प्रस्‍थान 22:18 - Sunuwar Bible

¹⁸ टुना मुना पाइब कली ब्रोंइचा मगेचा। लेवी २०:६,२७; लेवी १९:३१; ब्‍यवस्‍था १८:१०; १सामुएल २९:९; मलाकी ३:५

प्रस्‍थान 22:18 ပူးပေါင်းရင်းမြစ်များ

यसैया 19:3

मिनु इजीप्‍त ङा मुर आन थुं लुक्‍च लाइब। गो मेको आन मिम्‍शो खतम सेल्‍नुङ। मिनु मेकोपुकीमी आन मूर्ति नु बेक्‍शो मुर आन सल्‍ला नेंचा माल्‍नीम।

येरमीया 27:10

मारदे हना मेकोपुकीमी इन कली देंशो नोले दुम्‍ब लोव़ जोल बाक्‍ब। मेको लोव़ पतीके इन रागी रे ङोन खेरचा पुंइसीनीनी। गो इन कली खेरनुङ। मिनु गेपुकी बेक्‍नीनी।

येरमीया 27:9

मोपतीके गेपुकी ‘बेबीलोन ङा पिप आ वाइल दुम्‍चा माल्‍नीनी’ देंब, इन नोले दुम्‍ब लोव़ पाइबपुकी, लिंक्‍यु कोव़बपुकी, ङोमु ङा लोव़ शेंबपुकी, टुना मुना नु मन्‍तर तन्‍तर पाइक्‍ब आन लोव़ मनेनीन। येरमीया १४:१३-१४

लेवी 18:23

गे बस्‍तु भाव नु इप्‍शा, आंम कली ग्रांग्रा मसेलो। मीश मुर यो बस्‍तु भाव नु इप्‍चा मदुम्‍ब। मेको थम मरिम्‍शो दूली गेय बाक्‍ब। प्रस्‍थान २२:१८; लेवी २०:१६

लेवी 19:26

गेपुकीमी तेकोइ चिक्‍ब, जन्‍तु, बी बयफ, क्‍यारश भडा आन श्‍ये हुश सुन्‍दा मब्‍वने। मिनु गेपुकी लिंक्‍यु मकोव़ङीन। मिनु गे टुना मुना काइ मपने। लेवी ३:१७; ब्‍यवस्‍था १८:१०

लेवी 19:31

गेपुकी बेक्‍शो मुर रे लोव़ पाइब नु लिंक्‍यु कोव़ब कली ‘वारच पाइक्‍की’ दे आन बाक्‍तीके मलने। मेकोपुकी नु सल्‍ला पा, गे आंम कली ग्रांग्रा दिशो मसेल्‍सीन। गो परमप्रभु यावे, इन परमप्रभु नङ। लेवी २०:६; ब्‍यवस्‍था १८:१०-११; १सामुएल २८:७

लेवी 20:27

सु इन दातेमी वोंइश मुर कि मीश मुर बेक्‍शो मुर रे लोव़ पाइबा कि लिंक्‍यु कोव़नीम, मेको आन कली साइक्‍चा माल्‍ब। मेको आन कली फुल्‍लु आप्‍शा साइक्‍चा माल्‍ब। मेको साइक्‍चा पुंइसीनीम’ दे इस्राएली आन कली शेंदो” दे परमप्रभु यावेमी मोसा कली देंत। प्रस्‍थान २२:१७

लेवी 20:6

सु मुर बेक्‍शो मुर रे लोव़ पाइब नु लिंक्‍यु कोव़ब आन कली “वारच पयी” दे आन बाक्‍तीके लाइबा, गो मेको कली ब्रोंइचा मगेथु, आ मुर आन दाते रे क्‍याम्‍नुङ। लेवी १९:३१

प्रेरित 19:19

मिनु शुश मन्‍तर तन्‍तर पाइब आन मन्‍तर तन्‍तर ङा किताब चाक्‍शा, मेको मुर आन ङोंइती चोव़मे बाक्‍त। मेको किताब कली ५० हजार चांदी के द्राकमे थाप्‍शो बाक्‍माक्‍त। द्राकमे का देनार यो देंशो बाक्‍त। मेको नाक्‍त का ङा गाल्‍च चांदी के क्‍येट बाक्‍ब।

गलाती 5:20

मूर्ति पूजा पाइनीमी, मन्‍तर तन्‍तर पाइ‍नीमी, जिचा पोक्‍नीमी, थुं खाइक्‍पाइक्‍नीमी, रुश पाइनीमी, शुश चुरनीमी, आंम कली ला मिम्‍नीमी, गाइश्‍शा बाक्‍नीमी, दुशा गारशा बाक्‍ब आन कली फ्रानीमी,

ब्‍यवस्‍था 27:21

मिनु “सु मुरुमी बी ब्‍यफ, क्‍यारश भेडा नु इप्‍ब, मेको मुर सराप राइब” देंतेक्‍म। मिनु मुर नेल्‍लेमी “आमेन, मोदेंशो दुम्‍ल” देंचा माल्‍नीम। लेवी २२:१८

प्रकाश 22:15

सु सुमी चहिं टुना मुना पाइनीमी, तेल्‍लेम पाइनीमी, मुर साइक्‍नीमी, मूर्ति नु फुल्‍लु कली सेउ पाइनीमी। जोल पना पन बाक्‍नीमी। मेको कुचुम खोदेंशो पा सहर रे लाङगा बाक्‍नीमी” देंत। प्रकाश २१:८,२७; १कोरिन्‍थी ६:९-१०

१ सामुएल 28:3

सामुएल बेक्‍ने थुम्‍शो बाक्‍माक्‍त। मिनु इस्राएली नेल्‍लेमी मेको आ पर्बम रोंका पा मेको कली मेको आ सहर रामाहम थिम्‍शो बाक्‍मा बाक्‍त। सावलमी बेक्‍शो मुर रे लोव़ पाइब नु लिंक्‍यु कोव़ब आन कली मेको रागी रे ग्रुंइने थुम्‍शो बाक्‍माक्‍त। १सामुएल २५:१; प्रस्‍थान २२:१७

१ सामुएल 28:9

मेको मीश मुरुम मेको कली “सावलम मार पवा मेको गे तुइक्‍नीनी। मेकोमी बेक्‍शो मुर नु लोव़ पाइब नु लिंक्‍यु कोव़ब नेल्‍ल कली रागी रे ग्रुंइशा खेरतु। मिनु गे मारदे आं कली साइक्पाइक्‍चा कली ओदेंशो गेय पपाइक्‍चा माल्‍नीनी?” देंमाक्‍त।