प्रस्‍थान 24:2 - Sunuwar Bible

² गे ला आं नेक्‍था जाक्‍ने चाप्‍नेवे। अरु चहिं नेक्‍था मजाक्‍थु, बाक्‍चा माल्‍नीमी। मिनु मुरपुकी गे नु डांडा ङोइक्‍चा मदुम्‍नीम” दे परमप्रभु यावेमी दें‍त।

प्रस्‍थान 24:2 ပူးပေါင်းရင်းမြစ်များ

प्रस्‍थान 19:12

मिनु गे डांडा आ एर ओंथ थरपु हिरचा माल्‍नेवे। गेमी मुर आन कली ‘डांडा मङोइक्‍चा, मथिचा ङा पा थरपु हिरचा माल्‍नेवे। होस पा बाक्‍कीन! सुम डांडा आ पुं थीबा, मेको थमा पा साइक्‍चा पुंइसीब। प्रस्‍थान ३४:३

प्रस्‍थान 20:21

मुरपुकी ङोन बाक्‍शो बाक्‍तेक्‍म। मोसा चहिं परमप्रभु आ नेक्‍था क्‍येर गोस्‍सुम लत। १राजा ८:१२

प्रस्‍थान 24:1

मिनु परमप्रभु यावेमी मोसा कली “गे, हारून, नादाब, अबीहु नु इस्राएली आन खाल्‍पा रे ७० जना मुर कुने। मिनु ङोन रे आं कली सेउ पचा माल्‍नीनी। प्रस्‍थान २८:१; लेवी १०:१; गन्‍ती ११:१६

प्रस्‍थान 24:13

मिनु मोसा आ गेय पाइब यहोसु लाइश्‍शा, परमप्रभु आ डांडा ङोंइसाक्‍व। प्रस्‍थान ३३:११

प्रस्‍थान 24:15

मिनु मोसा डांडा ङोंइसाक्व। मिनु गोस्‍सुम मेको डांडा सुम्‍तु।

प्रस्‍थान 24:18

मिनु मोसा गोस्‍स आगा ओव़शा, डांडा ङोइश्‍शा, ४० नाक्‍दो नु ४० नाक्‍ती बाक्‍त। प्रस्‍थान ३४:२८

प्रस्‍थान 24:3

मिनु मोसा डांडा रे तोइश्‍शा, मुर आन कली परमप्रभु यावेमी देंशो नु अरेशो लोव़ नेल्‍ल नेंपाइक्‍तीमी। मिनु मुर नेल्‍लेमी मुर का खोदेंशो पा “परमप्रभु यावेमी देंशो लोव़ नेल्‍ल गो पाइनीकी” देंतेक्‍म। प्रस्‍थान १९:८

येरमीया 30:21

मेको आन कली हुकुम पाइब मेको आन दाते ङा का दुम्‍ब। मेको आन कली सासन पाइब आंम आन मुर बाक्‍ब। गो मेको कली आं नेक्‍था चाक्‍नुङ। मिनु मेको आं नेक्‍था जाक्‍ब। मारदे हना आं नेक्‍था आंमा सु जाक्‍बा ङा?” दे परमप्रभु यावेमी देंत। येरमीया ३०:९

येरमीया 49:19

यर्दन आ नेक्‍था ङा ठेयब ब्‍वाकी रे बस्‍तु भाव योव़तीकेम गुप्‍स जाक्‍शो खोदेंशो पा गो एदोम कली याम कामी मेको आ रागी रे ग्रुंइनुङ। गो सु कली सासन पचा कली योव़ङु, मेको कली गेनुङ। आं खोदेंशो सु बाक्‍बा? आं कली सुम अरेने चाप्‍बा ङा? तेको गोठला आं ङोंइती राप्‍ने चाप्‍बा ङा?” दे परमप्रभु यावेमी देंत येरमीया ५०:४४-४६

गन्‍ती 16:5

मिनु मेकोमी कोराह नु मेको आ मुर नेल्‍ल आन कली “दीसा सुनी परमप्रभु यावेमी सु मेको आ मुर बाक्‍बा, सु ग्रांग्रा मदिशो बाक्‍बा नु सु आ नेक्‍था जाक्‍दीत्‍चा गेबा, मेको तुइक्‍पाइक्‍ब। २तिमोथी २:१९

हिब्रू 9:24

मारदे हना ख्रीस्‍त मुरपुकीम सेल्‍शो ताम्‍बुमी मओव़। मेको स्‍वर्गम बाक्‍ब ताम्‍बु आ खोदेंशो ला बाक्‍त। तन्‍न मेको स्‍वर्गम ओव़त। मुल मेकोम परमप्रभु यावे आ ङोंइती आंइ पर्बम पुंइब। हिब्रू ७:२५; १यूहन्‍ना २:१