प्रस्‍थान 30:14 - Sunuwar Bible

¹⁴ वोंइश मुर गिश जना २० बर्स गाप्‍शो नु मेको क्‍येङा लाक्‍शो बाक्‍मा, मिश जनाम परमप्रभु यावे कली गेचा माल्‍शो चढ़ेचा माल्‍नीम।

प्रस्‍थान 30:14 ပူးပေါင်းရင်းမြစ်များ

प्रस्‍थान 30:13

गिश जना वोंइश मुर हिक्‍सीनीमी, मिश जना ताम्‍बु ङा नाक्‍तीके ङा आधा शेकेल गेचा माल्‍नीमी। शेकेल का २० गेराह चांदी बाक्‍नीम। मोपा परमप्रभु यावे कली गेशो क्‍येट आधा शेकेल गेचा माल्‍शो बाक्‍ब। शेकेल का ११.५ ग्राम खोदेंशो बाक्‍ब। गेरा का ०.६ ग्राम बाक्‍ब। मत्ती १७:२७

प्रस्‍थान 30:15

इन पाप क्‍याम्‍तीक गेय पचा कली थीबमी आधा शेकेल, मथीबमी यो आधा शेकेल परमप्रभु यावे कली गेचा माल्‍नीनी।

इजीकीएल 45:12

शेकेल का २० गेराह दुम्‍चा माल्‍ब। २० शेकेल, २५ शेकेल नु १५ शेकेल नेल्‍ल पा मीना का दुम्‍चा माल्‍ब” देंत। शेकेल का ११.५ ग्राम बाक्‍ब। गेराह का ०.६ ग्राम बाक्‍ब। मीना का ६०० ग्राम खोदेंशो बाक्‍ब।

इजीकीएल 45:16

मिनु मेकोमी लेंशा “इस्राएल ङा मुर नेल्‍लेमी मेको सासन पाइब कली मोदेंशो गेचा माल्‍नीम।

गन्‍ती 1:18

मिनु मेको निक्‍शीमी महिना निक्‍शी ङा ङोंइती ङा नाक्‍ती इस्राएली नेल्‍ल आन कली पुक्‍ताक्‍स। मिनु मुर नेल्‍लेमी आन थर नु आन खिं देंशा, ब्रेक्‍पाइक्‍तेक्‍म। मिनु २० बर्स गाप्‍शो नु मेको क्‍येङा लाक्‍शो आन नें नेल्‍ल ब्रेक्‍पाइक्‍तेक्‍म।

गन्‍ती 1:20

इस्राएल आ ङोंइती जरमेशो तौ रूबेन आ थर ङा आन खिं खिं ङा २० बर्स गाप्‍शो नु मेको क्‍येङा लाक्‍शो लडाइम लने चाप्‍ब वोंइश मुर नेल्‍ल आन नें ब्रेक्‍ताक्‍म।

गन्‍ती 1:3

इस्राएलमी २० बर्स गाप्‍शो नु मेको क्‍येङा लाक्‍शो लडाइम लने चाप्‍ब मुर नेल्‍ल आन कली गे नु हारूनमी लडाइ पचा कली खुप्‍शा वोइक्‍चा माल्‍नीसी।

गन्‍ती 14:29

गे नेल्‍ल गोरशो रागीमी बेक्‍चा माल्‍नीनी। नें ब्रेक्‍शो नेल्‍ले, २० बर्स गाप्‍शो नु मेको क्‍येङा लाक्‍शो आं कली गन गन पाइब बेक्‍चा माल्‍नीम। १कोरिन्‍थी १०:१०

गन्‍ती 26:2

“इस्राएली नेल्‍ल आन दातेमी २० बर्स गाप्‍शो नु मेको क्‍येङा लाक्‍शो लडाइम लने चाप्‍ब आन कली थर थर पा हिक्‍कीस” देंत। गन्‍ती १:२-४७;

गन्‍ती 32:11

‘इजीप्‍त रे जाक्‍शो २० बर्स गाप्‍शो नु मेको क्‍येङा लाक्‍शो सुइ मेको अब्राहाम, इसहाक नु याकूब नु कसम जशो रागी ओव़चा मताइनीम। मारदे हना आं कली मटीयीमी। गन्‍ती १४:२२-३८; गन्‍ती २६:६५