प्रस्‍थान 23:13 - Sunuwar Bible

¹³ आं अरेशो नेल्‍ल पने। देवी देवता आन कली मारेइ मपुंइचा आन नें यो मथिचा। यहोसु २३:७; जकरिया १३:२

प्रस्‍थान 23:13 ပူးပေါင်းရင်းမြစ်များ

भजन संग्रह 16:4

मिनु देवी देवता आन नोले खोइक्‍ब आन श्‍येत बारना बारन लाइब। मेको आन तूतीक चढ़ेतीक ङा हुश गेनायो मचढ़ेनुङ। मेको आन नें यो मथीनुङ।

भजन संग्रह 39:1

मिनु गो “गो आं गेय नेल्‍ल होस पा पाइक्‍नुङ। गो लोव़ पचा यो होस पा पाइक्‍नुङ। मरिम्‍शो पाइबपुकी आं नेक्‍था बाक्‍तेक्‍म हना, गो सिक्‍सी पा बाक्‍नुङ” देंती।

प्रस्‍थान 23:24

गेपुकी मेको आन खोदेंशो मपने। मेको आन देवी देवता आन ङोंइती बाप्‍शा सेउ मपने। मेको आन कली गेय मपने। तन्‍न मेको आन मूर्ति जिक्‍शा प्रोल्‍शा ताइक्‍तीन। प्रस्‍थान २०:५; ब्‍यवस्‍था १२:३०; लेवी १८:३

प्रस्‍थान 23:32

गे मेकोपुकी नु मेको आन देवी देवता नु कबल मपमुने। प्रस्‍थान ३४:१२

येरमीया 10:11

गे मेको आन कली “मेको सरीङ नु रागी मसेल्‍ब देवी देवता रागी नु सरीङ आगा रे क्‍याम्‍चा पुंइसीनीम।

होसे 2:17

गो बाल देवता आन नें यो मेको आ शोव़ रे ग्रुंइ‍नुङ। मिनु लेंशा मेकोमी मेको आन नें गेनायो मथोइब।

जकरिया 13:2

मुर नेल्‍ल आन परमप्रभु यावेमी मार देंत देंशा हना मेको नाक्‍ती “गो रागी रे मूर्ति आन नें क्‍याम्‍‍नुङ। मिनु सुइमी मेको आन कली ममिम्‍नीम। मिनु गो मेको रागी रे जोल पा नोले दुम्‍ब लोव़ पाइब नु ग्रांग्रा दिशो वोल आन कली ग्रुंइशा खेरनुङ। मीका ५:१२; येरमीया २९:८-९

गन्‍ती 32:38

नेबो, बाल-मेओन नु सिब्‍मा लेंशा सेल्‍तेक्‍म। मिनु मेकोपुकीमी आन लेंशा सेल्‍शो सहर कली नक नें वोइक्‍तेक्‍म।

एफिसी 5:12

मिनु मेको आन ख्रुइश्‍शा पशो आ पर्बम लोव़ पचा यो मुने बाक्‍ब। रोमी १:२४

एफिसी 5:15

मोपतीके होस पा बाक्‍कीन। मतुइक्‍ब ममाइ, तुइक्‍ब मुर दुम्‍शा बाक्‍कीन। मत्ती १०:१६; कलस्‍सी ४:५

ब्‍यवस्‍था 12:3

गे मेको आन चढ़ेतीक प्रेत्‍चा माल्‍नीनी। मेको आन लाइश्‍शो मूर्तिपुकी जिक्‍चा माल्‍नीनी नु मेको आन मूर्ति मीम हुम्‍चा माल्‍नीनी। मिनु मेको शी के सेल्‍शो मूर्तिपुकी खोल्‍शा बिग्रेचा माल्‍नीनी। मिनु आन नें क्‍याम्‍चा माल्‍नीनी।

ब्‍यवस्‍था 4:15

मिनु परमप्रभु यावेमी इन कली होरेब डांडाम मी रे लोव़ पवानु, गे मारेइ मतनी।

ब्‍यवस्‍था 4:23

मिनु परमप्रभु यावे, इन परमप्रभुमी गे नु पशो कबल मप्रेक्‍थु, होस पा बाक्‍कीन। गे मप्रेंथु परमप्रभु यावे, इन परमप्रभुमी देंशो टिशा मारेइ के मूर्ति मसेलीन।

ब्‍यवस्‍था 4:9

इन आंम तशो इन थुंम वोइश्‍शा, मप्रेंथु, होस पा बाक्‍कीन। गे ब्रोंइनी सम्‍म इन थुंम वोतीन। इन आल नु चच युइ आन आन कली शेंदीन। भजन संग्रह १०३:२

ब्‍यवस्‍था 6:1

मिनु मोसामी “परमप्रभु यावेमी इन कली माइश्‍शो फुल्‍लुम मुशा ब्रेक्‍शो लोव़ नु निसाफ पतीक लोव़ बाक्‍ब। मिनु गो इन कली शेंचा माल्‍नुङ, दे आं कली माइक्‍ती। गेपुकी मुल इन लशा, इन के सेल्‍चा चिक्‍शो रागीम बाक्‍नीनु, मेको पचा माल्‍नीनी।

१ तिमोथी 4:16

आंम कली नु इ शेंतीके कली रिम्‍शो पा होस पावो। मोदेंशो पा, गे आंम इ कली नु इ लोव़ नेंब आन कली श्‍येत रे प्रोंइनेवे। रोमी ११:१४

हिब्रू 12:15

अर्ती गेमुशा वारच पमुशा बाक्‍कीने। सुइ परमप्रभु यावे आ शिशी मताइब मदुम्‍ल। सुइमी थुं चोशा दुशा बाक्‍ब आन कली फ्राशा, मुर आन कली मरिम्‍शो मसेलल। ब्‍यवस्‍था २९:१७

यहोसु 22:5

मुल गे परमप्रभु यावे आ गेय पाइब मोसामी अरेशो लोव़ होस पा पने। परमप्रभु यावे, इन परमप्रभु कली दाक्‍तीन। मेको आ लां गाक्‍कीन। आ अरेशो लोव़ टिने। मेको कली मप्रोनीन। गे इन थुं नेल्‍लेमी परमप्रभु यावे आ गेय पने” देंत। ब्‍यवस्‍था १०:१२

यहोसु 23:11

मोपतीके गे परमप्रभु यावे, इन परमप्रभु कली दाक्‍तीन। मिनु होस पने।

यहोसु 23:7

गे इन दातेमी बाक्‍शो अर्को रागी ङा मुरपुकी नु मब्‍वांइसीन। मेको आन देवता आन नें मथिने। मेको आन नेंमी कसम मजने। मेको आन कली पूजा मपने। मिनु मेको आन ङोंइती बाप्‍शा सेउ मपने। प्रस्‍थान २३:१३-२४