प्रस्‍थान 28:6 - Sunuwar Bible

⁶ कुचु तार वोइक्‍तीके सुन के, नीलो, प्‍याजी नु लल रङ ङा श्‍येले नु रिम्‍शो पा किरशो सुती श्‍येले के प्रोव़शो नु बुटा आप्‍शो वा के सेल्‍पाइक्‍चा माल्‍नेवे।

प्रस्‍थान 28:6 ပူးပေါင်းရင်းမြစ်များ

प्रस्‍थान 25:4

नीलो, प्‍याजी नु लल रङ ङा श्‍येले, रिम्‍शो पा किरशो सुती श्‍येले के प्रोव़शो वा, क्‍यारश आ चां,

प्रस्‍थान 25:7

निसाफ पतीके ऊरीम नु थुम्‍मीम वोइक्‍तीक झोला नु कुचु तार वोइक्‍तीक सेल्‍चा कली ओनीक्‍स माइश्‍शो हीरा नु अरु हीरा ताक्‍चा माल्‍नीनी।

प्रस्‍थान 26:1

आं बाक्‍तीके सेल्‍चा कली रिम्‍शो पा किरशो सुती श्‍येले के १० ओटा ताम्‍बु साप्‍तीके प्रोव़पाइक्‍चा माल्‍नेवे। मेको सुती श्‍येले नीलो, प्‍याजी नु लल रङम नुप्‍शो बाक्‍चा माल्‍ब। मिनु मेको वामी करूब बुटा आप्‍शा, थाम्‍पा रिम्‍शो प्रोव़स जोक्‍ब मुर आन कली प्रोव़पाइक्‍चा माल्‍नेवे।

प्रस्‍थान 28:7

मेको आ बला सुम्‍तीके निक्‍शी निम्‍फा पटटी बोइश्‍शो दुम्‍चा माल्‍ब।

प्रस्‍थान 29:5

वासी चाक्‍शा, हारून कली आगा फेक्‍तीक वा, मेको आ तार ङा फेक्‍तीके वा फेक्‍पाइश्‍शा, कुचु तार वोइक्‍तीक फेक्‍शा निसाफ पतीके ऊरीम नु थुम्‍मीम बाक्‍शो झोला रेल्‍चा माल्‍नेवे। मिनु मेको तारी बुटा आप्‍शो किप्‍तीके किप्‍पाइक्‍चा माल्‍नेवे।

होसे 3:4

मारदे हना इस्राएलीपुकी शुश नाक्‍त सम्‍म पिप नु सासन पाइब मबाक्‍थु, बाक्‍चा माल्‍नीम। मेकोपुकीमी चढ़ेचा कली मिम्‍तीक फुल्‍लु, एफोद माइश्‍शो चढ़ेब आ पांइतीक वा नु आन खिं ङा मूर्ति यो मताइनीम। २इतिहास १५:३

लेवी 8:7

मिनु मेकोमी हारून कली आगा वा फेक्‍ताक्‍व। मिनु किप्‍शुर किप्‍ताक्‍व। मिनु मेकोमी आ तार ङा फेक्‍तीक फेक्‍ताक्‍व। मेकोमी क्रातो आ ङोंइती क्‍युक्‍तीक वा क्‍युक्‍‍ताक्‍व। मिनु रिम्‍शो पा प्रोव़शो बुटा आप्‍शो किप्‍शुर नु क्रातो ङोंइती क्‍युक्‍तीक झोला मेको आ तार किप्‍ताक्‍व।

न्‍यायाधीस 8:27

मिनु गिदोनमी मेको सुन रे पा निसाफ पतीक ऊरीम नु थुम्‍मीम बाक्‍शो झोला का सेल्‍शा, मेको कली आ सहर ओफ्रामी वोदा बाक्‍त। मिनु इस्राएली नेल्‍लेमी मेको कली ठेयब सेल्‍शा, आंम कली दूली पाइब सेल्‍मे बाक्‍त। मेको गिदोन नु आ खिं ङा मुर आन कली यो हेंथे पपाइक्‍चा कली बाक्‍माक्‍त। न्‍यायाधीस १७:५;

१ सामुएल 23:6

अहीमेलेक आ तौ अबीयाथार दाऊद आ बाक्‍तीक, कैलाह सहर प्रोक्‍मेनु, निसाफ पतीक ऊरीम नु थुम्‍मीम बाक्‍शो झोला यो लाइश्‍शा लशो बाक्‍माक्‍त।

१ सामुएल 30:7

मिनु दाऊदमी अहीमेलेक आ तौ चढ़ेब अबीयाथार कली “निसाफ पतीक ऊरीम नु थुम्‍मीम बाक्‍शो एफोद चाक्‍को” दे मदा बाक्‍त। मिनु चाक्‍गा बाक्‍त। १सामुएल २३:९