प्रस्‍थान 25:16 - Sunuwar Bible

¹⁶ मिनु गो इ कली गेचा चिक्‍शो कबल पा अरेशो लोव़ मेको सन्‍दोसमी कुर पा वोइक्‍चा माल्‍नेवे।

प्रस्‍थान 25:16 ပူးပေါင်းရင်းမြစ်များ

१ राजा 8:9

मिनु होरेब डांडाम परमप्रभु यावेमी इस्राएली आन कली इजीप्‍त रे ग्रुंइची ना कबल पशो बाक्‍त। मेना मोसामी मेको कबल पशो लोव़ मु‍शा ब्रेक्‍शो फुल्‍लु निक्‍शी सन्‍दोसम कुर पा वोदा बाक्‍त। मेको सन्‍दोसम फुल्‍लु निक्‍शी ङा लाक्‍शा अर्को मारेइ मबाक्‍माक्‍त। प्रस्‍थान २५:२१; ब्‍यवस्‍था १०:५

२ राजा 11:12

मिनु येहो-यादाम पिप आ तौ कली ग्रुंइदा बाक्‍त। मिनु मेको आ पियाम सिरपेच गुक्‍ता बाक्‍त। मिनु येहो-यादामी मेको कली कबल ङा कागज का गेवा बाक्‍त। मिनु मेको कली तेल लुक्‍शा पिप सेला बाक्‍त। मिनु मुरपुकीम गुइ फ्रोक्‍शा “पिप गेना हना यो ब्रोंइशा बाक्‍ल” देंमा बाक्‍त। ब्‍यवस्‍था १७:१८-१९; १राजा १:३९

२ इतिहास 23:11

मेको नोले येहो-यादाम पिप आ तौ कली लाङगा ग्रुंइदा बाक्‍त। मिनु मेको आ पियाम सिरपेच गुप्‍शा, पिप दुम्‍तीक कागज गेशा, यहोयादा नु आ तौपुकीम मेको कली पिप सेल्‍शा, तेल लुक्‍तमे बाक्‍त। मिनु मेकोपुकीम ठेयब सेंदा पा “पिप शुश ब्रोंइशा बाक्‍ल” दे ग्रीमा बाक्‍त।

प्रस्‍थान 16:34

परमप्रभु यावेमी मोसा कली दोपा देंमे, मोपा हारूनमी कबल पशो सन्‍दोस आ ङोंइती वोइक्‍तु।

प्रस्‍थान 25:21

मेको सुम्‍तीके मेको कबल पशो सन्‍दोस तार वोइक्‍चा माल्‍नेवे। मिनु गो इ कली गेचा चिक्‍शो कबल पा अरेशो लोव़ मेको कबल पशो सन्‍दोसम कुर पा वोइक्‍चा माल्‍नेवे। प्रस्‍थान ३४:२९; १राजा ८:९

प्रस्‍थान 26:33

मिनु मेको फारतीके हेक्‍तीकेम हेक्‍पाइक्‍चा माल्‍नेवे। मिनु गे मेको आं अरेशो लोव़ आगाम वोइश्‍शो सन्‍दोस मेको फारतीके आगा गे वोइक्‍पाइक्‍चा माल्‍नेवे। मोपा मेको फारतीके चोव़खो नु नेल्‍ल क्‍येङा चोव़खो बाक्‍तीक कली फारब दुम्‍ब। मत्ती २७:५१; हिब्रू ९:३; प्रस्‍थान २६:६,११

प्रस्‍थान 27:21

मिनु ग्रुम्‍तीक ताम्‍बु आगामी, कबल ङा सन्‍दोस बाक्‍शो नेल्‍ल क्‍येङा चोव़खो कोठा फारतीक आ ङोंइती हारून नु आ तौपुकीमी नाक्‍दो रे सुनी सम्‍म मेको बत्ती दातीक परमप्रभु यावे आ ङोंइती ब्रशा बाक्‍ल, दे ठीक सेल्‍चा माल्‍नीम। मेको इस्राएली आन चच युइ आन कली गेना हना यो पतीके लीचा माल्‍ब। मेको गेना हना यो पचा माल्‍नीम।

प्रस्‍थान 30:36

मेको रे इच्‍का खोइ तुप्‍शा, फस सेलो। मिनु मेको फस ग्रुम्‍तीक ताम्‍बु ङा नेल्‍ल क्‍येङा चोव़खो कोठा कबल पशो सन्‍दोस आ ङोंइती वोइश्‍शा, मेको फस चोचा माल्‍नेवे। मेको इन कली नेल्‍ल क्‍येङा चोव़खो दुम्‍ब। मेकेर गो इ कली ग्रुम्‍नुङ। प्रस्‍थान ३०:६

प्रस्‍थान 30:6

मिनु मेको परमप्रभु यावे आ अरेशो लोव़ वोइश्‍शो कबल पशो सन्‍दोस नु सुम्‍तीके फारतीक वा आ ङोंइती वोइक्‍चा माल्‍नेवे। गो मेकेर इ कली ग्रुम्‍नुङ। प्रस्‍थान २५:२१-२२

प्रस्‍थान 31:18

मिनु परमप्रभुमी मोसा नु सीनै डांडाम लोव़ पने थुम्‍शा, आ देंशो फुल्‍लु निक्‍शीमी मुशा आंम ब्रेक्‍शो लोव़ मोसा कली गेप्‍तु। प्रस्‍थान २४:१२; प्रस्‍थान ३२:१५-१६; प्रस्‍थान ३४:२८; ब्‍यवस्‍था ४:१३; ब्‍यवस्‍था ५:२२; ब्‍यवस्‍था ९:१०; ब्‍यवस्‍था १०:१-५

प्रस्‍थान 32:15

मिनु मोसा परमप्रभु यावे आ देंशो लोव़ ब्रेक्‍शो फुल्‍लु निक्‍शी कुरशा, डांडा रे ब्रुप्‍त। मेको फुल्‍लु निक्‍शी निम्‍फा पटटीम मुशा ब्रेक्‍शो बाक्‍त।

प्रस्‍थान 34:29

मिनु नोले मोसा मेको परमप्रभु यावे आ कबल ङा लोव़ ब्रेक्‍शो फुल्‍लु निक्‍शी कुरशा, सीनै डांडा रे तोंइसाक्‍व। मोसा परमप्रभु यावे नु लोव़ पतीके आ कुल परमप्रभु आ छेङछेङम छेङछेङ दुम्‍शो बाक्‍ब, दे मतुइक्‍त।

प्रस्‍थान 38:21

परमप्रभु यावे आ बाक्‍तीक सेल्‍चा कली मार मार माल्‍दा, मेको ब्रेक्‍शो बाक्‍त। मेको बाक्‍तीके कबल पशो सन्‍दोस वोइक्‍तीके बाक्‍त। मोसामी “मेको नेल्‍ल ब्रेक्‍चा माल्‍ब” दे अरेशो बाक्‍त। चढ़ेब हारून आ तौ इथामार लेवी आन कली गेय पपाइक्‍ब बाक्‍त। गन्‍ती ४:२८

प्रस्‍थान 40:20

मिनु मोसामी परमप्रभु यावे आ अरेशो लोव़ मुशा ब्रेक्‍शो फुल्‍लु कबल पशो सन्‍दोसम कुर पाप्‍तु। मिनु कबल पशो सन्‍दोसम कुरतीक कोक्‍के शुइक्‍ताक्‍व। मिनु मेको आ तार सुम्‍तीकेम सुम्‍तु।

गन्‍ती 17:4

मिनु गे मेको कोक्‍के आन कली ग्रुम्‍तीक ताम्‍बुमी सल्‍ला पशो सन्‍दोस आ ङोंइती वोतो। गो मेकेर रे इन कली लोव़ पाइनुङ। प्रस्‍थान २५:२२

प्रेरित 7:44

इं किकी पिपी गोरशो रागीमी हिरसमानु, परमप्रभु यावे आ ताम्‍बु यो कुरशा गाक्‍मा बाक्‍त। परमप्रभु यावे आ ताम्‍बु चहिं दोपा सेल्‍चा, दे परमप्रभु यावेमी मोसा कली कोंइशो खोदेंशो पा मोसामी सेल्‍पाइश्‍शो बाक्‍माक्‍त। प्रस्‍थान २५:९

रोमी 3:2

अरु आन क्‍येङा शुश तशो बाक्‍तेक्‍म। ङोंइती परमप्रभु यावेमी मेको आन कली आ लोव़ तुइक्‍पाइक्‍चा कली योव़तु। रोमी ९:४; ब्‍यवस्‍था ४:७-८; भजन संग्रह १४७:१९-२०

ब्‍यवस्‍था 31:26

“एको अरेशो लोव़ ङा किताब लाइश्‍शा, परमप्रभु यावे, इन परमप्रभु आ सल्‍ला पतीक सन्‍दोस आ नेक्‍था वोतीन। मोदेंशो पा मेको आन पर्बम सांकछी दुम्‍शा बाक्‍ब। यूहन्‍ना ५:४५

हिब्रू 9:4

थम चोव़खो कोठामी सुन के सेल्‍शो धूप चोतीक नु परमप्रभु यावे आ कबल पशो सुनमी गिल्‍शो सन्‍दोस बाक्‍माक्‍त। मेको कबल पशो सन्‍दोसमी मार वोइश्‍शो बाक्‍माक्‍त देंशा हना, मन्‍ना कुर पशो सुन के बोस, हारून आ कोच्‍वा दाप्‍शो कोक्‍के नु परमप्रभु यावेमी फुल्‍लुमी मुशा ब्रेक्‍शा वोइश्‍शो अरेशो लोव़ मेको आगाम बाक्‍माक्‍त। प्रस्‍थान १६:३३; प्रस्‍थान २५:१०-२२; गन्‍ती १७:२३-२५

यहोसु 4:16

“कबल पशो सन्‍दोस कुरब चढ़ेब आन कली ‘मुल यर्दन रे इर कुन’ देंशा ब्रेत्‍तो” दे माइक्‍तु।