प्रस्‍थान 24:17 - Sunuwar Bible

¹⁷ मिनु परमप्रभु यावे आ छेङछेङ इस्राएली आन कली डांडा तारी थम ठेयब ब्रशो मी खोदेंशो पा तांइसाक्‍व। ब्‍यवस्‍था ४:२४; ब्‍यवस्‍था ९:३; हिब्रू १२:२९

प्रस्‍थान 24:17 ပူးပေါင်းရင်းမြစ်များ

२ सामुएल 22:13

मेको आ ङोंइती ङा छेङछेङ रे ब्रशो कोइला ग्रूतेक्‍म।

२ सामुएल 22:9

मेको आ नें रे कुन ग्रूत। मेको आ शोव़ रे ग्राव ग्रु दाक्‍ब मी ग्रूत। मेकेर रे ब्रशो कोइला ग्रूतेक्‍म।

प्रस्‍थान 19:11

नित्‍थ नाक्‍त आं कली ग्रुम्‍चा कली ठीक दुम्‍चा माल्‍नीमी। मारदे हना नित्‍थ नाक्‍ती गो सीनै डांडाम मुर नेल्‍ल आन ङोंइती जाक्‍नुङ।

प्रस्‍थान 19:18

मिनु सीनै डांडा कुनै कुन दुम्‍‍त। मारदे हना परमप्रभु यावे मेकेर मीम तोंइसाक्‍व। मेको मार मार चोशो खोदेंशो पा ठेयब कुन ग्रू्‍त। मिनु डांडामी ठेयब ख्रिनु कु‍त। उत्‍पत्ती १५:१७

प्रस्‍थान 3:2

मेकेर परमप्रभु यावे आ स्‍वर्ग ङा गेय पाइब मी ब्रशो बुटा रे ग्रूत। ङोंइती दोदेंशो बाक्‍‍त देंशा हना, मोसामी ङोन रे कोव़ङानु, ब्रशो बुटा का कली मीम काइ मनेक्‍शो ताप्‍तु। ब्‍यवस्‍था ३३:१६

इजीकीएल 1:27

मिनु मेको आ क्रातो ङा ग्‍येत्‍थ ब्रशो जिलजिल पाइश्‍शो कांसा चुप्‍लुम ब्रशो मी खोदेंशो ताता। आ क्रातो ङा लुक्‍चु मी खोदेंशो पा ब्रशा शुश छेङछेङ बाक्‍त।

इजीकीएल 1:28

रेउ यिमेनु, गोस्‍सुम वाक्‍श दाप्‍शो खोदेंशो पा, मेको आ एर ओंथ नेल्‍ल छेङछेङ बाक्‍त। मेको परमप्रभु यावे आ छेङछेङ बाक्‍त। मिनु गो मेको तशा, खुम्‍की पा बाप्‍ती। मिनु मुर ब्‍वाक्‍शो खोदेंशो सेंदा नेंता। इजीकीएल ३:२३; इजीकीएल ८:४; इजीकीएल ९:३; इजीकीएल १०:४,१८; इजीकीएल ११:२३; इजीकीएल ४३:४; इजीकीएल ४४:४

नहुम 1:6

परमप्रभु यावे गाइक्‍तानु, मेको आ ङोंइती सु राप्‍ने चाप्‍‍बा ङा? मेको आ चुरशो सुम फाल्‍ने चाप्‍बा ङा? मेको आ गाइश्‍शो मी खोदेंशो पा ब्राइब। मिनु मेकोमी सेरथे फुल्‍लु आन कली प्रोल्‍ब।

ब्‍यवस्‍था 4:24

मारदे हना परमप्रभु यावे, इन परमप्रभु ठेयब मी खोदेंशो नु रुश पाइब परमप्रभु बाक्‍ब। ब्‍यवस्‍था ९:३; प्रस्‍थान २४:१७; यसैया १०:१७; हिब्रू १२:२९; प्रस्‍थान २०:५

ब्‍यवस्‍था 4:36

मिनु मेकोमी सरीङ रे इन कली शेंचा, दे आ सेंदा नेंपाइक्‍तु। मिनु खपीम इन कली आ ठेयब मी कोंइताक्‍व। गे मी आ दाते रे आ लोव़ पशो नेंतीनी। प्रस्‍थान २०:१,१८,२०

ब्‍यवस्‍था 9:3

परमप्रभु यावे, इन परमप्रभु इन ङोंइङोंइती शोक्‍शा लाइब, दे तुइक्‍चा माल्‍नीनी। मेको नेल्‍ल ग्रु दाक्‍ब मी खोदेंशो बाक्‍ब। मिनु मेको आन कली मी खोदेंशो पा दाक्‍ब। मेकोमी इन कली जिम्‍मा गेब। मिनु परमप्रभु यावेमी देंशो खोदेंशो पा, गे मेको आन कली खेरशा रीब पा साइक्‍नीनी। ब्‍यवस्‍था ४२४

हिब्रू 12:18

साइ इं किकी पिपीपुकीमी परमप्रभु यावे कली ग्रुम्‍शो खोदेंशो पा मग्रुम्‍नीनी। मेकोपुकीमी गुइमी थिचा ङा डांडामी मी ब्रशा तामे बाक्‍त। मिनु छिङछिङ दुम्‍शा क्‍येर गोस्‍स बोक्‍शा, फश गिवार पा बुंबु पवा बाक्‍त। गे मेक सम्‍म मजाक्‍शो बाक्‍नीनी। प्रस्‍थान १९:१२,१६,१८; ब्‍यवस्‍था ४:११

हिब्रू 12:29

इं परमप्रभु यावे नेल्‍ल खतम सेल्‍ब मी खोदेंशो बाक्‍ब। हिब्रू १०:३१; ब्‍यवस्‍था ४:२४