मेको नेल्ल क्येङा चोव़खो कोठा पुक्शो नु २० कुबीत लाइश्शो, २० कुबीत ब्रेम्शो नु २० कुबीत ग्येत्थ लाइश्शो बाक्माक्त। मिनु मेकोमी मेकेर नेल्ल क्येख सुन क्येप्पदा बाक्त। मिनु मोदेंशो पा मेकोमी लेबानोन ङा लाइश्शो रवा आ शी के सेल्शो चढ़ेतीक कली यो सुनम गिल्पदा बाक्त। कुबीत का ०,५ खोदेंशो बाक्ब। १राजा ७:४८
प्रस्थान 30:1 - Sunuwar Bible1 मिनु गे धूप चोचा कली बोल्यो शी के चढ़ेतीक का सेल्चा माल्नेवे। အခန်းကိုကြည့်ပါ။ |
प्रस्थान 30:1
21 ပူးပေါင်းရင်းမြစ်များ
बर्सम खेयप का हारूनमी चढ़ेतीक आ ग्रोव़म हुश ख्रेक्शा पाप क्याम्तीक गेय पचा माल्ब। मेको हुश पाप आ पर्बम चढ़ेशो बस्तु आ हुश बाक्चा माल्ब। मेको गेना हना यो बर्समी खेयप का इन चच युइ आन पाला सम्म मेको पाप क्याम्तीक गेय चढ़ेतीके आ हुशेमी पचा माल्ब। मेको परमप्रभु यावे आ ङोंइती नेल्ल क्येङा चोव़खो सेल्तीके बाक्ब” दे परमप्रभु यावेमी मोसा कली देंत। लेवी १६:१८
मिनु नोले चढ़ेबमी मेको हुश ग्रुम्तीक ताम्बु आ आगामी बाक्शो धूप चढ़ेतीके आ ग्रोव़पुकीमी ख्रेक्चा माल्ब। मेको ब्रोव़शो रिना पाइश्शो धूप परमप्रभु यावे आ ङोंइती चढ़ेतीके बाक्ब। मिनु लीशो हुश नेल्ले ग्रुम्तीक ताम्बु आ ओव़तीक ङा चोशा चढ़ेतीक आ पुंम मोइक्चा माल्ब। प्रस्थान ३०:१,६; प्रस्थान ४०:६
थम चोव़खो कोठामी सुन के सेल्शो धूप चोतीक नु परमप्रभु यावे आ कबल पशो सुनमी गिल्शो सन्दोस बाक्माक्त। मेको कबल पशो सन्दोसमी मार वोइश्शो बाक्माक्त देंशा हना, मन्ना कुर पशो सुन के बोस, हारून आ कोच्वा दाप्शो कोक्के नु परमप्रभु यावेमी फुल्लुमी मुशा ब्रेक्शा वोइश्शो अरेशो लोव़ मेको आगाम बाक्माक्त। प्रस्थान १६:३३; प्रस्थान २५:१०-२२; गन्ती १७:२३-२५
ကြော်ငြာတွေ