प्रस्‍थान 24:13 - Sunuwar Bible

¹³ मिनु मोसा आ गेय पाइब यहोसु लाइश्‍शा, परमप्रभु आ डांडा ङोंइसाक्‍व। प्रस्‍थान ३३:११

प्रस्‍थान 24:13 ပူးပေါင်းရင်းမြစ်များ

१ इतिहास 7:27

एली-शामा आ तौ नून बाक्‍माक्‍त। नून आ तौ यहोसु बाक्‍माक्‍त। गन्‍ती १३:८,१६

प्रस्‍थान 18:5

मिनु मोसा आ शिउ यित्रो, मोसा आ मीश नु आ तौ निक्‍शी गोरशो रागीमी मोसा कली ग्रुम्‍थ जाक्‍तेक्‍म। मेना मोसामी आ ताम्‍बु परमप्रभु आ डांडा आ पुंमी कीतु।

प्रस्‍थान 19:3

मिनु मोसा परमप्रभु नु लोव़ पचा कली डांडा ङोंइसाक्‍व। मिनु डांडा रे परमप्रभु यावेमी मोसा कली “इ किकी पिपी याकूब आ खिं ङा मुर, इस्राएली आन कली

प्रस्‍थान 3:1

मेना मोसा आ शिउ आ क्‍यारश भेडा योव़थ ल‍त। आ शिउ रूएल आ नें यित्रो यो बाक्‍माक्‍त। यित्रो चहिं मिदयान रागी ङा नाक्‍सो का बाक्‍माक्‍त। मोसामी क्‍यारश भेडा आन कली गोरशो रागी ङा नां पेरतीके गे योव़तु। मोपा योव़ना योव़न, होरेब माइश्‍शो परमप्रभु आ डांडा आ नेक्‍था जाक्‍दीत्‍‍त। प्रेरित ७:३०-३४

प्रस्‍थान 32:17

मिनु यहोसुमी मुर आन कली रेयके पशो नेंशा, मोसा कली “इस्राएल ङा मुर आन बाक्‍तीकेमी लडाइ पशो रेयके खोदेंशो नेंसाक्‍व” दें‍त।

प्रस्‍थान 33:11

मिनु परमप्रभु यावे नु मोसा कोव़मुशा, लोव़ पाम्‍ताक्‍स। दोदेंशो पा मुर आन वारच नु बाक्‍शा, लोव़ पाइनीमी, मोदेंशो पा लोव़ पाम्‍ताक्‍स। मिनु मोसा लेश्‍शा, आ ताम्‍बुम लत। आ गेय पाइब ठिटा, नून आ तौ यहोसु चहिं ताम्‍बु उइ बाक्‍त। प्रस्‍थान ३३:२०; गन्‍ती १२:८; ब्‍यवस्‍था ३४:१०

प्रस्‍थान 4:27

ङोंइती परमप्रभु यावेमी हारून कली “मोसा गोरशो रागीम जाक्‍चा चिक्‍शो बाक्‍ब। मेको कली ग्रुम्‍थ लावो” दे माइक्‍तु। मिनु लशा, परमप्रभु आ डांडाम मोसा कली ग्रुम्‍शा, पुक्‍पु पाइक्‍तु।

गन्‍ती 11:28

मिनु नून आ तौ यहोसु मोसा कली वारच पाइब बाक्‍त। मेको मोसा आ योव़शो मुरुमी मोसा कली “हजुर, आं होव़प मेको आस कली तेक्‍कीन” देंत। गन्‍ती १३:१६; प्रस्‍थान २४:१३

यहोसु 1:1

परमप्रभु यावे आ गेय पाइब मोसा बेक्‍म नोले परमप्रभु यावेमी मोसा आ गेय पाइब नून आ तौ, यहोसु कली लोव़ पाप्‍तु।