प्रस्‍थान 24:3 - Sunuwar Bible

³ मिनु मोसा डांडा रे तोइश्‍शा, मुर आन कली परमप्रभु यावेमी देंशो नु अरेशो लोव़ नेल्‍ल नेंपाइक्‍तीमी। मिनु मुर नेल्‍लेमी मुर का खोदेंशो पा “परमप्रभु यावेमी देंशो लोव़ नेल्‍ल गो पाइनीकी” देंतेक्‍म। प्रस्‍थान १९:८

प्रस्‍थान 24:3 ပူးပေါင်းရင်းမြစ်များ

२ इतिहास 15:14

मिनु मेको मुर नेल्‍लेमी “परमप्रभु यावे आ नोले खोइक्‍नय” दे कसम जशा, ग्‍येरसीशा ठेयब सेंदा पा, तुराही नु ग्रोव़ ताप्‍मे बाक्‍त।

२ इतिहास 15:15

यहूदा ङा मुर नेल्‍लेमी मेको कसम जतीके ग्‍येरसमा बाक्‍त। मारदे हना मेकोपुकीमी आन थुं नेल्‍लेमी परमप्रभु यावे कली खोइक्‍चा थमा पा दाक्‍तमे बाक्‍त। मिनु परमप्रभु कली थिश्‍शो बाक्‍मा बाक्‍त। मोपतीके परमप्रभु यावेमी मेको नेल्‍ल आन रागीमी लडाइ मदुम्‍पाइक्‍थु, आन थुं नाइक्‍चा गेवा बाक्‍त। २इतिहास १४:५-६; २इतिहास २०:३०

भजन संग्रह 50:5

परमप्रभुमी “आं कली थमा सुइक्‍ब आन कली खुप्‍तीन। मेकोपुकीमी मार मार क्‍योरशा चढ़ेशा, गो नु कबल पाम्‍तेक्‍म” देंब। प्रस्‍थान २४:४-११

प्रस्‍थान 19:8

मिनु मुर नेल्‍ल का दुम्‍शा “परमप्रभु यावे आ देंशो नेल्‍ल पाइनीकी” देंतेक्‍म। मिनु मोसामी मेको मुर आन देंशो लोव़ परमप्रभु यावे कली दें‍त। प्रस्‍थान २४:३-८

प्रस्‍थान 24:2

गे ला आं नेक्‍था जाक्‍ने चाप्‍नेवे। अरु चहिं नेक्‍था मजाक्‍थु, बाक्‍चा माल्‍नीमी। मिनु मुरपुकी गे नु डांडा ङोइक्‍चा मदुम्‍नीम” दे परमप्रभु यावेमी दें‍त।

प्रस्‍थान 24:7

नोले कबल ङा लोव़ ब्रेक्‍शो किताब मुर आन कली नेंपाइक्‍चा कली पढेप्‍तु। मिनु मेकोपुकीमी “परमप्रभु यावे आ देंशो नेल्‍ल पाइनीकी। आ लोव़ टीनीकी” देंतेक्‍म।

येरमीया 11:4

गो मेको कबल ङा पचा माल्‍शो गेय इन किकी पिपी आन कली श्‍येत जतीक इजीप्‍त रागी रे ग्रुंइची ना अरेशो नङमी। गो मेको आन कली आं अरेशो यो टिने। इन कली अरेशो लोव़ नेल्‍ल पा आं मुर दुम्‍नीनी। मिनु गो इन परमप्रभु दुम्‍नुङ। येरमीया ७:२३

येरमीया 34:13

मार, लोव़ पाप्‍तु देंशा हना “परमप्रभु यावे, इस्राएली आन परमप्रभुमी ‘गो मेको आन किकी पिपी आन कली इजीप्‍त रागी ङा वाइलीम वाइल दुम्‍तीक खिं रे प्रोंइशा चाक्‍तामी। मिनु गो मेकोपुकी नु कबल पाता।

हाग्‍गै 2:5

गेपुकी इजीप्‍‍त रागी रे पा ग्रूशा पिनीनु, गेपुकी नु कबल का पाता। आं सोक्‍त गेपुकी नु बाक्‍ब, दे कबल पाता। मोपतीके महिनीन” दे मुर नेल्‍ल आन परमप्रभु यावेमी देंत। प्रस्‍थान १९:५; जकरिया ४:६

मलाकी 2:10

मार, गो नेल्‍ल इं आफ कान ममाइ ङा? मार, परमप्रभु कामीन इं कली मसेला ङा? मारदे गोपुकीमी कामी अर्को कली थमा मसुइक्‍थु, इं किकी पिपी आन कली गेशो कबल ख्रोइक्‍नया? मलाकी १:६; अय्‍युब ३१:१५; एफिसी ४:६

ब्‍यवस्‍था 11:1

मिनु मोसामी “गे परमप्रभु यावे, इन परमप्रभु कली दाक्‍चा माल्‍नीनी। गे नाक्‍त किंत किंत मेको आ ब्रेक्‍शा अरेशो लोव़, आ फुल्‍लुम मुशा ब्रेक्‍शो लोव़, आ निसाफ पतीक लोव़ नु आ शेंशो नेल्‍ल टिने।

ब्‍यवस्‍था 4:1

मिनु मोसामी “मिनु गे इस्राएली नेल्‍ले, गो इन कली परमप्रभु यावे आ फुल्‍लुम मुशा ब्रेक्‍शो लोव़ नु आ निसाफ पतीक लोव़ शेंनुङ। इन नोफा दाइक्‍तीन। मिनु आ शेंशो पने। मेको पाइतीनी हना, गे ब्रोंइचा ताइनीनी। मिनु गे परमप्रभु यावे, इन किकी पिपी आन परमप्रभुमी इन कली गेशो रागी ओव़चा नु इन के सेल्‍चा ताइनीनी।

ब्‍यवस्‍था 4:45

मिनु मेको परमप्रभु यावे आ आ देंशो, आ फुल्‍लुम मुशा ब्रेक्‍शो लोव़ नु आ निसाफ पतीक लोव़ बाक्‍नीम। मोसामी मेको नेल्‍ल इस्राएली आन कली इजीप्‍त रे ग्रुंइची ना शेंताक्‍व।

ब्‍यवस्‍था 4:5

मिनु परमप्रभु यावे, आं परमप्रभुमी आं कली अरेशो खोदेंशो पा, गो इन कली आ फुल्‍लुम मुशा ब्रेक्‍शो लोव़ नु आ निसाफ पतीक लोव़ शेंतान्‍नी। मारदे शेंतान्‍नी देंशा हना, गे जाक्‍शा इन के सेल्‍चा चिक्‍शो रागीमी मेको नेल्‍ल पचा, दे शेंतान्‍नी।

ब्‍यवस्‍था 5:1

मिनु मोसामी इस्राएली नेल्‍ल आन कली ब्रेश्‍शा, मेको आन कली “इस्राएली नेनीन। परमप्रभु यावे आ फुल्‍लुम मुशा ब्रेक्‍शो लोव़ नु आ निसाफ पतीक लोव़ नेनीन। मुलाक्‍ती गो मेको इन कली शें‍नुङ। गे मेको लोव़ शेंसीशा, होस पने।

ब्‍यवस्‍था 5:31

तन्‍न गे आं नेक्‍था बाक्‍को। मिनु गेमी आं शेंशो नेल्‍ल, आं फुल्‍लुम मुशा ब्रेक्‍शो लोव़ नु आं निसाफ पतीक लोव़ इ कली देंनन। मिनु मेकोपुकीमी मेको आन कली गेशो रागीम मेको पचा माल्‍नीम” दे परमप्रभुम देंत।

ब्‍यवस्‍था 6:1

मिनु मोसामी “परमप्रभु यावेमी इन कली माइश्‍शो फुल्‍लुम मुशा ब्रेक्‍शो लोव़ नु निसाफ पतीक लोव़ बाक्‍ब। मिनु गो इन कली शेंचा माल्‍नुङ, दे आं कली माइक्‍ती। गेपुकी मुल इन लशा, इन के सेल्‍चा चिक्‍शो रागीम बाक्‍नीनु, मेको पचा माल्‍नीनी।

यहोसु 24:21

मिनु मुरपुकीमी यहोसु कली “ममाइ, गोपुकीम परमप्रभु यावे कली ठेयब सेल्‍नीकी” देंतेक्‍म।

यहोसु 24:22

मिनु यहोसुमी “गेपुकीमी परमप्रभु यावे कली ‘ठेयब सेल्‍नीक’ देंशा, गे आंमा सांकछी दुम्‍तीनी” देंत। मिनु मेकोपुकीमी “गो थमा पा सांकछी दुम्‍तक” देंतेक्‍म।

यहोसु 24:24

मिनु मुरपुकीमी यहोसु कली “गो परमप्रभु यावे, आंइ परमप्रभु कली ठेयब सेल्‍नीकी। मेको आ लोव़ टीनीक” देंतेक्‍म।