प्रस्‍थान 21:20 - Sunuwar Bible

²⁰ मिनु सुइमी आ वाइलीम वाइल कली कोक्‍केमी तुप्‍तु हना, तुबानु बेक्‍त हना, मेको मुर थमा पा सजाइ ताइब।

प्रस्‍थान 21:20 ပူးပေါင်းရင်းမြစ်များ

उत्पत्ती 4:15

मिनु परमप्रभु यावेमी “ममाइ, सुइमी इ कली साइक्‍तेमी हना, इ तशो सराप मेको कली ७ खेयप रचा माल्‍ब” देंमाक्‍त। मिनु परमप्रभु यावेमी “काइन कली सुइमी मसदमेक्‍ल” दे आ रांम चिनु वोदा बाक्‍त। इजीकीएल ९:६; प्रकाश ७:३-४

उत्पत्ती 4:24

काइन साइक्‍ब ७ खेयप क्‍येक्‍क लेत्‍चा पुंइसीब हना, लमेक साइक्‍ब ७७ खेयप क्‍येक्‍क लेत्‍चा पुंइसीब” देंमाक्‍त। उत्‍पत्ती ४:१५; लेवी १९:१८; ब्‍यवस्‍था ३२:३५; मत्ती १८:२२

उत्पत्ती 9:6

सु सुमी मुर साइश्‍शा हुश जारबा, मेको यो मोपान साइश्‍शा, हुश जारचा पुंइसीब। मारदे हना गो मुर कली आं खोदेंशो पा सेल्‍ता। प्रस्‍थान २१:१२; लेवी २४:१७; गन्‍ती ३५:३३; मत्ती २६:५२; रोमी १३:४; प्रकाश १३:१०

प्रस्‍थान 21:19

बोक्‍मेनु, कोक्‍के तिक्‍शा, गाक्‍ने चाप्‍ब दुम्‍त हना, मेको तुप्‍बमी मेको तुप्‍चा पुंइसीब नु गारचा माल्‍ब। तुप्‍चा पुंइसीब आ गेय मपशो ङा ला थाप्‍चा ममाइ, मेको कली ठीक पा मसाम सम्‍म थाप्‍चा माल्‍ब।

प्रस्‍थान 21:21

तन्‍न मेको तुप्‍चा पुंइसीशो मुर का निक्‍शी नाक्‍त सम्‍म ब्रोंइत हना, मेको तुप्‍ब मुर सजाइ गेचा मपुंइसीब। मारदे हना आंम आ क्‍येटीम ग्‍याप्‍शो बाक्‍ब।

हितोपदेस 29:19

इ गेय पाइब कली लोव़म ला शेंने मचाप्‍नेवे। मारदे हना मेकोमी इ लोव़ रुप्‍तु हना यो मटीब।

गन्‍ती 35:19

मेको क्‍येक्‍क लेप्‍बमी मेको मुर साइक्‍ब कली साइक्‍चा माल्‍ब। मेको कली ग्रुमानुन, मेको कली साइक्‍चा माल्‍ब।

रोमी 13:4

मुर आन कली रिम्‍शो पपाइक्‍चा कली परमप्रभु यावेमी सरकार वोइक्‍तु। गे मरिम्‍शो पाइतीनी हना, सरकार क्‍येङा हिनीन। मारदे हना सरकारमी सजाइ गेचा कली परमप्रभु यावे रे अधिकार तशो बाक्‍ब। मिनु मरिम्‍शो पाइब आन कली सजाइ गेब। २इतिहास १९:६-७

ब्‍यवस्‍था 19:21

मिनु गेपुकीमी शिशी मपने। साइक्‍ब कली साइक्‍चा माल्‍ब। मिक्‍च पुक्‍ब कली आ मिक्‍च पुक्‍चा माल्‍ब। ख्रुइ जिक्‍ब कली आ ख्रुइ जिक्‍चा माल्‍ब। गुइ खोइल जिक्‍ब कली आ गुइ खोइल जिक्‍चा प्रस्‍थान २१:२३-२५