प्रस्‍थान 28:11 - Sunuwar Bible

¹¹ छाप सेल्‍बपुकीमी दोदेंशो पा मुशा छाप सेल्‍नीमी, मोदेंशो पा मुशा इस्राएल आ तौ आन नें ब्रेक्‍पाइक्‍चा माल्‍नेवे। मिनु मेको हीरा निक्‍शी सुनमी क्‍येप्‍पाइक्‍चा माल्‍नेवे।

प्रस्‍थान 28:11 ပူးပေါင်းရင်းမြစ်များ

अय्‍युब 19:24

मेको फलाम के याम मुशा नु सिसाम ब्रेक्‍शो हना, फुल्‍लुम गेना हना यो लीचा ङा पा मुशा ब्रेक्‍शो हना, रिम्‍शो दुम वा।

प्रस्‍थान 28:10

गे आन जरमेशो खोदेंशो पा हीरा का तारी ६ जना आन नें नु अर्को हीरा तारी ६ जना आन नें मुशा ब्रेक्‍पाइक्‍चा माल्‍नेवे।

प्रस्‍थान 28:12

मेको कुचु तार वोइक्‍तीक आ बला ङा टुक्रा तारी क्‍येप्‍शा फेरपाइक्‍चा माल्‍नेवे। मिनु मेको हीरा कोव़शा इस्राएली इन कली मिम्‍नुङ, दे कोंइतीक बाक्‍ब। हारूनम आं ङोंइती मेको आन नें बलाम कुरानु, गो मेको आन कली मिम्‍नुङ।

प्रस्‍थान 28:21

मेको हीरा १२ ओटा दुम्‍चा माल्‍नीम। मिनु इस्राएल आ तौ आन नें का का पा मेको आन तार छाप थोक्‍शो खोदेंशो पा मुशा ब्रेक्‍पाइक्‍चा माल्‍नेवे। हीरा का आ तारी थर का आ नें दुम्‍चा माल्‍ब।

प्रस्‍थान 28:25

मेको सिक्री चढ़ेब आ कुचु तार वोइश्‍शो वा आ बला ङा हीरा क्‍येप्‍शो सुनम हेक्‍पाइक्‍चा माल्‍नेवे।

प्रस्‍थान 28:36

गे कुप्‍फीम पांइ‍तीके क्‍येख सुन के फू खोदेंशो पा चेम्‍पाइक्‍चा माल्‍नेवे। मेकेर छाप थोक्‍शो खोदेंशो पा ‘परमप्रभु यावे कली ला’ दे मुशा ब्रेक्‍पाइक्‍चा माल्‍नेवे। जकरिया १४:२०; प्रस्‍थान ३९:३०

प्रस्‍थान 39:13

मिनु नेल्‍ल क्‍येङा नोले ङा लस्‍कर पीतमनी माइश्‍शो हीरा, लल रङ ङा ओनीक्‍स नु नीलो बिलौरा माइश्‍शो हीरा क्‍येप्‍ताक्‍म। मोपा हीरा नेल्‍ल कली सुनम क्‍येप्‍ताक्‍म।

प्रस्‍थान 39:18

मेको सिक्री निक्‍शी चढ़ेब आ कुचु तार वोइश्‍शो वा आ बला ङा हीरा क्‍येप्‍शो सुनम हेक्‍ताक्‍म।

प्रस्‍थान 39:6

मिनु मेकोमी ओनीक्‍स हीरा निक्‍शी चाक्‍शा, इस्राएल आ तौ आन नें छाप खोदेंशो पा हीराम मुशा ब्रेक्‍शा सुनम क्‍येप्‍ताक्‍म।

येरमीया 22:24

परमप्रभु यावेम “गो दोपा ब्रोंइशा बाक्‍ङा, मोपा यहूदा ङा पिप येहो-याकीम आ तौ कोन्‍याह माइश्‍शो येहो-याकीम कली ‘गे आं ग्‍युरा गुइ ङा छाप थोक्‍तीक औंठी नवे हना, गो इ कली ग्रुंइशा ताइक्‍तन वा।कोन्‍याह कली योयाकीम यो देंनीम। २राजा २४:८-१६; येरमीया २४:१

जकरिया 3:9

मारदे हना गो यहोसु आ ङोंइती फुल्‍लु का वोइक्‍ता। मेको आ तारी ७ ओटा मिक्‍च बाक्‍नी‍म। मिनु गो फुल्‍लु तारी मेको आ ब्रेक्‍स मुशा ब्रेक्‍नुङ। मिनु गो काबुमीन मेको रागी ङा मुर आन दोस नेल्‍ल क्‍याम्‍नुङ। प्रस्‍थान ३९:६-७; जकरिया ४:१०; प्रकाश ५:६

एफिसी 1:13

मिनु गेपुकीमी यो “येसु ख्रीस्‍तमी पाप रे प्रोंइब” देंशो थमा ग्‍येरपाइक्‍ब लोव़ नेंतीनी। ख्रीस्‍त कली थमा सुइक्‍तीनी। मिनु परमप्रभु यावेमी ङोंइती देंशो खोदेंशो पा आ सोक्‍तीमी छाप थोक्‍सीशो बाक्‍तीनी। एफिसी ४:३०

एफिसी 4:30

परमप्रभु यावे आ सोक्‍त कली थुं मखाइक्‍पतीन। मारदे हना गेपुकी परमप्रभु यावे आ बाक्‍तीके मजाक्‍दीन्‍नी सम्‍म परमप्रभु यावे आ सोक्‍तीमी छाप थोक्‍सीशो बाक्‍नीनी। यसैया ६३:१०; एफिसी १:१३-१४

२ तिमोथी 2:19

तन्‍न परमप्रभु यावे आ थमा शेंतीके मब्रेत्‍चा ङा जग खोदेंशो बाक्‍ब। प्रभुमी आ मुर आन कली तुइक्‍ब। मिनु प्रभु कली तुइक्‍ब मुरपुकी मरिम्‍शो पचा रे ङोन बाक्‍चा माल्‍नीम। मेको थोव़शो छाप खोदेंशो बाक्‍ब। गन्‍ती १६:५; मत्ती ७:२२-२३; यूहन्‍ना १०:१४,२७

प्रकाश 7:2

मिनु अर्को परमप्रभु यावे आ स्‍वर्ग ङा गेय पाइब का नां दाप्‍तीके रे कुशो ताता। मिनु गेना हना यो ब्रोंइब परमप्रभु यावे आ छाप मेको नु बाक्‍शो बाक्‍त। मेकोमी रागी नु समुन्‍द्र बिग्रेचा कली अधिकार तशो ४ जना परमप्रभु यावे आ स्‍वर्ग ङा गेय पाइब आन कली ठेयब सेंदामी