प्रस्‍थान 26:1 - Sunuwar Bible

¹ आं बाक्‍तीके सेल्‍चा कली रिम्‍शो पा किरशो सुती श्‍येले के १० ओटा ताम्‍बु साप्‍तीके प्रोव़पाइक्‍चा माल्‍नेवे। मेको सुती श्‍येले नीलो, प्‍याजी नु लल रङम नुप्‍शो बाक्‍चा माल्‍ब। मिनु मेको वामी करूब बुटा आप्‍शा, थाम्‍पा रिम्‍शो प्रोव़स जोक्‍ब मुर आन कली प्रोव़पाइक्‍चा माल्‍नेवे।

प्रस्‍थान 26:1 ပူးပေါင်းရင်းမြစ်များ

२ सामुएल 7:2

मिनु पिपमी परमप्रभु यावे आ लोव़ पाइब नाथान कली “कोव़ङीन। गो लेबानोन ङा लाइश्‍शो रवा आ शी के सेल्‍शो खिंम बाक्‍शो बाक्‍नुङ। तन्‍न परमप्रभु आ सन्‍दोस चहिं ताम्‍बुम बाक्‍ब” देंमाक्‍त। भजन संग्रह १३२:३-५

१ राजा 6:29

मेकोमी परमप्रभु यावे आ खिं ङा नेल्‍ल क्‍येङा चोव़खो कोठा आ एर ओंथ नेल्‍ल, गारो नेल्‍ल करूब, खजूर रवा नु बोइश्‍शो फु आन बुटा मुशा आप्‍पदा बाक्‍त। मेको चोव़खो कोठा आगा नु लाङगा नेल्‍ल मोदेंशो पा मुशा बुटा आप्‍पदा बाक्‍त।

१ इतिहास 17:1

मिनु दाऊद आ खिंम बाक्‍म नोले परमप्रभु यावे आ लोव़ पाइब नाथान कली “गो लेबानोन ङा लाइश्‍शो रवा आ शी के खिंम बाक्‍शो बाक्‍नुङ। तन्‍न परमप्रभु यावे आ कबल पशो सन्‍दोस ताम्‍बुम वोइश्‍शो बाक्‍ब” दे मदा बाक्‍त।

१ इतिहास 21:29

मोसाम गोरशो रागीम सेल्‍शो परमप्रभु यावे आ बाक्‍तीक नु चढ़ेतीके मेना सम्‍म गिबोन इर ङा पूजा पतीकेम बाक्‍शो बाक्‍माक्‍त। १राजा ३:४; २इतिहास १:३,६

प्रस्‍थान 25:18

मिनु गे आं स्‍वर्ग ङा गेय पाइब खोदेंशो सुन के करूब निक्‍शी चेम्‍शा सेल्‍पाइक्‍चा माल्‍नेवे। मेको सुम्‍तीकेम आ निम्‍फा पटटी का का करूब चेम्‍शा सेल्‍चा माल्‍नेवे।

प्रस्‍थान 25:4

नीलो, प्‍याजी नु लल रङ ङा श्‍येले, रिम्‍शो पा किरशो सुती श्‍येले के प्रोव़शो वा, क्‍यारश आ चां,

प्रस्‍थान 25:8

मिनु गो मेको आन दातेमी बाक्‍चा कली आं बाक्‍तीक सेल्‍पतो। इजीकीएल ३७:२६-२८

प्रस्‍थान 26:2

वा का आ लाइश्‍शो २८ कुबीत नु आ ब्रेम्‍शो ४ कुबीत दुम्‍चा माल्‍ब। मेको १० ओटा वा नेल्‍ल मोदेंशोन दुम्‍चा माल्‍नीम। कुबीत का ०.५ मिटर, खोदेंशो बाक्‍ब।

प्रस्‍थान 26:31

मिनु गे फारतीक सेल्‍चा कली नीलो प्‍याजी नु लल रङ ङा श्‍येले नु रिम्‍शो पा किरशो सुती श्‍येले के वा प्रोव़पाइक्‍चा माल्‍नेवे। मेको वा करूब बुटा आप्‍शा थाम्‍पा रिम्‍शो प्रोव़स जोक्‍ब मुर आन कली प्रोव़पाइक्‍चा माल्‍नेवे। २इतिहास ३:१४

प्रस्‍थान 26:36

मिनु ताम्‍बु ओव़तीक कली नीलो प्‍याजी नु लल रङ ङा श्‍येले नु रिम्‍शो पा किरशो सुती श्‍येले के प्रोव़शो वा, बुटा आप्‍शा ठेयब फारतीक सेल्‍पाइक्‍चा माल्‍नेवे।

प्रस्‍थान 31:7

ग्रुम्‍तीक ताम्‍बु, कबल पशो सन्‍दोस, मेको आ तार ङा सुम्‍तीके नु ताम्‍बु आ गा ङा माल्‍शो मारेइ मारेइ, प्रस्‍थान ३५:११-१९

प्रस्‍थान 35:11

ग्रुम्‍तीक ताम्‍बु नु ताम्‍बु कली सुम्‍तीक, ग्‍याइक्‍पाइक्‍तीकपुकी, फलेक नु लाइश्‍शो कोक्‍केपुकी, थामपुकी नु राप्‍पाइक्‍तीकपुकी,

प्रस्‍थान 35:35

मिनु मेको आस कली जोक्‍ब तुइक्‍ब थुं गेशा, गेय पतीक सक्ति नेल्‍ल गेशो बाक्‍ब। मार गेय पचा कली जोक्‍ब तुइक्‍ब सेल्‍शो बाक्‍ब देंशा हना, दारशो मार मार गेय पाइब, मिम्‍शा ब्रेक्‍स ब्रेक्‍शा, नीलो प्‍याजी नु लल श्‍येले बुटा प्रोव़चा नु रिम्‍शो पा किरशो सुती श्‍येले के प्रोव़शो वामी बुटा आप्‍चा कली जोक्‍ब तुइक्‍ब सेल्‍शो बाक्‍ब।

प्रस्‍थान 35:6

नीलो, प्‍याजी नु लल श्‍येले नु रिम्‍शो पा किरशो सुती श्‍येले के प्रोव़शो वा नु क्‍यारश आ चां,

प्रस्‍थान 36:35

मिनु नीलो, प्‍याजी नु लल श्‍येले नु रिम्‍शो पा किरशो सुती श्‍येले के प्रोव़शो वा के नेल्‍ल क्‍येङा चोव़खो कोठा फारतीक का सेल्‍शा, रिम्‍शो पा करूब बुटा आप्‍तेक्‍म।

प्रस्‍थान 39:3

मिनु सुन तुप्‍शा, पात्‍लो सेल्‍शा, आइक्‍च पा ख्रोइश्‍शा, श्‍येले खोदेंशो सेल्‍तेक्‍म। मिनु नीलो, प्‍याजी नु लल श्‍येलेमी रिम्‍शो पा किरशो सुती श्‍येले के प्रोव़शो वा दारशो बुटा आप्‍शा सेल्‍तेक्‍म।

प्रस्‍थान 40:2

“ङोंइती ङा महिना ङा ङोंइती नाक्‍ती, आं बाक्‍तीके ग्रुम्‍तीक ताम्‍बु कीङो। प्रस्‍थान ४०:१७; प्रस्‍थान १२:२; प्रस्‍थान १९:१

गन्‍ती 3:25

गेरशोन आ मुरपुकीमी ग्रुम्‍तीक ताम्‍बु कली सुम्‍तीके, ग्रुम्‍तीक ताम्‍बु आ आगा ओव़तीक ङा फारशो वा,

गन्‍ती 4:25

ग्रुम्‍तीक ताम्‍बु ङा फारशो वा, ग्रुम्‍तीक ताम्‍बु आ सुम्‍तीके नु मेको तार बाक्‍शो रिम्‍शो कोक्‍ते नु ग्रुम्‍तीक ताम्‍बु आ ओव़तीक ङा फारशो वा कुरचा माल्‍नीम।

यूहन्‍ना 1:14

मिनु लोव़ माइश्‍शो मुर दुम्‍शा, गोपुकी नु बाक्‍शो बाक्‍त। मेको शिशी पाइब नु परमप्रभु यावे आ लां कोंइब बाक्‍त। गोपुकीमी “परमप्रभु यावे आ कांइचीक तौ बाक्‍ब” दे तुइश्‍शा, मेको कली परमप्रभु यावे आ छेङछेङ, आ शिशी नु आ थमा पतीकेमी ब्रीशो ताइतक। १तिमोथी ३:१६; प्रस्‍थान ३३:१८; यसैया ६०:१; २पत्रुस १:१६-१७

यूहन्‍ना 2:21

येसुमी आ रां आ पर्बम लोव़ पाप्‍तु। आ रां परमप्रभु यावे आ खिं बाक्‍ब। १कोरिन्‍थी ६:१९

हिब्रू 8:2

मुरपुकीमी सेल्‍शो ममाइ, परमप्रभु यावेमी सेल्‍शो थमा ङा ताम्‍बुमी गेय पाइब दुम्‍शो बाक्‍ब।

हिब्रू 9:2

मिनु ताम्‍बु का सेल्‍शो बाक्‍माक्‍त। आगामी कोठा निक्‍शी पाइश्‍शो बाक्‍माक्‍त। ङोंइती ङा कोठाम बत्ती दातीक दियारी का, टेबल का नु परमप्रभु यावे आ ङोंइती वोइश्‍शो कोंइतीक शोब्‍ले बाक्‍माक्‍त। मेको आ नोले चोव़खो कोठा, दे नें वोइश्‍शो बाक्‍माक्‍त।

हिब्रू 9:9

मेको मुल कली कोंइतीक का बाक्‍ब। मेकोमी मार कोंइब देंशा हना, भेटी नु चोशा चढ़ेशोमी मुर आन कली पाको सेल्‍ने मचाप्‍ब। हिब्रू ७:१९; हिब्रू १०:१-२

प्रकाश 19:8

मेको ग्‍युम्‍ली कली सुती के रिम्‍शो बुश टल्‍केशो वा फेक्‍चा कली गेशो बाक्‍त” देंशो नेंता। मिनु मेको सुती के रिम्‍शो वा मार बाक्‍ब देंशा हना, परमप्रभु यावे आ योव़शो आन ठीक पतीके बाक्‍ब। यसैया ६१:१०

प्रकाश 21:3

मिनु गो ठेयब नित्‍तीके रे ठेयब सेंदा का ग्रूशो नेंता। मेकोमी “कोव़ङीन, परमप्रभु यावे आ बाक्‍तीकेमी मुरपुकी यो बाक्‍नीम। परमप्रभु यावे मुरपुकी नु बाक्‍ब। मेकोपुकी परमप्रभु यावे आ मुर बाक्‍नीम। मिनु परमप्रभु यावे आ मुरपुकी नु बाक्‍ब। प्रस्‍थान २९:४३५; येरमीया ७:२३