प्रस्‍थान 22:1 - Sunuwar Bible

¹ सुइमी ब्‍यफ, भेडा खुइ पशा, क्‍योरशा ब्‍वाप्‍तु हना यो, लेयतु हना यो, मेको मुरुमी ब्‍यफ का के ५ ओटा ब्‍यफ थाप्‍चा माल्‍ब। भेडा का के ४ ओटा भेडा थाप्‍चा माल्‍ब। २सामुएल १२:६; हितोपदेस ६:३१; लूका १९:८

प्रस्‍थान 22:1 ပူးပေါင်းရင်းမြစ်များ

२ सामुएल 12:6

मेकोम मोपा शिशी मकोंइतीके मेको पाठी का के ४ ओटा पाठी गेचा माल्‍ब” देंमाक्‍त। प्रस्‍थान २१:३७

प्रस्‍थान 21:36

तन्‍न मेको ब्‍यफ ङोंइती रे ख्रुइ‍ब बाक्‍ब, दे तुइश्‍शा यो, आ होव़पमी मेको ब्‍यफ कली रिम्‍शो पा मवोइक्‍तु हना, मेको बेक्‍शो ब्‍यफ कली थमा पा थाप्‍चा माल्‍ब। मिनु बेक्‍शो ब्‍यफ मेको के दुम्‍ब” देनो।

हितोपदेस 14:4

ब्‍यफ मबाक्‍त हना, अन्‍न वोइक्‍तीके श्‍येत्‍थ बाक्‍ब। तन्‍न बोल्‍यो ब्‍यफ पाइश्‍शो मुर के शुश अन्‍न बाक्‍ब।

हितोपदेस 6:31

तन्‍न मेको ग्‍याइक्‍चा पुंइसाक्‍व हना, आ खुइ पशो ७ खेयप तेम्‍शा थाप्‍चा माल्‍ब। मेकोमी आ खिं आ शोंप नेल्‍ल थाप्‍चा माल्‍ब। प्रस्‍थान २१:३७

येरमीया 2:34

इ फेक्‍शो वाम दोस मताइब नु प्रुङग आन हुश लुम्‍सीशो बाक्‍ब। मिनु गेमी मेको आन कली खिं प्रोल्‍शा खिं ओव़शो मथिदी। मेको मोदेंशो नेल्‍ल दुम्‍ना दुम्‍न यो, येरमीया २६:२०-२३; प्रस्‍थान २३:७

इजीकीएल 33:15

मिनु मेकोम आ जाकटी वोइश्‍शो थोव़क लेत्‍ताक्‍‍व हना, आ रोइश्‍शो थोव़क लेश्‍शा गेप्‍तु हना, ब्रोंइचा कली आं फुल्‍लुम मुशा ब्रेक्‍शो लोव़ पशा, मरिम्‍शो मपाप्‍तु हना, मेको थमा पा ब्रोंइब। मेको मबेक्‍ब। ब्‍यवस्‍था २४:१०-१३; इजीकीएल १८:७; लूका १९:८

गन्‍ती 5:7

मिनु मेकोमी आ मरिम्‍शो पशो शोव़चा माल्‍ब। मिनु मेको मुरुमी आ खुइ पशो नेल्‍ल लेश्‍शा गेशा, मेको क्‍येङा यो ५ भाग तेम्‍शा गेचा माल्‍ब।

लूका 19:8

मिनु जक्‍कैमी प्रभु कली खिंम ओंइशा “हे प्रभु, आं शोंप क्‍येट नेल्‍ल उइक्‍थ पा योक्‍शा, मथीब आन कली गेनुङमी। सु सु कली हिम हिम पा मार मार ताक्‍गु, मेको आन कली ४ खेयप तेम्‍शा लेश्‍शा गेनुङमी” देंमाक्‍त। प्रस्‍थान २१:३७; इजीकीएल ३३:१४-१६