प्रस्‍थान 22:9 - Sunuwar Bible

⁹ मिनु बी ब्‍यफ, गधा, भेडा नु वासी मार मार वोइक्‍बमी नु वोइक्‍चा गेब, निम्‍फामी ‘आं के बाक्‍ब’ देंताक्‍स हना, मेको निक्‍शी परमप्रभु आ ङोंइती जाक्‍चा माल्‍नीस। परमप्रभुमी सुम खुइ सुइक्‍बा, मेकोमी का ङा निक्‍शी थाप्‍चा माल्‍ब।

प्रस्‍थान 22:9 ပူးပေါင်းရင်းမြစ်များ

उत्पत्ती 31:39

जन्‍तुमी साइश्‍शो यो इन कली मचाक्‍गु। गो आंमा थाप्‍ताक्‍ङ। नाक्‍दो, नाक्‍ती जन्‍तुमी साइक्‍‍तेक्‍म हना यो, गे आं कली थाप्‍पाइक्‍तीनी। प्रस्‍थान २२:११-१२

१ राजा 8:31

सुइ मुरुमी आ नेक्‍था ङा मुर आन पर्बम मरिम्‍शो पा कसम जपाइक्‍तु हना, मेकोम मेको कसम एको इन खिं ङा चढ़ेतीक आ ङोंइती जाप्‍तु हना,

२ इतिहास 19:10

मिनु अरु सहर ङा आइक्‍च निसाफ पाइब इन लोक्‍ब, इन बाक्‍तीक सहरम इन कली हिल्‍लो पचा कली जाक्‍नीमी। मार बाक्‍त हना यो, मुर साइश्‍शो आ पर्बम बाक्‍त हना यो, परमप्रभु यावे आ अरेशो लोव़ आ पर्बम बाक्‍त हना यो, शेंतीक लोव़ आ पर्बम बाक्‍त हना यो, फुल्‍लुम मुशा ब्रेक्‍शो लोव़ नु निसाफ पतीक लोव़ बाक्‍त हना यो, गे मेको आन कली शेंचा माल्‍नीनी। मोपा मेकोपुकीमी दूली मपथु, परमप्रभु यावे आ ङोंइती पाप मपाइनीम। मेकोपुकीम मरिम्‍शो पाम्‍तेक्‍म हना, परमप्रभु इन पर्बम नु इन लोक्‍ब, आइक्‍च निसाफ पाइब आन पर्बम गाइक्‍ब। पाप मपथु, रिम्‍शो शेंदीने।

प्रस्‍थान 22:10

मिनु सुइमी आ नेक्‍था ङा मुर कली गधा, ब्‍यफ, भेडा नु अरु बस्‍तु भाव वोइक्‍चा कली गेप्‍तु हना, मेको बस्‍तु भाव बेक्‍तेक्‍म हना, तुप्‍शा बिग्रेम्‍तेक्‍म हना, सुइम मतचा ङा पा मुरुम खुइ पा लाइश्‍शो बाक्‍तेक्‍म हना, १राजा ८:३१-३२

प्रस्‍थान 22:28

परमप्रभु आ पर्बम मरिम्‍शो लोव़ मपचा। इन कली सासन पाइब कली सराप मपचा। लेवी २४:१४-१६; प्रेरित २३:५

प्रस्‍थान 22:4

मेको खुइ आ खुइ पशो ब्‍यफ, गधा, भेडा आ बाक्‍तीकेम सेल थित्‍तेक्‍म हना, मार बाक्‍त हना यो का के निक्‍शी थाप्‍पाइक्‍चा माल्‍ब।

लेवी 6:5

तेको थोव़क आ पर्बम जोल पा कसम जशो बाक्‍मे, मेकोमी मेको थोव़क नेल्‍लेमी ५ भाग तेम्‍शा, आ होव़प कली लेश्‍शा गेचा माल्‍ब। मेकोमी दोस आ पर्बम चढ़ेतीक नाक्‍ती मेको सु के बाक्‍मे मेको आ नेक्‍था ङा मुर कली लेश्‍शा गेचा माल्‍ब।

मत्ती 18:15

इ लोक्‍बमी इ कली मरिम्‍शो पाप्‍तु हना, गे निक्‍शी बाक्‍सीनु, एको ओदेंशो मरिम्‍शो पाप्‍तीवी, दे तुइक्‍पतो। इ लोव़ बीसाक्‍व हना, मेको कली आम के सेल्‍नेवे। लेवी १९:१७; लूका १७:३; गलाती ६:१

मत्ती 18:35

मोपतीके होस पांइसीने। मारदे हना इन लोक्‍ब कली इन थुं गा रे पा माफ मगेतीनी हना, स्‍वर्गम बाक्‍ब आं आफोमी यो इन कली मोदेंशोन पाइब” दे शेंताक्‍मी। मत्ती ६:१४-१५; याकूब २:१३

ब्‍यवस्‍था 25:1

मिनु मोसामी “वोंइश मुर निक्‍शी जिम्‍ताक्‍स हना, मुददा कोम्‍मुइनीस। मिनु निसाफ पाइबमी का कली रिम्‍शो नु का कली मरिम्‍शो देंब। प्रस्‍थान २३:७