प्रस्‍थान 24:16 - Sunuwar Bible

¹⁶ मिनु परमप्रभु यावे आ छेङछेङ सीनै डांडाम बाक्‍शो बाक्‍त। मेको गोस्‍सुम डांडा कली ६ नाक्‍त सम्‍म सुम्‍तु। मिनु नाक्‍त का नोले गोस्‍स आ दाते रे परमप्रभु यावेमी मोसा कली ब्रेत्‍ताक्‍व। प्रस्‍थान १६:१०

प्रस्‍थान 24:16 ပူးပေါင်းရင်းမြစ်များ

भजन संग्रह 99:7

मेकोमी गोस्‍स के थाम रे पा मेकोपुकी नु लोव़ पशो बाक्‍त। मेकोपुकीमी मेको आ देंशो नु आ फुल्‍लुम मुशा ब्रेक्‍शो लोव़ टिशो बाक्‍‍तेक्‍म।

प्रस्‍थान 16:10

मिनु हारूनमी इस्राएली नेल्‍ल आन कली लोव़ पवानु, मेकोपुकी गोरशो रागी गे कोव़तेक्‍म। मिनु मेकेर गोस्‍सुमी परमप्रभु यावे आ छेङछेङ ग्रूशो ताम्‍तेक्‍म। गन्‍ती १२:५; गन्‍ती १४:१०; गन्‍ती १६:१९

प्रस्‍थान 19:11

नित्‍थ नाक्‍त आं कली ग्रुम्‍चा कली ठीक दुम्‍चा माल्‍नीमी। मारदे हना नित्‍थ नाक्‍ती गो सीनै डांडाम मुर नेल्‍ल आन ङोंइती जाक्‍नुङ।

प्रस्‍थान 19:9

परमप्रभु यावेमी मोसा कली “लो, गो मारेइ मतांइसीचा ङा गोस्‍सुमी इ कली ग्रुम्‍थ जाक्‍नुङ। मोपा गो मुर आन कली, गे नु लोव़ पशा नेंपाइक्‍नुङमी। मिनु इ कली गेना हना यो थमा सुइक्‍नीम” दें‍त। मोसामी मुर नेल्‍ल आन देंशो यो परमप्रभु यावे कली दें‍त। प्रस्‍थान १६:१०; प्रस्‍थान ३४:५; भजन संग्रह १८:१२; प्रस्‍थान १४:३१

प्रस्‍थान 20:10

तन्‍न मेको आ नोले ङा नाक्‍त परमप्रभु यावे, इन परमप्रभु आ नाइक्‍तीक नाक्‍त बाक्‍ब। मेको नाक्‍ती गेपुकी काइ गेय मपने। इन तमी तौ, इन वाइलीम वाइल, इन बस्‍तु भाव, इन रागीम बाक्‍शो अर्को रागी ङा मुर आन कली यो काइ गेय मपपतीन। प्रस्‍थान ३१:१३-१७; इजीकीएल २०:१२; मर्कूस २:२७-२८; कलस्‍सी २:१६-१७

प्रस्‍थान 24:17

मिनु परमप्रभु यावे आ छेङछेङ इस्राएली आन कली डांडा तारी थम ठेयब ब्रशो मी खोदेंशो पा तांइसाक्‍व। ब्‍यवस्‍था ४:२४; ब्‍यवस्‍था ९:३; हिब्रू १२:२९

यसैया 4:5

मेना परमप्रभु यावेमी सियोन डांडाम आ बाक्‍तीके खिं नु आ मुर ग्रुम्‍तीक सेल्‍ब। मेकेर नाक्‍ती गोस्‍स नु कुन वोइश्‍शा, नाक्‍दो मी ब्रशो छेङछेङ वोइक्‍ब। मिनु मेको छेङछेङम रागी नेल्‍ल कली सुम्‍ब। प्रस्‍थान १३:२१

इजीकीएल 1:28

रेउ यिमेनु, गोस्‍सुम वाक्‍श दाप्‍शो खोदेंशो पा, मेको आ एर ओंथ नेल्‍ल छेङछेङ बाक्‍त। मेको परमप्रभु यावे आ छेङछेङ बाक्‍त। मिनु गो मेको तशा, खुम्‍की पा बाप्‍ती। मिनु मुर ब्‍वाक्‍शो खोदेंशो सेंदा नेंता। इजीकीएल ३:२३; इजीकीएल ८:४; इजीकीएल ९:३; इजीकीएल १०:४,१८; इजीकीएल ११:२३; इजीकीएल ४३:४; इजीकीएल ४४:४

लेवी 9:23

मिनु मोसा नु हारून ग्रुम्‍तीक ताम्‍बु आगा ओव़ताक्‍स। मिनु ग्रूशा मुर आन कली आसीक गेम्‍ताक्‍स। मिनु परमप्रभु यावे आ छेङछेङ मुर नेल्‍लेमी ताम्‍तेक्‍म। प्रस्‍थान १६:१०; प्रस्‍थान ४०:३४

लेवी 9:6

मिनु मोसामी “गेपुकीमी परमप्रभु यावेमी अरेशो पचा माल्‍शो गेय एकोन बाक्‍ब। मिनु परमप्रभु यावे आ छेङछेङम इन कली तपांइसीब” देंत।

गन्‍ती 14:10

तन्‍न मुर नेल्‍लेमी मेको आस कली “फुल्‍लु आप्‍नीकी” दे हिंच कोंइताक्‍म। मेना परमप्रभु यावे आ छेङछेङ इस्राएली नेल्‍ल आन कली ग्रुम्‍तीक ताम्‍बुम तपांइसाक्‍व। प्रस्‍थान १७:४; प्रस्‍थान १६:१०

गन्‍ती 16:42

मिनु मुरपुकीम मोसा नु हारून आस कली गन गन पा बुक्‍शा, ग्रुम्‍तीक ताम्‍बु गे कोव़ङमेनु, गोस्‍सुमी मेको ताम्‍बु कली सुम्‍शो ताम्‍तेक्‍म। मिनु परमप्रभु यावे आ छेङछेङ ग्रूत।

२ कोरिन्‍थी 4:6

परमप्रभु यावेमी “छिङछिङ जाम्‍शा, छेङछेङ दुम्‍ल” देंमाक्‍त। मेकोमी आंइ थुंमी छेङछेङ ब्रपाइश्‍शो बाक्‍त। गो परमप्रभु यावे आ छेङछेङ ख्रीस्‍त रे पा रुप्‍नीकी। उत्‍पत्ती १:३; २कोरिन्‍थी ३:१८

प्रकाश 1:10

मिनु गो परमप्रभु यावे आ नाक्‍त परमप्रभु यावे आ सोक्‍तीम बाक्‍ती। मिनु आं नोले तुराही ताप्‍शो खोदेंशो ठेयब सेंदा नेंता।