प्रस्‍थान 28:14 - Sunuwar Bible

¹⁴ मिनु गे क्‍येख सुन के डोरी खोदेंशो पा सिक्री निक्‍शी चेम्‍पाइश्‍शा, हीरा क्‍येप्‍पाइश्‍शोमी बोइक्‍पाइक्‍चा माल्‍नेवे।

प्रस्‍थान 28:14 ပူးပေါင်းရင်းမြစ်များ

१ राजा 7:17

मेकोमी थाम आ पिया कली बुटा आप्‍शो जाली के ७ ओटा झुम्‍का सेला बाक्‍त। मिनु अर्को थाम कली यो मोदेंशोन सेला बाक्‍त।

२ राजा 25:17

मेको थाम का १८ कुबीत लाइश्‍शो बाक्‍माक्‍त। मिनु मेको थाम का आ पिया कुबीत सां लाइश्‍शो बाक्‍माक्‍त। मिनु मेको कांसा के जालीम आ एर ओंथ क्‍युक्‍शा हिरशो दारीम बाक्‍माक्‍त। अर्को थाम यो जालीम हिरशा मेको खोदेंशो पा सेल्‍शो बाक्‍माक्‍त। कुबीत का आधा मिटर खोदेंशो बाक्‍ब।

प्रस्‍थान 28:11

छाप सेल्‍बपुकीमी दोदेंशो पा मुशा छाप सेल्‍नीमी, मोदेंशो पा मुशा इस्राएल आ तौ आन नें ब्रेक्‍पाइक्‍चा माल्‍नेवे। मिनु मेको हीरा निक्‍शी सुनमी क्‍येप्‍पाइक्‍चा माल्‍नेवे।

प्रस्‍थान 28:13

मिनु हीरा वोइक्‍चा कली गे सुन के क्‍येप्‍तीक सेल्‍पाइक्‍चा माल्‍नेवे।

प्रस्‍थान 28:15

गे निसाफ पतीक झोला सेल्‍पाइक्‍चा माल्‍नेवे। मेको कुचु तार वोइक्‍तीके खोदेंशो पा, सेल्‍पाइक्‍चा माल्‍नेवे। सुन, नीलो, प्‍याजी, लल श्‍येले नु रिम्‍शो पा किरशो सुती श्‍येले के प्रोव़पाइक्‍चा माल्‍नेवे।

प्रस्‍थान 39:15

मेको निसाफ पतीक झोला कली क्‍येख सुन के डोरी किरशो खोदेंशो पा सिक्री सेल्‍तेक्‍म।