प्रस्‍थान 27:2 - Sunuwar Bible

² आ ४ सुरमी ४ ओटा ग्रोव़ ग्रूपाइक्‍चा माल्‍नेवे। ग्रोव़ नु चढ़ेतीक सेल्‍चा कली फलेक का केन दुम्‍चा माल्‍ब। मेको नेल्‍ल कांसाम गिल्‍पाइक्‍चा माल्‍नेवे। लेवी १६:१८; १राजा १:५; भजन संग्रह ११८:२७

प्रस्‍थान 27:2 ပူးပေါင်းရင်းမြစ်များ

१ राजा 1:50

मिनु अदोनीयाह आंमा यो सोलोमन क्‍येङा हिंशा लशा, चढ़ेतीक ङा ग्रोव़ ग्‍याइक्‍ता बाक्‍त।

१ राजा 2:28

मिनु मेको लोव़ नेल्‍ल योआबम नेना बाक्‍त। मेको अब्‍सालोम गे ममाइ, तन्‍न अदोनीयाह गे बाक्‍शो बाक्‍माक्‍त। मिनु योआब प्रोक्‍शा परमप्रभु यावे आ ताम्‍बुम लमाक्‍त। मिनु चढ़ेतीक आ ग्रोव़ ग्‍याइश्‍शा बाक्‍माक्‍त। १राजा १:५१

१ राजा 8:64

मेको नाक्‍त पिपमी परमप्रभु यावे आ खिं आ ङोंइती बाक्‍शो लाङगा आ दाते ङा लाङगा कली यो तिला बाक्‍त। मारदे हना मेकोमी मेकेर चोशा चढ़ेतीके, अन्‍न चढ़ेतीके नु दुशा बाक्‍चा आ पर्बम चढ़ेतीके आन बोंसो चढ़ेवा बाक्‍त। अन्‍न चढ़ेतीके, दुशा बाक्‍चा आ पर्बम चढ़ेतीके नु चोशा चढ़ेतीक आन बोंसो वोइक्‍चा कली मेको परमप्रभु यावे आ ङोंइती बाक्‍शो कांसा के चढ़ेतीके आइक्‍च दुम्‍माक्‍त।

२ राजा 16:14

मेकोमी परमप्रभु यावे आ खिं आ ङोंइती बाक्‍शो कांसा के चढ़ेतीक परमप्रभु यावे आ खिं नु चढ़ेतीक आस दातेम मबाक्‍ल, दे याक्‍ता बाक्‍त। नक चढ़ेतीक लाइश्‍शा, मेकेर वोदा बाक्‍त। मेको माइत चढ़ेतीक चहिं उत्तर गे वोदा बाक्‍त।

२ इतिहास 4:1

मिनु सोलोमनमी हुराम-अबी कली २० कुबीत लाइश्‍शो २० कुबीत ब्रेम्‍शो नु १० कुबीत ग्‍येत्‍थ लाइश्‍शो कांसा के चढ़ेतीक का सेल्‍पदा बाक्‍त। कुबीत का ०.५ मिटर बाक्‍ब। १इतिहास ७:७

भजन संग्रह 118:27

परमप्रभु यावे ला परमप्रभु बाक्‍ब। मेकोमी आ छेङछेङ आंइ तार दाप्‍पाइश्‍शो बाक्‍ब। रवा आ राशी शेशा, ग्‍येरशा, चढ़ेतीक आ ग्रोव़ ग्‍योम्‍दीन। प्रस्‍थान २७:१-२

प्रस्‍थान 27:3

चढ़ेतीके कली माल्‍शो मारेइ मारेइ कांसा के सेल्‍पाइक्‍चा माल्‍नेवे। पुलु वोइक्‍तीक बोसपुकी, पुलु ताप्‍तीकपुकी, ब्रुइक्‍तीक बोसपुकी, श्‍ये ग्रुंइतीक कांटापुकी नु मी कोइला कुर पतीकपुकी सेल्‍पाइक्‍चा माल्‍नेवे।

प्रस्‍थान 29:12

मिनु बोहोर आ हुश इच्‍का खोइ लाइश्‍शा इ ब्रेप्‍चोमी चढ़ेतीक आ ग्रोव़पुकीमी ख्रेक्‍चा माल्‍नेवे। मिनु लीशो हुश नेल्‍ल चढ़ेतीके आ पुंमी मोइक्‍चा माल्‍नेवे।

प्रस्‍थान 38:30

मेको के ग्रुम्‍तीक ताम्‍बु ङा ओव़तीके ङा थाम आन राप्‍पाइक्‍तीके, कांसा के चोशा चढ़ेतीके, आ मी तिक्‍तीक जाली नु चढ़ेतीक आ मारेइ मारेइ सेल्‍पाइक्‍तु।

इजीकीएल 43:15

मिनु मेको चढ़ेशो चोतीक ४ कुबीत ग्‍येत्‍थ लाइश्‍शो बाक्‍त। मेकेर रे मेको आ ४ सुर रे ४ ओटा ग्रोव़ सेल्‍शो बाक्‍तेक्‍म।

लेवी 16:18

मिनु नोले मेको लाङगा ग्रूशा, परमप्रभु यावे आ ङोंइती बाक्‍शो चढ़ेतीकेम लशा, मेको आ पर्बम पाप क्‍याम्‍तीक गेय पचा माल्‍ब। मिनु मेकोमी ब्‍यफ आ हुश नु बोका आ हुश इच्‍का लाइश्‍शा, चढ़ेतीक आ एर ओंथ ङा ग्रोव़ नेल्‍लेम ख्रेक्‍चा माल्‍ब। प्रस्‍थान ३०:१०

लेवी 4:18

मिनु नोले मेकोमी ग्रुम्‍तीक ताम्‍बु आगाम बाक्‍शो धूप चढ़ेतीक आ ग्रोव़पुकीम परमप्रभु यावे आ ङोंइती ख्रेक्‍चा माल्‍ब। मिनु लीशो हुश नेल्‍ल ग्रुम्‍तीक ताम्‍बु आ ओव़तीके आ ङोंइती बाक्‍शो चोशा चढ़ेतीक आ पुंम मोइक्‍चा माल्‍ब।

लेवी 4:25

मिनु चढ़ेबमी आ ब्रेप्‍चो हुशेमी ख्रुम्‍शा, चोशा चढ़ेतीक आ ग्रोव़पुकीम ख्रेक्‍चा माल्‍ब। मेको लीशो हुश चोशा चढ़ेतीक आ पुंम मोइक्‍चा माल्‍ब।

लेवी 4:7

मिनु नोले चढ़ेबमी मेको हुश ग्रुम्‍तीक ताम्‍बु आ आगामी बाक्‍शो धूप चढ़ेतीके आ ग्रोव़पुकीमी ख्रेक्‍चा माल्‍ब। मेको ब्रोव़शो रिना पाइश्‍शो धूप परमप्रभु यावे आ ङोंइती चढ़ेतीके बाक्‍ब। मिनु लीशो हुश नेल्‍ले ग्रुम्‍तीक ताम्‍बु आ ओव़तीक ङा चोशा चढ़ेतीक आ पुंम मोइक्‍चा माल्‍ब। प्रस्‍थान ३०:१,६; प्रस्‍थान ४०:६

लेवी 8:15

मिनु मोसामी मेको ब्‍यफ कली साइक्‍तु। मिनु मेकोमी मेको इच्‍का हुश लाइश्‍शा आ ब्रेप्‍चोमी चढ़ेतीक एर ओंथ ङा ग्रोव़म ख्रेक्‍शा, चढ़ेतीक कली परमप्रभु यावे कली ला, चोव़खो सेल्‍तु। मिनु लीशो हुश चहिं चढ़ेतीक आ पुंम मोइक्‍तु। मोपा मेको चढ़ेतीक कली पाप क्‍याम्‍तीक गेय पचा, दे चोव़खो सेल्‍तु।

जकरिया 9:15

मुर नेल्‍ल आन परमप्रभु यावेमी मेको आन कली राइश्‍शा प्रोंइब। मेकोमी आन जोरी सत्रु आन कली खतम पोक्‍ब। मेकोपुकीमी आन हुश अङगुर शांबु खोदेंशो पा तूनी‍म। मेकोपुकी चढ़ेतीक ङा हुश कुर पतीक बोस खोदेंशो पा ब्रीशो बाक्‍नीम। चढ़ेतीक आ एर ओंथ कुना कुना मेर फ्रशो हुश खोदेंशो बाक्‍नीम।

गन्‍ती 3:31

कोहाथीपुकीमी कबल पशो सन्‍दोस, शोब्‍ले वोइक्‍तीक टेबल, बत्ती दातीके, चढ़ेतीक निक्‍शी नु चढ़ेब आन माल्‍शो मारेइ मारेइ नु नेल्‍ल क्‍येङा चोव़खो कोठा ङा फारशो वा कोव़चा माल्‍बाक्‍तेक्‍म। गन्‍ती ७:९

हिब्रू 6:18

मिनु परमप्रभु यावेमी गेनायो जोल मपाइब, आ गेशो लोव़ नु आ कसम जशो, एको निक्‍शी गेनायो मफांइसीनीस दे तुइश्‍शा, गो सजाइ तचा रे प्रोंइचा पुंइसीबपुकी इं ङोंइती वोइश्‍शो आस तचा कली इं थुं बारपाइक्‍चा ताइनय।