प्रस्‍थान 29:3 - Sunuwar Bible

³ मेको शोब्‍ले नेल्‍ल तोव़लो कामी कुर पा, बोहोर नु सांड चाक्‍चा माल्‍नेवे।

प्रस्‍थान 29:3 ပူးပေါင်းရင်းမြစ်များ

प्रस्‍थान 29:2

मिनु रिम्‍शो चेरब फस के बोरब ओख्‍ती मसुप्‍शो शोब्‍ले, तेल ब्‍वाइश्‍शो जिज शोब्‍ले नु तेल ख्रेक्‍शो बोरब ओख्‍ती मसुप्‍शो शोब्‍ले सेल्‍पाइक्‍चा माल्‍नेवे।

प्रस्‍थान 29:4

मिनु हारून नु आ तौ आन कली ग्रुम्‍तीक ताम्‍बु आ ओव़तीकेमी चाक्‍चा नम। मिनु गे मेको आन कली चिक्‍चा माल्‍नेवे।

लेवी 8:2

“गे हारून नु आ तौ आन कली, चढ़ेब आन फेक्‍तीक वा, आन कली लुक्‍चा कली तेल, पाप आ पर्बम चढ़ेतीक ब्‍यफ, सांड निक्‍शी नु बोरब ओख्‍ती मसुप्‍शो शोब्‍ले चाक्‍को। प्रस्‍थान २८:३९-४३

लेवी 8:26

मिनु परमप्रभु यावे आ ङोंइती बाक्‍शो बोरब ओख्‍ती मसुप्‍शो मार मार आ डालो रे बोरब ओख्‍ती मसुप्‍शो हिरशो शोब्‍ले का, तेलम ख्रुम्‍शो शोब्‍ले का नु बाबर का ग्रुंइशा, मेको बोंसो नु ग्‍युरा फिला तार वोइक्‍तु।

लेवी 8:31

मिनु मोसाम हारून नु आ तौ आन कली “गे मेको श्‍ये कली ग्रुम्‍तीक ताम्‍बु आ ओव़तीकेम लोपीन। मिनु गेय गोचा कली चढ़ेशो डालो ङा शोब्‍ले नु मेक उइ जने ब्‍वने। आं देंशो खोदेंशो पा जचा ब्‍वचा माल्‍नीनी।

गन्‍ती 6:17

मिनु मेकोमी मेको सांड दुशा बाक्‍चा आ पर्बम परमप्रभु यावे कली चढ़ेचा माल्‍ब। मेको नु डालोम बाक्‍शो बोरब ओख्‍ती मसुप्‍शो शोब्‍ले चढ़ेचा माल्‍ब। मिनु मेको चढ़ेबमी मेको नु अन्‍न चढ़ेतीके नु तूचा थोव़क चढ़ेतीक चढ़ेचा माल्‍ब।