प्रस्‍थान 27:19 - Sunuwar Bible

¹⁹ मिनु ताम्‍बु ङा नाक्‍त किंत किंत गेय पचा कली माल्‍शो मारेइ मारेइ कांसा के दुम्‍चा माल्‍नीम। किलापुकी नु लाङगा ङा किला नेल्‍ल यो कांसा के दुम्‍चा माल्‍नीम।

प्रस्‍थान 27:19 ပူးပေါင်းရင်းမြစ်များ

एज्रा 9:8

तन्‍न मुल परमप्रभु यावे, आंइ परमप्रभुमी आंइ कली का निक्‍शी लीशो मुर गेतीनी। आंइ वाइल दुम्‍तीक रे इच्‍का नाक्‍त कली नाइक्‍चा गेतीके आंइ परमप्रभु आ बाक्‍तीकेमी बाक्‍चा ताइतक। याम का कली आंइ कली शिशी पा ग्‍येरपाइक्‍तीनी।

प्रस्‍थान 27:18

मेको लाङगा आ पित्‍थ लाइश्‍शो सहे का कुबीत, आ ब्रेम्‍शो ५० कुबीत नु आ फारतीके ग्‍येत्‍थ ५ कुबीत दुम्‍चा माल्‍ब। मिनु फारतीक वा नेल्‍ल रिम्‍शो पा किरशो सुती श्‍येले के प्रोव़शो वा के दुम्‍चा माल्‍ब। थाम आन राप्‍पाइक्‍तीके कांसा के दुम्‍चा माल्‍नीम।

प्रस्‍थान 27:20

मिनु गे इस्राएली आन कली ‘गे नेल्‍ल क्‍येङा रिम्‍शो तेल रवा आ फल के ख्राक्‍शो तेल चाक्‍कीन। मेको बत्ती गेना हना यो ब्रशा बाक्‍ल’ दे माइक्‍मी। लेवी २४:२-४

प्रस्‍थान 27:3

चढ़ेतीके कली माल्‍शो मारेइ मारेइ कांसा के सेल्‍पाइक्‍चा माल्‍नेवे। पुलु वोइक्‍तीक बोसपुकी, पुलु ताप्‍तीकपुकी, ब्रुइक्‍तीक बोसपुकी, श्‍ये ग्रुंइतीक कांटापुकी नु मी कोइला कुर पतीकपुकी सेल्‍पाइक्‍चा माल्‍नेवे।

प्रस्‍थान 35:18

ताम्‍बु आ किला नु लाङगा थरपु ङा किलापुकी नु डोरीपुकी,

प्रस्‍थान 38:20

मिनु परमप्रभु यावे आ बाक्‍तीके नु लाङगा ङा किला नेल्‍ल कांसा के बाक्‍तेक्‍म।

प्रस्‍थान 38:31

मिनु लाङगा ङा थाम आन राप्‍पाइक्‍तीकपुकी, ठेयब ओव़तीके ङा थाम आन राप्‍पाइक्‍तीकपुकी, ताम्‍बु नु लाङगा ङा किला नेल्‍ल सेल्‍पाइक्‍तु।

प्रस्‍थान 39:40

ताम्‍बु आ लाङगा ङा फारतीक नु थामपुकी, आन राप्‍पाइक्‍तीकपुकी, लाङगा ओव़तीक ङा फारतीक वा, आ फ्रेंतीकपुकी नु किलापुकी, मिनु परमप्रभु यावे आ बाक्‍तीक ग्रुम्‍तीक ताम्‍बु ङा गेय पचा कली मारेइ मारेइ नेल्‍ले,

उपदेसक 12:11

जोक्‍ब तुइक्‍ब आन लोव़ गोठला आन कोक्‍के खोदेंशो बाक्‍ब। मिनु मेको आन खुप्‍शो लोव़पुकी बोल्‍यो पा थोक्‍शो कांटी खोदेंशो बाक्‍ब। मेको नेल्‍ल गोठला का रे पान दुम्‍शो बाक्‍ब। यसैया २२:२३

यसैया 33:20

गो आंइ देंशो ना ङा चाड मानेतीक सहर सियोन कली कोव़ङीन। गे सिक्‍सी पा बाक्‍ब मुर आन सहर यरूसलेम कली ताइनीनी। यरूसलेम गेनायो मयाक्‍सीब ताम्‍बु खोदेंशो बाक्‍ब। मेको आ किला गेनायो मतुल्‍सीब। आ डोरी गेनायो मप्रोंइसीब।

जकरिया 10:4

मिनु यहूदा रे सुर ङा फुल्‍लु, ताम्‍बु कीतीक किला, लडाइ पाइब आन लिब्रा नु कप्‍तान नेल्‍ल ग्रूनीम। येरमीया ३०:२१

गन्‍ती 3:37

मेकोपुकीमी लाङगा एर ओंथ ङा थामपुकी नु आन राप्‍पाइक्‍तीकपुकी, किलापुकी नु डोरीपुकी कोव़चा माल्‍नीम।

गन्‍ती 4:32

मिनु लाङगा ङा थाम नेल्‍ले, आन राप्‍पाइक्‍तीकपुकी, किलापुकी, डोरीपुकी नु मार मार अरु बाक्‍मा मेको कोव़चा नु कुरचा माल्‍नीम।