प्रस्‍थान 3:12 - Sunuwar Bible

¹² मिनु परमप्रभुमी “गो थमा पा, गे नु बाक्‍नुङ। इ कली सोइक्‍ब गो नङ, दे चिन्‍ड का कोंइनन। मेको चिन्‍ड मार बाक्‍त देंशा हना, गे इस्राएल जात ङा मुर आन कली इजीप्‍त रागी रे ग्रुंइशा नोले एको परमप्रभु आ डांडामी आं कली ठेयब सेल्‍नीनी” दे माइक्‍तु। येरमीया १:८

प्रस्‍थान 3:12 ပူးပေါင်းရင်းမြစ်များ

उत्पत्ती 15:1

मिनु नोले परमप्रभु यावेमी अब्राम कली ङोमु खोदेंशो पा कोंइतीक कोंइदा बाक्‍त। मिनु मेकोमी अब्राम आ नें थिशा “अब्राम महिनो। गो इ कली कोव़नन। शुश आसीक गेनन” देंमाक्‍त। गन्‍ती २४:४,१६; भजन संग्रह ३:४

उत्पत्ती 15:8

मिनु अब्राममी “परमप्रभु, परमप्रभु यावे, आं के रागी दुम्ब, दे दोपा तुइक्‍नुङा ङा?” दे हिल्‍लो पवा बाक्‍त।

उत्पत्ती 26:3

मेको रागीमी अर्को रागी ङा मुर दुम्‍शा बाक्‍को। गो गे नु बाक्‍शा, इ कली आसीक गेनुङ। गो इ कली नु इ चच युइ आन कली एको रागी नेल्‍ल गेनुङ। गो इ आफ अब्राहाम नु कबल पा, कसम जाता। मुल आं कबल खाप्‍नुङ। उत्‍पत्ती १७:१९; उत्‍पत्ती २२:१६-१७

उत्पत्ती 31:3

मिनु परमप्रभु यावेमी याकूब कली “इ आफ आ रागी इ मुर आन बाक्‍तीक लेश्‍शा लावो। गो गे नु बाक्‍नुङ” देंमाक्‍त। उत्‍पत्ती २८:१५

२ राजा 19:29

मिनु लेंशा “मेको नेल्‍ल थमा दुम्‍ब, दे मार चिन्‍ड दुम्‍ब देंशा हना, गेपुकी एको बर्स आंमा वाशो जाइनीनी। मिनु नोले ङा बर्स मेको रे वाशो जाइनीनी। मिनु बर्स सांमी गेपुकीम शोक्‍शा खुप्‍शा जने, अङगुर ख्रुम्‍शा जने।

१ इतिहास 9:20

मेको क्‍येङा ङोंइती एलाजर आ तौ फिनेहास मेको आन कली कोव़ब ठेयब मुर बाक्‍माक्‍त। मिनु परमप्रभु यावे मेको नु बाक्‍माक्‍त। गन्‍ती२५:७-१३

भजन संग्रह 86:17

गे इन दाक्‍तीके चिन्‍ड का गेयीनी। मिनु आं कली काइ मदाक्‍बपुकी मेको तशा, मुने दोक्‍मल। मारदे हना परमप्रभु यावे, गे आं कली वारच पाइतीनी। मिनु लेम्‍ताक्‍यीनी।

प्रस्‍थान 18:5

मिनु मोसा आ शिउ यित्रो, मोसा आ मीश नु आ तौ निक्‍शी गोरशो रागीमी मोसा कली ग्रुम्‍थ जाक्‍तेक्‍म। मेना मोसामी आ ताम्‍बु परमप्रभु आ डांडा आ पुंमी कीतु।

प्रस्‍थान 3:1

मेना मोसा आ शिउ आ क्‍यारश भेडा योव़थ ल‍त। आ शिउ रूएल आ नें यित्रो यो बाक्‍माक्‍त। यित्रो चहिं मिदयान रागी ङा नाक्‍सो का बाक्‍माक्‍त। मोसामी क्‍यारश भेडा आन कली गोरशो रागी ङा नां पेरतीके गे योव़तु। मोपा योव़ना योव़न, होरेब माइश्‍शो परमप्रभु आ डांडा आ नेक्‍था जाक्‍दीत्‍‍त। प्रेरित ७:३०-३४

प्रस्‍थान 3:13

मिनु मोसामी परमप्रभु कली “गो इस्राएल जात ङा मुर आन बाक्‍तीके जाक्‍दीश्‍शा, मेको आन कली ‘इन किकी पिपी आन परमप्रभुमी आं कली इन बाक्‍तीके सोइक्‍ताक्‍यी’ देंङानु, मेकोपुकीमी चहिं ‘मेको आ नें मार में?’ दे हिल्‍लो पाइनीम। मेना गो मार देंनुङा?” दे हिल्‍लो पाप्‍तु।

प्रस्‍थान 33:14

मिनु परमप्रभुमी “गो गे नु लाइनुङ। मिनु इ थुं नाइक्‍चा गेनुङ” दें‍त। यसैया ६३:९; यहोसु २१:४४; हिब्रू ४:९

प्रस्‍थान 4:12

मुल लावो। गो इ कली लोव़ पपाइक्‍नुङ, मार देंचा माल्‍बा, मेको इ कली शेंनुङ” देंत। ब्‍यवस्‍था १८:१८; मत्ती १०:१९

प्रस्‍थान 4:15

गो इ पचा माल्‍शो लोव़ नेल्‍ल शेंनुङ। मिनु गे मेको हारून कली देंचा माल्‍नेवे। मिनु मेकोमी इ पा ङा मुर आन कली लोव़ पचा माल्‍ब। मेको इ शोव़ खोदेंशो दुम्‍ब। गो इ कली लोव़ पाइब परमप्रभु खोदेंशो पा, गे हारून कली लोव़ पाइब बाक्‍नीनी।

प्रस्‍थान 8:27

गोपुकी नाक्‍त सां ङा लां गाक्‍शा, गोरशो रागीम लशा, परमप्रभु यावेम देंशो खोदेंशो पा चढ़ेचा माल्‍नीकी” दें‍त। प्रस्‍थान ३:१८

यसैया 37:30

मिनु परमप्रभु यावेमी हिज्‍कीयाह कली “इ कली एको चिन्‍ड दुम्‍ब। मुलाक्‍त थोचे आंमा वा‍शो बाली नाली जाइनीनी। माइक्‍थी आंमा दोक्‍शा वाशो बाली नाली जाइनीनी। तन्‍न न्‍युं चहिं आंमा शोक्‍शा खुप्‍तीन। अङगुर ख्रुम्‍शा जने।

यसैया 41:10

महिनो, मारदे हना गो गे नु बाक्‍नुङ। आइक्‍च थुं मपावो। मारदे हना गो इ परमप्रभु नङ। गो इ कली बोल्‍यो सेल्‍शा, वारच पाइनुङ। गो इ कली आं ग्राब ग्‍युरा गुइमी वारच पाइनुङ। यसैया ४३:१

यसैया 43:2

गे ब्‍वाक्‍कु शोक्‍शा, गाक्‍चा माल्‍ते हना यो, गो गे नु बाक्‍नुङ। खोला शोक्‍साक्‍वे हना यो, मेकोम इ कली मयोल्‍ब। मीम गाक्‍शा लवेनु, मेकोम इ कली मजेप्‍ब। मेको मीम इ कली मदाक्‍ब। प्रस्‍थान १४:२१; भजन संग्रह ६६:१२; दानीएल ३:२५-२७

यसैया 7:14

मोपतीके परमप्रभुमी इन कली चिन्‍ड का गेब। मेको चिन्‍ड मार बाक्‍ब देंशा हना, कन्‍ने मीश आलम कोव़ज कुरशा तौ का थीब। मेको आ नें इम्‍मानुएल वोइक्‍नीम। मत्ती १:२३

येरमीया 1:8

गे मेको आन क्‍येङा महिनो। मारदे हना गो इ कली प्रोंइचा कली गे नु बाक्‍नुङ” दे परमप्रभु यावेमी देंत। प्रस्‍थान ३:१२

गन्‍ती 16:28

मिनु मोसामी मेको नेल्‍ल आन कली “परमप्रभु यावेमी आं कली एको गेय पचा कली सोइश्‍शो बाक्‍ब, दे गे तुइक्‍नीनी। एको गेय नेल्‍ल गो आंमा पशो मनङ।

गन्‍ती 23:21

याकूब कली मरिम्‍शो मदुम्‍ब, देंशो बाक्‍ब। मिनु इस्राएली आन कली श्‍येत मदुम्‍ब। मेको परमप्रभु यावे, आन परमप्रभु मेकोपुकी नु बाक्‍ब। मिनु मेको आन दातेमी पिप बाक्‍ब।

मत्ती 28:20

मिनु गोमी इन कली मार मार शेंदन्‍नी, मेको नेल्‍ल मेको आन कली शेंशा पपतीने। नेनीने, रागी मनुप्‍ची सम्‍म गो गेनायो गेपुक नु बाक्‍नुङ” देंत। मत्ती १६:२०

मर्कूस 16:20

मिनु येसु कली थमा सुइक्‍बपुकी लशा, ग्‍येरपाइक्‍ब लोव़ तेइ तेइ नेंपाइक्‍ना पाइक्‍न गाक्‍‍मा बाक्‍त। प्रभु यो मेकोपुकी नु काथा बाक्‍शा, चिन्‍ड कोंइना कोंइन मेको आन लोव़ थमा बाक्‍ब दें‍बाक्‍माक्‍त। प्रेरित १४:३; हिब्रू २:४

प्रेरित 11:21

मोदेंशो शेंब आन कली प्रभुमी सक्ति गेवा बाक्‍त। मिनु मेको आन लोव़ नेंशा, शुश मुरुमी थमा सुइश्‍शा, आन थुं प्रभु गे हिरदमे बाक्‍त। प्रेरित २:४७

प्रेरित 7:7

तन्‍न गो मेको श्‍येत गेब आन कली सजाइ गेनुङमी। इ चच युइ चहिं मेको रागी प्रोंइशा एक लेश्‍शा जाक्‍शा, आं कली ठेयब सेल्‍शा मानेनीम’ दे परमप्रभुमी अब्राहाम कली नोले दुम्‍ब लोव़ तुइक्‍पदा बाक्‍त।

रोमी 8:31

मुल मार देंनुङ देंशा हना, परमप्रभु यावे गोपुकी नु बाक्‍त हना, सुइमी इं कली मारेइ पने चाप्‍नीमी ङा? सुइमी मारेइ पने मचाप्‍नीम। भजन संग्रह ११८:६

ब्‍यवस्‍था 31:23

मिनु परमप्रभु यावेमी नून आ तौ यहोसु कली अरेशा “बोल्‍यो नु महिंब दुमो। मारदे हना ‘मेको आन कली गेनुङ’ देंशो रागीम गे इस्राएली आन कली चाक्‍दीत्‍चा माल्‍नेवे। मिनु गो गे नु बाक्‍नुङ” देंत।

हिब्रू 13:5

क्‍येट चेम्‍चा गे इन थुं महिरदीने। गेपुकी नु मार मार बाक्‍मा, मेको मोशोमीन इन थुं नाइश्‍शा बाक्‍कीन। मारदे हना मेकोमी “गे नु बाक्‍नुङ, मिनु गेनायो मप्रोंइनन” देंब। यहोसु १:५; १तिमोथी ६:६

यहोसु 1:5

गे मबेक्‍ङे सम्‍म इ कली सुइमी यो फ्रुने मचाप्‍नीम। गो दोपा मोसा नु बाक्‍ङा, मोपा गे नु यो बाक्‍नुङ। गो इ कली गेना हना यो कोव़नुङ। मिनु गेनायो मप्रोंइनुङ। ब्‍यवस्‍था ३१:७,८; हिब्रू १३:५

न्‍यायाधीस 6:12

मिनु परमप्रभु यावे आ स्‍वर्ग ङा गेय पाइब मेको आ ङोंइती ग्रूशा मेको कली “गे महिंथु लडाइ पाइब मुर, परमप्रभु यावे गे नु बाक्‍ब” देंमाक्‍त।

न्‍यायाधीस 6:16

मिनु परमप्रभु यावेमी मेको कली “गो गे नु बाक्‍नुङ। मिनु गे मिदयानी नेल्‍ल आन कली साइक्‍नेवे” देंमाक्‍त। प्रस्‍थान ३:१२

न्‍यायाधीस 6:17

मिनु मेकोमी “गो इन ङोंइती शिशी ताता हना, नु गे थमा पा गो नु लोव़ पाइब बाक्‍तीनी हना, आं कली चिन्‍ड का कोंइदीनी।

न्‍यायाधीस 6:21

मिनु नोले परमप्रभु यावे आ स्‍वर्ग ङा गेय पाइबमी मेको श्‍ये नु शोब्‍ले कली आ गुइम बाक्‍शो कोक्‍केमी थिवा बाक्‍त। मिनु मेको फुल्‍लु रे पा मी ग्रूशा, मेको श्‍ये नु बोरब ओख्‍ती मसुप्‍शो शोब्‍ले नेल्‍ल नेक्‍गा बाक्‍त। मिनु परमप्रभु यावे आ स्‍वर्ग ङा गेय पाइब यो लमाक्‍त। लेवी ९:१४

न्‍यायाधीस 7:11

मिनु लशा, मेको आन लोव़ पशो नेनो। मेको आन लोव़ नेंनी नोले, मेको आन कली लडाइ तोचा महिंनेवे” देंमाक्‍त। मिनु मेको आ गेय पाइब पुराह नु मिदयानी आन ङोंइती ङा ताम्‍बु आ नेक्‍था ल‍माक्‍त। मेकेर लडाइ पाइबपुकी बाक्‍शो बाक्‍मा बाक्‍त।

१ सामुएल 14:10

तन्‍न मेकोपुकीमी ‘आंइ बाक्‍तीक कुस जाक्‍कीन’ देंतेक्‍म हना, गो इर ङोइश्‍शा लस। मारदे हना परमप्रभु यावेम मेको आन कली इस गुइमी गेशो बाक्‍माक्‍त, दे तुइक्‍नस। मेको गो इस कली चिन्‍ड बाक्‍ब” देंमाक्‍त।