प्रस्‍थान 23:20 - Sunuwar Bible

²⁰ मिनु परमप्रभुमी “नेनीन, गो इन ङोंइती आं स्‍वर्ग ङा गेय पाइब का सोइक्‍नुङ। मेकोमी लांमी इन कली कोव़शा नु आं देंशो बाक्‍तीकेम चोव़दीब। प्रस्‍थान १४:१९

प्रस्‍थान 23:20 ပူးပေါင်းရင်းမြစ်များ

उत्पत्ती 15:18

मेको नाक्‍ती परमप्रभु यावेमी अब्राम नु कबल पशा “मेको रागी इ चच युइ आन कली गेनुङ। मेको इजीप्‍त ङा ठेयब खोला रे युफ्रेटीस सम्‍म बाक्‍ब। उत्‍पत्ती १२:७; १राजा ८:६५; १राजा ५:१

उत्पत्ती 24:40

मेकोमी चहिं ‘गो परमप्रभु यावे आ ङोंइती गाक्‍‍नुङ। मेकोमी आ स्‍वर्ग ङा गेय पाइब गे नु सोइक्‍ब। मेकोमी इ कली वारच पाइब। मिनु आं तौ कली आं मुर आन खिं नु आं आफ आं खिं रे मीश आल का चाक्‍को।

उत्पत्ती 24:7

ङोंइती परमप्रभु यावे, सरीङ नु रागी ङा परमप्रभुम आं कली आं आफ आ खिं नु आं जात ङा रागी रे ग्रुंइशा, एक सोइक्‍ताक्‍यी। मेकोमी कसम जशा, आं कली लोव़ पाप्‍तु ‘कनान रागी इ चच युइ आन कली गेनुङमी’ दे माइक्‍ती। मेकोमी आ स्‍वर्ग ङा गेय पाइब इ ङोंइती सोइक्‍ब। आं तौ कली आं जात रे मीश आल का चाक्‍को। २इतिहास ३६:२३; नेहेम्‍याह २:२०

उत्पत्ती 48:16

आं कली श्‍येत रे प्रोंइब परमप्रभु यावे आ स्‍वर्ग ङा गेय पाइबम एको वोंइश आल आस कली आसीक गेवल। मिनु एको आस पतीके आं नें नु आं किकी पिपी अब्राहाम नु इसहाक आस नें मप्रेंसेक्‍ल। एको निक्‍शी रे पा रागीमी शुश दुम्‍मल” दे आसीक गेम्‍सी बाक्‍त। उत्‍पत्ती ३२:२५-३०; यसैया ४१:१४

भजन संग्रह 91:11

मारदे हना मेकोमी आ स्‍वर्ग ङा गेय पाइब आन कली इ लां नेल्‍लेमी इ कली वारच पपाइक्‍ब। मत्ती ४:६

प्रस्‍थान 14:19

मिनु इस्राएली आन ङोंइती गाक्‍शो परमप्रभु आ स्‍वर्ग ङा गेय पाइब नोले गे लेश्‍शा लशा, इस्राएली आन नोले खोइक्‍तु। मेको आन ङोंइती गाक्‍शो गोस्‍स के थाम यो लेश्‍शा, आन नोले गाक्‍‍त। उत्‍पत्ती १६:७; प्रस्‍थान १३:२१

प्रस्‍थान 15:16

परमप्रभु यावे, इजीप्‍त रागी रे इन ग्रुंइशो मुरपुकी मजाक्‍दीम्‍मा सम्‍म मेको आन जोरी सत्रु इन सक्ति ङा गेय तशा, हिंशा फुल्‍लु खोदेंशो पा सिक्‍सी पा बाक्‍तेक्‍म। मोपा हिंशा मेको आन थुं लुक्‍च लत।

प्रस्‍थान 15:17

गे इन मुर आन कली आन रागी ओंइनीनी। मिनु इन आंम बाक्‍तीक डांडाम बाक्‍पाइक्‍नीनी। परमप्रभु यावे, मेको इन बाक्‍तीके आंमा सेल्‍तीनी। इन आंम बाक्‍तीक खिं गे आंमा सेल्‍तीनी। भजन संग्रह ७८:५४

प्रस्‍थान 23:23

आं स्‍वर्ग ङा गेय पाइब थमा पा इन ङोंइती लाइब। मिनु इन कली एमोरी, हित्ती परिज्‍‍जी, नानी, हिव्‍वी नु यबुसी कनानी आन रागी चोव़दीब। मिनु गो मेको नेल्‍ल आन कली क्‍याम्‍नुङ।

प्रस्‍थान 32:34

तन्‍न मुल लावो। मेको मुर आन कली आं देंशो रागी लाइक्‍मी। नेनो, आं स्‍वर्ग ङा गेय पाइब इ ङोंइङोंइती सोइक्‍नुङ। तन्‍न काबु मेको आन कली पाप पशो आ पर्बम सजाइ गेनुङ” दें‍त। प्रस्‍थान ३३:२,१४; गन्‍ती १४:२७-३०

प्रस्‍थान 33:14

मिनु परमप्रभुमी “गो गे नु लाइनुङ। मिनु इ थुं नाइक्‍चा गेनुङ” दें‍त। यसैया ६३:९; यहोसु २१:४४; हिब्रू ४:९

प्रस्‍थान 33:2

आं स्‍वर्ग ङा गेय पाइब इन ङोंइङोंइती सोइक्‍नुङ। मिनु गो कनानी, एमोरी, हित्ती, परि‍ज्‍जी, हिव्‍वी नु यबुसी आन कली खेरनुङमी। प्रस्‍थान २३:२०

यसैया 63:9

मेको आन श्‍येत तशा, आं सोइश्‍शो मुर ममाइ, परमप्रभु यावे आ स्‍वर्ग ङा गेय पाइब यो ममाइ, परमप्रभुमी मेको आन कली प्रोंइतु। आ दाक्‍तीके नु शिशी पतीकेमी मेको आन कली साइ ङोंइती रे पाप रे प्रोंइशा, मेको आन कली मुप्‍‍शा, कुरशो बाक्‍त। प्रस्‍थान ३३:१४-१५

जकरिया 12:8

मेको नाक्‍ती परमप्रभु यावेमी यरूसलेममी बाक्‍ब मुर आन कली वारच पाइब। मेकेर बाक्‍ब नेल्‍ल क्‍येङा मचाप्‍ब दाऊद खोदेंशो बाक्‍नीम। मिनु दाऊद आ खिं ङा मुर परमप्रभु खोदेंशो बाक्‍नीम। मिनु परमप्रभु यावे आ स्‍वर्ग ङा गेय पाइब मेको आन ङोंइती गाक्‍ब। यसैया ३३:२४

मलाकी 3:1

परमप्रभुमी “नेनीन, गो आं लोव़ पाइब आं ङोंइती सोइक्‍नुङ। मेकोमी आं ङोंइती आं लां सेल्‍चा माल्‍ब। इन माल्‍शो प्रभु रीब पा आ खिंम जाक्‍ब। मेको इन माल्‍शो कबल ङा लोव़ चोक्‍ब बाक्‍ब। गे मेको कली शुश दाक्‍नीनी” दे मुर नेल्‍ल आन परमप्रभु यावेमी देंत। मत्ती ११:१०; मर्कूस १:२; लूका १:१७

गन्‍ती 20:16

मिनु गोपुकीमी परमप्रभु यावे कली पुंइतक। मिनु मेकोमी आंइ पुंइशो नेंशा, आ स्‍वर्ग ङा गेय पाइब का सोइश्‍शा, गो आंइ कली इजीप्‍त रे ग्रुंइशा एक चाक्‍तु। मुल गो इन रागी ङा सांद कादेश देंशो सहरम बाक्‍शो बाक्‍नीकी। प्रस्‍थान २३:२०

गन्‍ती 22:22

मिनु मेको मोपा लतीके परमप्रभु गाइक्‍ताक्‍व। मिनु परमप्रभु यावे आ स्‍वर्ग ङा गेय पाइब कामी मेको कली तेक्‍चा, दे लांम राप्‍शा बाक्‍त। मिनु बालाम आ गधाम ङोइश्‍शा लना लन बाक्‍त। मेको आ गेय पाइब निक्‍शी यो मेको नु गाक्‍शो बाक्‍ताक्‍स। उत्‍पत्ती १६:७

मत्ती 25:34

मिनु पिपमी आ ग्‍युरा गे राप्‍शो आन कली ‘आं आफ आ आसीक तशोपुकी, आं नेक्‍थान जाक्‍कीने। रागी सेल्‍चा ङोंइती एको राज्‍य इन कली सेल्‍शा वोइश्‍शो बाक्‍त। मुल बाक्‍कीने।

यूहन्‍ना 14:3

मिनु इन बाक्‍तीक ठीक पशा, लेंशा जाक्‍शा आं बाक्‍तीक लाइक्‍नन्‍नी। मिनु गो नु काथा बाक्‍नीनी। यूहन्‍ना १२:२६; यूहन्‍ना १७:२४

ब्‍यवस्‍था 33:2

“परमप्रभु यावे सीनै रे जाक्‍शो बाक्‍ब। मेको सेइर रे पा आंइ ङोंइती ग्रूत। मेको पारान डांडा रे पा टल्‍केसाक्‍व। मेको नु लाख लाख आ मुर बाक्‍तेक्‍म। आ ग्‍युरा गे आंम मुर ङा ठेयब हुल बाक्‍तेक्‍म। न्‍यायाधीस ५:४

यहोसु 23:5

परमप्रभु यावे, इन परमप्रभुमी मेको लीशो मुर आन कली इन ङोंइती रे ग्रुंइब। मिनु मेकोमी मेको आन कली इन ङोंइती रे खेरब। मिनु परमप्रभु यावे, इन परमप्रभुमी देंशो खोदेंशो पा, मेको आन रागी इन के सेल्‍नीनी।

यहोसु 5:13

यहोसु यरीको आ नेक्‍था बाक्‍मेनु, मेको आ ङोंइती गुइमी तरवार शेशा मुर का दोक राप्‍शो ताप्‍तु। मिनु यहोसु मेको आ नेक्‍था लशा “गे आंइ मुर ननी देय आंइ जोरी सत्रु आ मुर ननी?” दे हिल्‍लो पाप्‍तु। गन्‍ती २२:२३,३१

यहोसु 5:14

मिनु मेकोमी “ममाइ, गो परमप्रभु यावे आ फौज आन कली चलेब नङ। मोपतीके जाक्‍ती” देंत। मिनु यहोसुमी गु बाप्‍शा सेउ पशा “आं प्रभु, गो इन गेय पाइब नङ। आं कली मार लोव़ पाइनीनी?” दे हिल्‍लो पाप्‍तु।

यहोसु 6:2

मिनु परमप्रभु यावेमी यहोसु कली “गो यरीको, मेकेर ङा पिप नु मेकेर ङा लडाइ पाइब नेल्‍ल इ कली गेता।