प्रस्‍थान 28:18 - Sunuwar Bible

¹⁸ मेको आ नोले ङा लस्‍कर लल फिरोजा माइश्‍शो हीरा, बुश नीर माइश्‍शो हीरा नु बुश नु नीलो पन्‍ना माइश्‍शो हीरा वोइक्‍पाइक्‍चा माल्‍नेवे।

प्रस्‍थान 28:18 ပူးပေါင်းရင်းမြစ်များ

अय्‍युब 28:16

रुप्‍तीके कली ओफीर ङा सुन, शुश क्येट लाइब ओनीक्‍स नु साफीर माइश्‍शो हीरामी यो ग्‍याप्‍ने मचाप्‍नीम।

अय्‍युब 28:6

मेको फुल्‍लु रे साफीर माइश्‍शो हीरा नु सुन के फुरक ग्रुंइनीम।

प्रस्‍थान 24:10

मिनु मेकोपुकीमी इस्राएली आन परमप्रभु कली ताम्‍तेक्‍म। आ बाक्‍तीक बास साफीर माइश्‍शो हीरा खोदेंशो दिंम का बाक्‍शो बाक्‍त। मेको हाक्‍शो सरीङ खोदेंशो नीलो बाक्‍‍त। इजीकीएल १:२६

प्रस्‍थान 28:17

मिनु ४ लस्‍कर हीरा सुनम का का पा क्‍येप्‍पाइक्‍चा माल्‍नेवे। ङोंइती ङा लस्‍कर लल मानीक माइश्‍शो हीरा, हाव पुश्‍पराज माइश्‍शो हीरा नु गिगी बेरूज माइश्‍शो हीरा वोइक्‍पाइक्‍चा माल्‍नेवे।

प्रस्‍थान 28:19

मेको आ नोले ङा लस्‍कर गिगी नु नीलो रङ ब्‍वाइश्‍शो रिम्‍शो टल्‍केशो नीलमनी माइश्‍शो हीरा, गिगी हाकीक माइश्‍शो हीरा नु प्‍याजी रङ ङा कटेला माइश्‍शो हीरा वोइक्‍पाइक्‍चा माल्‍नेवे।

प्रस्‍थान 39:11

मेको आ नोले ङा लस्‍कर लल फिरोजा माइश्‍शो हीरा, बुश नीर माइश्‍शो हीरा नु बुश नु नीलो पन्‍ना माइश्‍शो हीरा क्‍येप्‍ताक्‍म।

ठेयब कुम्सो 5:14

मेको आ गुइ हीरा केप्‍शो सुन के खोदेंशो बाक्‍ब। मेको आ रां हात्ती आ दाराम नीलो हीरा क्‍येप्‍शो खोदेंशो बाक्‍ब।

येरमीया 17:1

परमप्रभु यावेमी “यहूदा आ पाप फलाम के मुतीकेम मुशा ब्रेक्‍शो बाक्‍ब। मेको हीरा पाइश्‍शो मुतीकेमी आन थुं नु आन चढ़ेतीक ङा ग्रोव़पुकीम मुशा ब्रेक्‍शो बाक्‍ब। २राजा २३:४-१८

इजीकीएल 1:26

मेको आन पिया इर गे बाक्‍तीकेमी ठेयब नित्‍तीक का खोदेंशो बाक्‍त। मेको कोव़ङुनु नीर हीरा खोदेंशो तांइसाक्‍व। मिनु मेको ठेयब नित्‍तीकेम निप्‍ब आ रां मुर आ खोदेंशो बाक्‍त। प्रस्‍थान २४:१०; प्रकाश ४:२-३; यसैया ६:१

इजीकीएल 10:1

मिनु कोव़ङुनु, मेको करूब आन पिया आन तारी ङा बाक्‍तीके आ इर नीर माइश्‍शो हीरा खोदेंशो बाक्‍त। मेको ठेयब नित्‍तीक का खोदेंशो बाक्‍त।

इजीकीएल 27:16

इ शुश मार मार बाक्‍तीके एदोम ङा मुरपुकीमी गे नु ग्‍याप्‍तीक लेयतीक गेय पाम्‍तेक्‍म। मेकोपुकीम फिरोजा माइश्‍शो हीरा, प्‍याजी रङ नुप्‍शा प्रोव़शो वा, बुटा आप्‍शो वा, रिम्‍शो किरशो सुती वा, लल मूगा नु हीरा चाक्‍शा इ मार मार नु फाइक्‍तेक्‍म।

इजीकीएल 28:13

गे परमप्रभु आ रू एदेनम खोदेंशो बाक्‍ते। गे हीराम ग्‍योम्‍सीशो बाक्‍ते। लल मानीक, हाव पुश्‍‍पराज, बुश नु नीलो पन्‍ना, पीतमनी, लल रङ ङा ओनीक्‍स, नीलो बि‍लौरा, बुश नीर, लल फिरोजा नु गिगी बेरूज माइश्‍शो हीराम ग्‍योम्‍सीशो बाक्‍ते। मिनु मेको हीरा ग्‍याइक्‍तीके नु आप्‍तीके सुन के बाक्‍तेक्‍म। गे दुमे नाक्‍तीन मेको नेल्‍ल ठीक पशो बाक्‍तेक्‍म। प्रस्‍थान २८:१७-२०; इजीकीएल ३१:८-९; उत्‍पत्ती २:८

प्रकाश 4:3

मेको ठेयब नित्‍तीके बुश नु लल टल्‍केशो हीरा खोदेंशो तांइसाक्‍व। मेको ठेयब नित्‍तीके आ एर ओंथ वाक्‍श दाप्‍शो ताता। मेको वाक्‍श गिग हीरा खोदेंशो तांइसाक्‍व।