प्रस्‍थान 3:4 - Sunuwar Bible

⁴ मिनु परमप्रभु यावेमी मोसा कली ब्रशो बुटा कोव़थ पिशो तशा, परमप्रभुमी बुटा रे “मोसा, मोसा” दे ब्रेत्‍ताक्‍व। मिनु मोसामी “गो एक बाक्‍ती” दे लोव़ लेत्‍ताक्‍व।

प्रस्‍थान 3:4 ပူးပေါင်းရင်းမြစ်များ

उत्पत्ती 22:1

मिनु नोले परमप्रभुमी “अब्राहामम आं कली टीबाक्‍म कों, मटीबाक्‍म” दे मिम्‍शा “अब्राहाम” दे ब्रेत्‍ता बाक्‍त। अब्राहाममी “गो एक बाक्‍ती” दे परमप्रभु कली मदा बाक्‍त। प्रस्‍थान १५:२५; प्रस्‍थान १६:४; प्रस्‍थान २०:२०; ब्‍यवस्‍था ८:२; ब्‍यवस्‍था १३:४; न्‍यायाधीस २:२२; हिब्रू ११:१७; याकूब १:१३

उत्पत्ती 22:11

मिनु परमप्रभु यावे आ स्‍वर्ग ङा गेय पाइबमी सरीङ रे “अब्राहाम, अब्राहाम” दे ब्रेत्‍ता बाक्‍त। मिनु अब्राहाममी “गो नेंता” देंमाक्‍त।

उत्पत्ती 28:16

मिनु याकूब आ निन्‍द्रा रे सेंसीशा “परमप्रभु यावे थमा पा एकेर बाक्‍ब। गो मतुइक्‍तु” देंमाक्‍त।

उत्पत्ती 46:2

मिनु मेको नाक्‍दो परमप्रभुमी इस्राएल कली “याकूब, याकूब” देंमाक्‍त। मिनु इस्राएलमी “गो नेंता” दे लोव़ लेत्‍ता बाक्‍त।

भजन संग्रह 62:11

परमप्रभुमी लोव़ पाप्‍तु। गो लोव़ निक्‍शी नेंता “परमप्रभु के सक्ति बाक्‍ब।

प्रस्‍थान 19:3

मिनु मोसा परमप्रभु नु लोव़ पचा कली डांडा ङोंइसाक्‍व। मिनु डांडा रे परमप्रभु यावेमी मोसा कली “इ किकी पिपी याकूब आ खिं ङा मुर, इस्राएली आन कली

प्रस्‍थान 3:2

मेकेर परमप्रभु यावे आ स्‍वर्ग ङा गेय पाइब मी ब्रशो बुटा रे ग्रूत। ङोंइती दोदेंशो बाक्‍‍त देंशा हना, मोसामी ङोन रे कोव़ङानु, ब्रशो बुटा का कली मीम काइ मनेक्‍शो ताप्‍तु। ब्‍यवस्‍था ३३:१६

प्रस्‍थान 33:12

मिनु मोसामी परमप्रभु यावे कली “कोव़ङीन, गे आं कली ‘एको मुर आन कली लतो’ देंतीनी, तन्‍न गो नु सु सु सोइक्‍नीनी, गे आं कली मतुइक्‍पाइय्‍यीनी। मो हना यो, गे आं कली ‘इ नें कली तुइक्‍नुङ। मिनु इ कली दाक्‍नुङ’ देंतीनी। प्रस्‍थान ३३:२,३,१७

प्रस्‍थान 4:5

मिनु मेको तशा, मेकोपुकीमी “परमप्रभु यावे, आन किकी पिपी अब्राहाम, इसहाक नु याकूब आन परमप्रभुमी इ ङोंइती ग्रूशा, इ कली ग्रुम्‍तु, दे थमा सुइक्‍नीम” देंत।

लेवी 1:1

मिनु परमप्रभु यावेमी ग्रुम्‍तीक ताम्‍बु रे ब्रेश्‍शा मोसा कली

प्रेरित 10:13

मिनु “ए पत्रुस, एको आन कली साइश्‍शा ब्‍वामी” देंशो नेंना बाक्‍त।

प्रेरित 10:3

मिनु काबु ३ बजे ङा प्रार्थना पची ना कोंइतीक का तवा बाक्‍त। मेको कोंइतीकेमी परमप्रभु यावे आ स्‍वर्ग ङा गेय पाइब का आ बाक्‍तीकेमी जाक्‍शा “ए कोरनेलीयस” देंमेनु,

प्रेरित 9:4

मोपा छेङछेङ तवानु, दिङ गोल्‍माक्‍त। मिनु “सावल, सावल, गे मारदे आं कली खेदा पयी?” देंशो लोव़ नेंना बाक्‍त।

ब्‍यवस्‍था 33:16

मेको रू ङा नेल्‍ल क्‍येङा रिम्‍शो सिश्‍शो शुश तवल। मिनु सीनै डांडाम बाक्‍ब आ दाक्‍शो तवल। मिनु मेको आसीक योसेफ आ पिया तार दुम्‍ल। प्रस्‍थान ३:२-४; उत्‍पत्ती ४९:२६

१ सामुएल 3:10

मिनु परमप्रभु यावे मेकेर जाक्‍शा, राप्‍शा, ङोंइती ङा खोदेंशो पा “सामुएल, सामुएल” दे ब्रेम्‍माक्‍त। मिनु सामुएलमी “देनीन, इन गेय पाइबम नेंशो बाक्‍नुङ” देंमाक्‍त।

१ सामुएल 3:4

मिनु परमप्रभु यावेमी “सामुएल, सामुएल” दे ब्रेत्‍ता बाक्‍त। मिनु सामुएलम “गो एक बाक्‍ती” देंमाक्‍त।

१ सामुएल 3:6

मिनु परमप्रभु यावेम लेंशा “सामुएल” दे ब्रेम्‍माक्‍त। मिनु मेको बोक्‍शा एली आ बाक्‍तीक लमाक्‍त। मिनु मेकोमी “गो एक बाक्‍ती। गे आं कली ब्रेत्‍ताक्‍यीनी” देंमाक्‍त। मिनु एलीमी “आं तौ, गो इ कली मब्रेत्‍तन। लावो। इपो” दे मदा बाक्‍त।

१ सामुएल 3:8

मिनु परमप्रभु यावेमी मेको कली सां खेयप ब्रेम्‍माक्‍त। मिनु मेको लेंशा एली आ बाक्‍तीक लशा “गो एक बाक्‍ती। गे आं कली ब्रेत्‍ताक्‍यीनी” देंमाक्‍त। मेना एलीमी “परमप्रभु यावेम एको आल कली ब्रेत्‍ता बाक्‍त” दे तुइक्‍ता बाक्‍त।