍येङा इन कली ठेयब सेल्‍तु” देंत। भजन संग्रह ४५:६-७

गन्‍ती 35:25

मिनु मेको सहर ङा मुरपुकीम मेको मुर साइक्‍ब कली क्‍येक्‍क लेप्‍ब आ गुइ रे प्रोंइचा माल्‍नीम। मिनु नोले सहर ङा मुरपुकीमी मेको मुर साइक्‍ब ब्रोंइशा बाक्‍तीक सहर सोइक्‍चा माल्‍नीम। मिनु मेको मुर साइक्‍ब तेल लुक्‍शो ठेयब चढ़ेब मबेक्‍म सम्‍म मेकेर बाक्‍चा माल्‍ब। लेवी २१:१०

प्रस्‍थान 29:7

मिनु लुक्‍तीक तेल लाइश्‍शा आ पियामी तेल लुक्‍तो। प्रस्‍थान ३०:२५

प्रस्‍थान 29:21

मिनु चढ़ेतीकेम बाक्‍शो हुश नु लुक्‍तीक तेल लाइश्‍शा, हारून नु आ वा नु आ तौ आन वा तारी ब्रुइक्‍चा माल्‍नेवे। मोपा हारून नु आ वा, आ तौ नु मेको आन वा नेल्‍ल परमप्रभु यावे कली ला गेय पचा कली दुम्‍नीम।

प्रस्‍थान 30:24

नु कस्‍सीया माइश्‍शो ब्रोव़शो रिना पाइब फू ५ सहे शेकेल, ताम्‍बु ङा नाक्‍तीकेमी नाक्‍शा, चाक्‍चा माल्‍नेवे। रिम्‍शो तेल हिन का यो चाक्‍चा माल्‍नेवे। हिन का ४ लिटर खोदेंशो बाक्ब।

प्रस्‍थान 30:32

मेको अरु मुर आन कली ख्रेक्‍चा मदुम्‍ब। मेको खोदेंशो पा ब्‍वाइश्‍शा तेल सेल्‍चा मदुम्‍ब। मेको परमप्रभु आ तेल ला बाक्‍ब’ दे मिम्‍चा माल्‍नीनी।

प्रस्‍थान 30:35

जोक्‍ब मुरुम मेको नेल्‍ल ब्‍वाइश्‍शा, ब्रोव़शो रिना पाइब धूप, हिक्‍सी सुप्‍शा, अरु मब्‍वाइश्‍शो परमप्रभु कली ला चढ़ेतीक धूप सेल्‍पाइक्‍चा माल्‍नेवे।

प्रस्‍थान 35:15

धूप चोशा चढ़ेतीके नु मेको आ कुरतीक कोक्‍के, लुक्‍चा कली तेल नु ब्रोव़शो रिना पाइश्‍शो धूप, ताम्‍बु ओव़तीक ङा फारतीक वा,

लेवी 8:2

“गे हारून नु आ तौ आन कली, चढ़ेब आन फेक्‍तीक वा, आन कली लुक्‍चा कली तेल, पाप आ पर्बम चढ़ेतीक ब्‍यफ, सांड निक्‍शी नु बोरब ओख्‍ती मसुप्‍शो शोब्‍ले चाक्‍को। प्रस्‍थान २८:३९-४३

लेवी 8:10

मेको नोले मोसामी लुक्‍तीक तेल चाक्‍शा परमप्रभु यावे आ बाक्‍तीके नु मेकेर बाक्‍शो मारेइ मारेइ आन कली ब्रुइश्‍शा, “परमप्रभु यावे केन बाक्‍ब” दे चोव़खो सेल्‍तु।

उपदेसक 10:1

मिनु दोपा बेक्‍शो चुरमुमी ब्रोव़शो रिना पाइश्‍शो ख्रेक्‍तीक कली राक्‍पाइक्‍बा, मोपा इच्‍का खोइ मूर्ख दुम्‍तीकेमी जोक्‍तीक तुइक्‍तीक नु मान ततीक नेल्‍ल खतम पोक्‍ब।

प्रस्‍थान 28:41

गे मेको इ लोक्‍ब हारून नु आ तौ आन कली फेक्‍तीमी। मिनु तेल लुक्‍शा, आं कली ला गेय पचा कली योव़शा वोइक्‍मी। मोपा आं कली चढ़ेब दुम्‍नीम। प्रस्‍थान २९:९, २९-३६; प्रस्‍थान २९:२४; लेवी ८:१२,२२-३१

१ राजा 1:39

मिनु चढ़ेब सादोकमी परमप्रभु यावे आ ताम्‍बु रे तेल वोइश्‍शो ग्रोव़ ग्रुंइशा सोलोमन कली लुक्‍शा पिप सेला बाक्‍त। मिनु मेकोपुकीम तुराही ताप्‍मे बाक्‍त। मिनु मुर नेल्‍लेम ठेयब सेंदा पा “पिप सोलोमन गेना हना यो ब्रोंइशा बाक्‍ल” देंमा बाक्‍त। १इतिहास २३:१; २सामुएल २९:२२