प्रस्‍थान 22:28 - Sunuwar Bible

²⁸ परमप्रभु आ पर्बम मरिम्‍शो लोव़ मपचा। इन कली सासन पाइब कली सराप मपचा। लेवी २४:१४-१६; प्रेरित २३:५

प्रस्‍थान 22:28 ပူးပေါင်းရင်းမြစ်များ

२ सामुएल 16:5

मिनु पिप दाऊद बाहुरीम सहरम जाक्‍माक्‍त। मिनु मेकेर सावल आ खिं ङा मुर का, गेरा आ तौ शिमेइ ग्रूशा दाऊद कली सराप चीले पना पन पिमाक्‍त।

२ सामुएल 16:9

मिनु सेरूयाह आ तौ अबीशैमी पिप कली “मारदे मेरे बेक्‍शो कुचुममी आं प्रभु, पिप इन कली सराप पवा? गो आइक्‍ची हांबु लशा मेरे आ पिया ख्रोइक्‍नुङ” देंमाक्‍त। १सामुएल २६:८

२ सामुएल 19:21

मिनु सेरूयाह आ तौ अबीशैमी “परमप्रभु यावे आ तेल लुक्‍शो कली सराप पतीके शिमेइ साइक्‍चा मपुंइसीबा ङा?” देंमाक्‍त।

१ राजा 21:10

मिनु मरिम्‍शो पाइब मुर निक्‍शी आस कली मेको आ ङोंइती निप्‍पाइश्‍शा, एकोम ‘परमप्रभु नु पिप कली सराप पशो बाक्‍ब’ दे दोस गेपतीन। मिनु मेको नोले मेको कली लाङगा ग्रुंइशा फुल्‍लु आप्‍शा सतीन” दे ब्रेक्‍ता बाक्‍त। ब्‍यवस्‍था १७:६; मत्ती २६:५९-६१; प्रस्‍थान २२:२७

भजन संग्रह 138:1

परमप्रभु, गो आं थुं नेल्‍लेमी इन कली ठेयब सेल्‍नुङ। गो देवी देवता आन ङोंइती इन कली ला ठेयब सेल्‍तीक कुम्‍सो पाइनुङ।

भजन संग्रह 32:6

मोपतीके इन कली टीब मुर नेल्‍लेम श्‍येत जशा, इन कली लोव़ पाइनीम। मिनु ब्‍वाक्‍कु बारशा जाक्‍त हना यो, मेको आन बाक्‍तीके मजाक्‍दीप्‍ब।

प्रस्‍थान 13:12

गे इन ङोंइती जरमेशो तौ नु इन बी ब्‍यफ, क्‍यारश भेडा आन ङोंइती जरमेशो परमप्रभु यावे कली गेचा माल्‍नीनी। ङोंइती जरमेशो बोहोर बोका परमप्रभु यावे केन नम।

प्रस्‍थान 13:2

“इस्राएलीपुकी, इन ङोंइती जरमेशो तौ नु इन बी ब्‍यफ, क्‍यारश भेडा आन ङोंइती जरमेशो बोहोर बोका योव़शा गेयीनी। मारदे हना मेको आं के बाक्‍नीम, दे मुर आन कली देंचा माल्‍ब” देंत। प्रस्‍थान १३:१२,१३; प्रस्‍थान २२:२८

प्रस्‍थान 21:17

सुमी आ आम आफ आस कली सराप पाइबा, मेको थमा पा साइक्‍चा पुंइसीब।

प्रस्‍थान 23:16

मिनु इन रूम ख्रुम्‍शो ङोंइती ङा मीशो मारेइ मारेइ ङा चाड मानेचा माल्‍नीनी। बर्स नुप्‍ची ना नेल्‍ल रिक्‍शा, खुप्‍शा, ओंइने थुम्‍शो ङा चाड मानेचा माल्‍नीनी। प्रस्‍थान ३४:२२

प्रस्‍थान 23:19

मिनु इन रू ङा ङोंइती मीशो नेल्‍ल क्‍येङा रिम्‍शो फल फुल नु अन्‍न परमप्रभु यावे, इन परमप्रभु आ बाक्‍तीकेम चाक्‍चा माल्‍नीनी। गेपुकीमी पाठा कली आ ममा आ दूधम लोप्‍शा मक्‍येने, देनो” दे परमप्रभु मोसा कली देंत। उत्‍पत्ती ४:४; ब्‍यवस्‍था २६:१-११; नेहेन्‍याह १०:३६; ब्‍यवस्‍था १४:२१

उपदेसक 10:20

इ मिम्‍तीकेमी यो पिप कली सराप मपावो। शोंप पाइश्‍शो मुर कली इ कोठाम सराप मपावो। मारदे हना सरीङ ङा चिक्‍बीम इ लोव़ लद। मिनु बेरशो चिक्‍बीम इ लोव़ शेंद।

लेवी 24:11

मिनु मेको इस्राएली ममा आ तौमी परमप्रभु यावे आ नें थिशा, सराप पवा बाक्‍त। मिनु मुरपुकीमी मेको कली मोसा आ बाक्‍तीकेम चाक्‍गमे बाक्‍त। मेको आ ममा आ नें शेलोमीथ बाक्‍माक्‍त। मिनु मेको दान आ थर ङा दिब्री आ तमी बाक्‍माक्‍त।

लेवी 24:15

मिनु गे इस्राएली आन कली ‘सुम आ परमप्रभु कली सराप पाइबा, मेको आ पाप राइब।

लेवी 24:16

परमप्रभु यावे आ नें आ पर्बम मरिम्‍शो लोव़ पाइब साइक्‍चा पुंइसीब। इस्राएल ङा मुर बाक्‍त हना यो, अर्को रागी ङा मुर बाक्‍त हना यो, सुम परमप्रभु यावे आ नें आ पर्बम मरिम्‍शो लोव़ पाइबा, मेको साइक्‍चा पुंइसीब। प्रस्‍थान २०:७; मत्ती २६:६५-६६

प्रेरित 23:3

मिनु पावलमी “परमप्रभु यावेमी इ कली कका इ शोव़ रोप्‍तेक्‍ल। ब्रेत्‍चशो गारोमी, बुलु ब्रुइश्‍शा, बुबु पा तांइसीशो खोदेंशो नवे। अरेशो लोव़मी दोदेंशो पा ब्रेक्‍शो बाक्‍मे, मोदेंशो पा आं कली निसाफ पचा माल्‍शो नवे। गे अरेशो लोव़ क्‍येङा दूली पा आं कली तुप्‍चा माल्‍ब, देंते” देंमाक्‍त। मत्ती २३:२७

प्रेरित 23:5

पावलमी “मेको मोदेंशो ठेयब चढ़ेब, दे मतुइक्‍तु, आं लोक्‍बपुकी। तुइश्‍शो नङ हना, मोदेंशो लोव़ मदेंङ वा। मारदे हना परमप्रभु यावे आ ब्रेक्‍पाइश्‍शो लोव़मी ‘इन कली अधिकार पचा, दे वोइश्‍शो आन कली मरिम्‍शो लोव़ मपचा’ दे ब्रेक्‍शो बाक्‍ब” देंमाक्‍त। प्रस्‍थान २२:२८

१ पत्रुस 2:17

मुर नेल्‍ल आन कली मान पने। थमा सुइक्‍ब आन कली दाक्‍तीने। परमप्रभु यावे कली मान पा हिनीन, पिप कली मान पने। रोमी १२:१०; हितोपदेस २४:२१

२ पत्रुस 2:10

मिनु सु सु आन दला दाक्‍स नु ग्रांग्रा दिचा ङा गेय पाइनीमी नु अधिकार गेशो आन कली मटीनीमी, मेकोपुकीमी नेल्‍ल क्‍येङा शुश सजाइ ताइनीम। मोदेंशो जोल पा शेंब काइ महिंब दुम्‍शा, ठेयब लेश्‍शा, थमा सुइक्‍ब आन कली शुक्‍शी पचा महिंनीम।

यहूदा 1:8

मोदेंशो तुइश्‍शा यो मेको थमा सुइक्‍नीकी देंखु पाइबपुकीमी आंम मिम्‍तीके पशा, आंम रां कली ग्रांग्रा दिचा ङा सेल्‍तेक्‍म। मिनु अधिकार पाइब आन कली मटिथु, स्‍वर्गम बाक्‍ब आन पर्बम शुक्‍शी पाइनीम।

१ सामुएल 24:10

मुलाक्‍त गेन तुइक्‍ताक्‍नी। मुलाक्‍त पुक्‍खी आगाम परमप्रभु यावेमी इन कली आं गुइम गेशो बाक्‍त। का निक्‍शीम ‘इन कली साइक्‍चा’ थुं पाम्‍तेक्‍म। तन्‍न गो इन कली प्रोंइशा सोइक्‍ताक्‍ङ। मिनु गो ‘आं प्रभु, इन कली मसाइक्‍नुङ। मारदे हना मेको परमप्रभु यावे आ तेल लुक्‍शो मुर बाक्‍ब’ देंती।

१ सामुएल 24:6

मिनु दाऊदम आ मुर आन कली “गो आं ठेयब मुर, परमप्रभु यावेम तेल लुक्‍शो मुर कली मारेइ मपाइ‍नुङ। गो मेको कली मसाइक्‍नुङ। मारदे हना मेको परमप्रभु यावे आ तेल लुक्‍शो मुर बाक्‍ब” देंमाक्‍त।

१ सामुएल 26:9

तन्‍न दाऊदमी अबीशै कली “पिप कली साइक्‍चा ममिम्‍तो। परमप्रभु यावे आ तेल लुक्‍शो कली साइक्‍बपुकी सु चहिं सजाइ मतशो बाक्‍बा ङा?” देंमाक्‍त।