प्रस्‍थान 23:26 - Sunuwar Bible

²⁶ इन रागीमी मीश मुरपुकी आल शाम्‍ब नु आल मथीब मदुम्‍नीम। मिनु गेपुकी खाल्‍पी खाल्‍पा दुम्‍चा सम्‍म ब्रोंइनीनी।

प्रस्‍थान 23:26 ပူးပေါင်းရင်းမြစ်များ

उत्पत्ती 25:8

मिनु नोले शुश बर्स ङा खाल्‍पा दुम्‍शा बेक्‍शा, आ किकी पिपी नु लमाक्‍त। उत्‍पत्ती १५:१५

उत्पत्ती 35:29

मिनु इसहाक शुश बर्स ङा खाल्‍पा दुम्‍शा बेक्‍माक्‍त। आ क्‍येङा ङोंइती बेक्‍शो किकी पिपी आन बाक्‍तीक लमाक्‍त। मिनु आ तौ एसाव नु याकूबम मेको कली थिम्‍से बाक्‍त।

१ इतिहास 23:1

मिनु दाऊद खूशो नु शुश बर्स दुम्‍शा, आ तौ सोलोमन कली इस्राएल ङा पिप सेला बाक्‍त। १राजा १:२८-४०

अय्‍युब 21:10

मेको आन बी ब्‍यफ सोशा बोशा दुम्‍नीम। बी नेल्‍ल गिक्‍नीमी, गेनायो मशाम्‍नीम।

अय्‍युब 42:17

मिनु नोले अय्‍युब आ नाक्‍त नेल्‍ल नेक्‍शा, शुश ब्रोंइशा खूशो दुम्‍शा बेक्‍माक्‍त। उत्‍पत्ती २५:८; उत्‍पत्ती ३५:२९; १इतिहास २९:२८

अय्‍युब 5:26

गे खूशो दुम्‍शा बेक्‍नीनी। बाली नाली ओंइची ना खोदेंशो पा, इन नाक्‍त जाक्‍ब।

भजन संग्रह 107:38

मेकोपुकी परमप्रभु आ आसीक तशा, सोशा बोशा दुम्‍‍नीम। मिनु आन बी ब्‍यफ आन कली यो शुश दुम्‍पाइक्‍ब।

भजन संग्रह 144:13

आंइ अन्‍न वोइक्‍तीके शुश खाल ङा अन्‍नमी ब्रीमल। आंइ भेडा हजार हजार दुम्‍मल। आंइ भेडा आंइ रूम लाख लाख दुम्‍मल।

भजन संग्रह 55:23

तन्‍न परमप्रभु, गे मरिम्‍शो पाइब आन कली खतम दुम्‍तीकेमी ताइक्‍नीनी। हुश ख्राक्‍श पोक्‍ब नु जोल पाइब आन ब्रोंइतीक नाक्‍त उइक्‍थ यो मब्रोंइनीम। तन्‍न गो इन कली थमा सुइश्‍शा बाक्‍नुङ। भजन संग्रह १०२:२५

भजन संग्रह 90:10

आंइ ब्रोंइतीके ७० बर्स ला बाक्‍ब। बोल पा ब्रोंइतक हना, ८० बर्स सम्‍म ब्रोंइनीकी। मो हना यो आंइ ब्रोंइतीक नाक्‍ती नेल्‍ल श्‍येत नु मरिम्‍शो दुम्‍तीके ला बाक्‍ब। ब्रोंइतीक नाक्‍ती रीब पा नुप्‍ब। मिनु गो बेक्‍शा लाइनीकी। उपदेसक १:३

यसैया 65:20

का निक्‍शी नाक्‍त ला ब्रोंइब आल मेकेर मबाक्‍नीम। मिनु मेकेर सुइ यो खूशो दुम्‍चा क्‍येङा ङोंइती मबेक्‍नीम। सहे का बर्स ब्रोंइशा बेक्‍ब कली ठिटा देंनीम। मिनु सहे का बर्स मगाप्‍थु, बेक्‍ब मुर कली ‘सराप रशो मुर का बाक्‍त’ देंनीम। जकरिया ८:४

होसे 9:14

परमप्रभु यावे, गे मेको आन कली मार गेनीनी? मेको आन आल शाम्‍सेक्‍ल। मिनु मेको आन दूध सोव़ल।

ब्‍यवस्‍था 28:4

इन आलपुकी, इन बाली नाली, इन बी ब्‍यफ नु इन क्‍यारश भेडा नु गोठ नेल्‍ल आसीक रशा सोशा बोशा लाइनीमी।

ब्‍यवस्‍था 4:40

मुलाक्‍त गो इन कली माइश्‍शो परमप्रभु यावे आ फुल्‍लुम मुशा ब्रेक्‍शो लोव़ नु आ शेंशो टिने। मो पाइतीनी हना, इन आल नु चच आन कली रिम्‍शो दुम्‍ब। मिनु परमप्रभु यावे, इन परमप्रभुमी इन कली गेना हना यो बाक्‍चा कली गेशो रागीम गे शुश नाक्‍ती बाक्‍चा ताइनीनी।

ब्‍यवस्‍था 7:14

गे नेल्‍ल जात जात ङा मुर आन क्‍येङा आसीक राइब दुम्‍नीनी। इन दातेमी सुइ वोंइश मुर नु मीश मुर आल मथीब मबाक्‍नीम। इन बी ब्‍यफ, क्‍यारश भेडा थारा मदुम्‍नीम।