प्रस्‍थान 23:31 - Sunuwar Bible

³¹ गो इन रागी लल समुन्‍द्र रे पलिस्‍ती आन ठेयब समुन्‍द्र सम्‍म नु गोरशो रागी रे युफ्रेटीस खोला सम्‍म दुम्‍पाइक्‍नुङ। मिनु गो मेको रागी ङा मुर इन कली जिम्‍मा गेनुङ। मिनु गे मेको आन कली खेरनीनी। उत्‍पत्ती १५:१८

प्रस्‍थान 23:31 ပူးပေါင်းရင်းမြစ်များ

उत्पत्ती 15:18

मेको नाक्‍ती परमप्रभु यावेमी अब्राम नु कबल पशा “मेको रागी इ चच युइ आन कली गेनुङ। मेको इजीप्‍त ङा ठेयब खोला रे युफ्रेटीस सम्‍म बाक्‍ब। उत्‍पत्ती १२:७; १राजा ८:६५; १राजा ५:१

ब्‍यवस्‍था 11:24

गे इन खोइलीम थेक्‍शो रागी नेल्‍ल गे इन के दुम्‍ब। गोरशो रागी रे लेबानोन सम्‍म नु ठेयब खोला युफ्रेटीस रे पच्‍छिम ङा समुन्‍द्र सम्‍म इन के सांद दुम्‍ब।

यहोसु 21:44

मिनु परमप्रभु यावेमी इस्राएली आन किकी पिपी आन कली कसम जशो खोदेंशो पा नेल्‍ल रे पा नाइक्‍चा गेप्‍तु। मेको आन जोरी सत्रु नेल्‍ल मेको नु ब्रुम्‍तेक्‍म। परमप्रभु यावेमी मेको आन जोरी सत्रु इस्राएली नेल्‍ल आन गुइमी गेप्‍तु। ब्‍यवस्‍था १२:९-१०

यहोसु 1:4

गोरशो रागी नु लेबानोन रे ठेयब युफ्रेटीस खोला सम्‍म, हित्ती आन रागी नेल्‍ल, पच्‍छिम गे ङा ठेयब समुन्‍द्र सम्‍म इन रागी दुम्‍ब।

यहोसु 24:18

मिनु परमप्रभु यावेमी आंइ ङोंइती रे एको रागीम बाक्‍ब एमोरी आन कली खेरतु। मोपतीके गोपुकीमी यो परमप्रभु यावे कली ठेयब सेल्‍नीक। मारदे हना मेको आंइ परमप्रभु बाक्‍ब” देंतेक्‍म।

भजन संग्रह 72:8

मेकोमी समुन्‍द्र का रे अर्को समुन्‍द्र सम्‍म नु ठेयब खोला रे रागी आ सुर सम्‍म सासन पवल। जकरिया ९:१०

१ राजा 4:24

मारदे हना मेकोम युफ्रेटीस खोला आ पच्‍छिम गे ङा रागी तिफ्‍साह रे गाजा सम्‍म युफ्रेटीस खोला आ पच्‍छिम गे बाक्‍ब पिप नेल्‍ल आन कली सासन पशो बाक्‍माक्‍त। मेको आ राज्‍य नेल्‍ल लडाइ मदुम्‍थु थुं नाइश्‍शा बाक्‍शो बाक्‍मा बाक्‍त।

न्‍यायाधीस 11:21

मिनु परमप्रभु यावे, इस्राएली आन परमप्रभुमी सीहोन नु आ मुर आन कली इस्राएली आन गुइमी गेमी बाक्‍त। मिनु मेकोपुकीमी मेको आन कली ग्राशा, आन रागीमी बाक्‍शो एमोरी आन रागी आंम के सेल्‍मे बाक्‍त।

न्‍यायाधीस 1:4

मिनु यहूदा आ थर ङा मुरपुकीमी लडाइ पा परमप्रभु यावेमी कनानी नु परिज्‍जी आन कली मेको आन गुइम गेवा बाक्‍त। मेकोपुकीमी मेको आन कली खेदा पामे बाक्‍त। बेसेक सहरमी १० हजार मुर आन कली साइश्‍शा ग्रामा बाक्‍त।

१ राजा 20:13

मेना परमप्रभु यावे आ लोव़ पाइब का इस्राएल ङा पिप आहाब आ बाक्‍तीक जाक्‍शा, मेको कली “परमप्रभु यावेमी ‘मार, गे एको ठेयब हुल लडाइ पाइब आन कली तवी? कोव़ङो, गो मुलाक्‍तीन मेको आन कली इ गुइमी गेनुङ। मिनु गोन परमप्रभु यावे नङ, दे तुइक्‍नेवे’ देंत” दें‍माक्‍त।

१ राजा 4:21

सोलोमनम युफ्रेटीस खोला रे पलिस्‍ती आन रागी इजीप्‍त ङा सांद सम्‍म ङा राज्‍यम सासन पशो बाक्‍माक्‍त। मिनु मेको रागीम सोलोमन कली तिरो थाप्‍बाक्‍मा बाक्‍त। मिनु मेकोपुकी सोलोमन ब्रोंइम सम्‍म मेको आ गेय पाइब दुम्‍शा बाक्‍मा बाक्‍त। उत्‍पत्ती १५:१८

१ सामुएल 23:4

मिनु लेंशा दाऊदमी परमप्रभु यावे कली हिल्‍लो पवा बाक्‍त। मिनु परमप्रभु यावेमी “कैलाहम लावो। गो पलिस्‍ती आन कली इन गुइमी गेनुङ” देंमाक्‍त।

यहोसु 24:12

गो इन ङोंइङोंइती हिकवा सोइक्‍ताक्‍ङ। मेकोमी एमोरी आन पिप निक्‍शी आस कली खेदा पाम्‍तेक्‍म। गे इन तरवार नु लिब्रामी खेदा पचा ममाल्‍नी। प्रस्‍थान २३:२८; यहोसु १०:१-२

यहोसु 24:8

मिनु गो इन कली यर्दन आ पूर्ब एमोरी आन रागीमी चाक्‍‍ता। मिनु मेकोपुकीमी गेपुकी नु लडाइ पाम्‍तेक्‍म। मिनु गो मेको आन कली इन गुइमी गेता। गो मेको आन कली इन ङोंइती खतम सेल्‍ता। मिनु गेपुकीमी मेको आन रागी आंम के सेल्‍तीनी। गन्‍ती २१:२५,३१

यहोसु 23:14

नेनीन, गो मुल मुर नेल्‍ल खोदेंशो पा बेक्‍चा चिक्‍ताक्‍ङ। मिनु परमप्रभु यावे, इन परमप्रभुमी इन कली देंशो रिम्‍शो लोव़ मारेइ मली। मेकोमी नेल्‍ल इन कली खाप्‍शो बाक्‍ब। मिनु का सम्‍म यो मख्राइक्‍थु पाप्‍तु, दे गे इन थुं ङा मिम्‍तीकेमी तुइक्‍नीनी। यहोसु २१:४५

यहोसु 10:19

तन्‍न गेपुकी मो मबाक्‍कीन। इन जोरी सत्रु आन कली खेदा पना पन ङोंइती बारीन। नेल्‍ल क्‍येङा नोले ङा सम्‍म यो सतीन। मेको आन कली लेंशा, आन सहर ओव़चा मगेन। मारदे हना परमप्रभु यावे, इन परमप्रभुमी मेको इन गुइमी गेशो बाक्‍ब” देंत।

यहोसु 10:8

मोपा लमानु, परमप्रभु यावेमी यहोसु कली “मेको आन कली तशा, महिनो। मारदे हना गो मेको आन कली इन गुइमी गेता। मेको आन मुर का सम्‍म यो इन ङोंइती राप्‍ने मचाप्‍नीम” देंत।

यहोसु 8:18

मिनु परमप्रभु यावेमी यहोसु कली “इ गुइमी बाक्‍शो तरवार ऐ सहर गे कोंइशा दिंदो। मारदे हना गो मेको सहर इ कली गेनन” देंत। मिनु यहोसुमी आ गुइमी बाक्‍शो तरवार ऐ सहर गे कोंइशा दिंताक्‍व।

यहोसु 8:7

गेपुकी इन बाप्‍तीके रे बोक्‍शा ग्रूशा, सहर आंम के सेलीन। मिनु परमप्रभु यावे, इन परमप्रभुमी मेको सहर इन कली गेब।

ब्‍यवस्‍था 3:2

मिनु परमप्रभु यावेमी आं कली ‘मेको आन कली तशा महिनो। मारदे हना गो मेको नु आ मुर नेल्‍ल आन कली इन गुइमी गेता। मेको आ रागी नु आ मुरपुकी इन के दुम्‍त। मिनु गे हेश्‍बोनम बाक्‍शो एमोरी आन पिप सीहोन कली खोदेंशो पा मेको कली यो पने’ देंत।

गन्‍ती 21:34

मिनु परमप्रभु यावेमी मोसा कली “मेको नु महिंनो। मारदे हना गो मेको कली आ मुर नेल्‍ल नु मेको आ रागी यो यो इ कली गेतन। गे हेश्‍बोन ङा एमोरी आन पिप सीहोन कली पाइश्‍शो खोदेंशो पा मेको कली यो पतो” दे माइक्‍तु। भजन संग्रह १३६:१७-२२

ब्‍यवस्‍था 1:7

मुल गे गाक्‍चा गोने। कनानी आन रागी लने। एमोरी आन पहाड नु दिंमम लने। मेको आ नेक्‍था ङा अराबाह माइक्‍तीके यो लने। मेको पहाड बाक्‍ब। मेको शेफेलाह, नेगेब नु समुन्‍द्र आ नेक्‍था ङा कनानी आन रागी बाक्‍ब। गे लेबानोन नु युफ्रेटीस माइश्‍शो ठेयब खोला सम्‍म लने’ देंत।

ब्‍यवस्‍था 1:8

मिनु लेंशा परमप्रभु यावेमी ‘कोव़ङीन, मेको रागी इन ङोंइती बाक्‍ब। मेकेर ओव़शा, मेको रागी आंम के सेलीन। मारदे हना गो मेको रागी इन किकी पिपी अब्राहाम, इसहाक, याकूब नु आन चच युइ आन कली गेनुङ’ दे कसम जाता” देंत। उत्‍पत्ती १२:७; गन्‍ती ११:१४

ब्‍यवस्‍था 2:33

मिनु परमप्रभु यावे, इं परमप्रभुमी मेको कली साइक्‍च, दे इं कली जिम्‍मा गेप्‍तु। मिनु गोपुकीमी मेको कली, मेको आ तौ नु मेको आ मुर नेल्‍ल आन कली साइक्‍तक।

ब्‍यवस्‍था 2:36

अरनोन खोल्‍सा ङा दिंमम बाक्‍ब आरोएर सहर रे गिलाद सम्‍म आंइ ग्राने मचाप्‍चा ङा सहर कान मबाक्‍म। परमप्रभु यावे, इं परमप्रभुमी मेको नेल्‍ल आंइ कली ग्राचा गेप्‍तु। यहोसु १३:९; २सामुएल २४:५

ब्‍यवस्‍था 9:3

परमप्रभु यावे, इन परमप्रभु इन ङोंइङोंइती शोक्‍शा लाइब, दे तुइक्‍चा माल्‍नीनी। मेको नेल्‍ल ग्रु दाक्‍ब मी खोदेंशो बाक्‍ब। मिनु मेको आन कली मी खोदेंशो पा दाक्‍ब। मेकोमी इन कली जिम्‍मा गेब। मिनु परमप्रभु यावेमी देंशो खोदेंशो पा, गे मेको आन कली खेरशा रीब पा साइक्‍नीनी। ब्‍यवस्‍था ४२४

ब्‍यवस्‍था 20:16

तन्‍न परमप्रभु यावे, इन परमप्रभुमी मेको जात जात ङा मुर आन सहर इन कली गेशो सहरम मार मार सेस बाक्‍मे, मेको साइक्‍चा माल्‍नीनी। गन्‍ती २१:१-३; यहोसु १०:४०

यहोसु 24:11

मिनु नोले गेपुकी यर्दन शोक्‍सीशा यरीकोमी जाक्‍तीनी। मिनु यरीको ङा मुरपुकी एमोरी, परिज्‍जी, कनानी, हित्ती, गिरगाशी, हिव्‍वी नु यबुसीपुकीमी गेपुकी नु लडाइ पाम्‍तेक्‍म। तन्‍न गो मेको आन कली इन गुइमी गेता। यहोसु ३:१०; यहोसु ६:१-२१

१ राजा 8:65

मिनु सोलोमन नु मेको नु बुक्‍शा बाक्‍शो इस्राएली लेबो-हमाथ रे इजीप्‍त ङा खोला सम्‍म ङा ठेयब हुल नेल्‍लेमी परमप्रभु यावे, इं परमप्रभु आ ङोंइती मेको नाक्‍त रे ७ नाक्‍त सम्‍म नु अर्को ७ नाक्‍त तेम्‍शा, नेल्‍ल पा १४ नाक्‍त सम्‍म चाड मानेमे बाक्‍त।

१ राजा 11:2

परमप्रभु यावेमी इस्राएली आन कली मेको रागी ङा मुर आन पर्बम “गेपुकीम मेको आन कली ग्‍युंबे पचा मदुम्‍नीनी। मारदे हना मेकोपुकीम थमा पा इन थुं आन देवी देवता आन नोले खोइक्‍पाइक्‍नीम” देंशो बाक्‍माक्‍त। तन्‍न सोलोमनम मेको आन कली दाक्‍तीमी बाक्‍त। प्रस्‍थान ३४:१६

गन्‍ती 34:2

“इस्राएली आन कली ‘गे कनान रागी ओव़नीनु, इन कली योक्‍शा गेशो रागी आ सांद तेको बाक्‍नीम देंशा हना, इजीकीएल ४७:१३-२०; ब्‍यवस्‍था ३२:८

ब्‍यवस्‍था 6:19

मेको नोले परमप्रभु यावेमी देंशो खोदेंशो पा इन जोरी सत्रु नेल्‍ल आन कली इन ङोंइती रे खेरब। प्रस्‍थान २३:२७-२८

यहोसु 2:24

मेको निक्‍शीमी यहोसु कली “थमा पा, परमप्रभु यावेमी मेको रागी नेल्‍ल इं कली गेशो बाक्‍ब। मेको रागी ङा मुर इं कली तशा, शुश हिंशा, ख्रिंख्रि पशो बाक्‍तेक्‍म” देंताक्‍स। यहोसु २:९

यहोसु 9:7

मिनु इस्राएलीपुकीमी मेको हिव्‍वी आन कली “गेपुकी आंइ दातेमी बाक्‍ब मुर बाक्‍नीनी, कों? गोपुकी गेपुकी नु दोपा गारने चाप्‍नीकी ङा?” देंतेक्‍म। यहोसु ११:१९; प्रस्‍थान २३:३२

यहोसु 13:6

मिनु लेबानोन रे मिस्रेपोत-माइम सम्‍म पहाड ङा मुर नेल्‍ल नु सीदोनी आन रागी लीशो बाक्‍नी‍म। गो मेको मुर नेल्‍ल आन कली इस्राएली आन ङोंइती रे ग्रुंइनुङमी। गोम इ कली अरेशो खोदेंशो पा मेको रागी इस्राएली आन कली योक्‍शा गेवो। मेको रागी आंम के सेल्‍चा कली योक्‍शा गेमी।

२ इतिहास 9:26

मेकोमी युफ्रेटीस खोला रे पलिस्‍ती आन रागी नु इजीप्‍त आ सांद सम्‍म सासन पवा बाक्‍त।