प्रस्‍थान 21:1 - Sunuwar Bible

¹ मिनु परमप्रभुमी लेंशा “मेको निसाफ पतीक लोव़ मुर आन कली शेंचा माल्‍नेवे।

प्रस्‍थान 21:1 ပူးပေါင်းရင်းမြစ်များ

१ राजा 6:12

मार लोव़ पवा बाक्‍त देंशा हना “एको इ सेल्‍शो खिं आ पर्बम लोव़ पाइनुङ। गे आं फुल्‍लुम मुशा ब्रेक्‍शो लोव़ पाप्‍तीवी हना, आं देंशो पतीक लोव़ नु आं शेंशो नेल्‍ल पशा, आं लांम गाक्‍ते हना, इ आफ दाऊद नु थोक्‍शा पशो कबल गे नु पाइनुङ। २सामुएल ७:१३

२ इतिहास 19:10

मिनु अरु सहर ङा आइक्‍च निसाफ पाइब इन लोक्‍ब, इन बाक्‍तीक सहरम इन कली हिल्‍लो पचा कली जाक्‍नीमी। मार बाक्‍त हना यो, मुर साइश्‍शो आ पर्बम बाक्‍त हना यो, परमप्रभु यावे आ अरेशो लोव़ आ पर्बम बाक्‍त हना यो, शेंतीक लोव़ आ पर्बम बाक्‍त हना यो, फुल्‍लुम मुशा ब्रेक्‍शो लोव़ नु निसाफ पतीक लोव़ बाक्‍त हना यो, गे मेको आन कली शेंचा माल्‍नीनी। मोपा मेकोपुकीमी दूली मपथु, परमप्रभु यावे आ ङोंइती पाप मपाइनीम। मेकोपुकीम मरिम्‍शो पाम्‍तेक्‍म हना, परमप्रभु इन पर्बम नु इन लोक्‍ब, आइक्‍च निसाफ पाइब आन पर्बम गाइक्‍ब। पाप मपथु, रिम्‍शो शेंदीने।

नेहेम्‍याह 10:29

मेको आन लोक्‍ब नु आन ठेयब मुरपुकी नु गारशा, परमप्रभु यावे आ वाइल मोसामी गेशो परमप्रभु आ अरेशो लोव़ टिचा कली थुं का पाम्‍तेक्‍म। आंइ परमप्रभु यावे आ शेंशो, आ पतीक लोव़ नु आ फुल्‍लुम मुशा ब्रेक्‍शो लोव़ तुइश्‍शा पचा कली कसम जाम्‍तेक्‍म।

भजन संग्रह 147:19

मेकोमी आ लोव़ याकूब कली शेंब। मिनु इस्राएल कली आ फुल्‍लुम मुशा ब्रेक्‍शो लोव़ नु आ पतीक लोव़ शेंब। ब्‍यवस्‍था ४:८; प्रेरित १४:१६; रोमी ३:२

प्रस्‍थान 19:7

मिनु मोसामी इस्राएल आ थर ङा मुर आन खाल्‍पा आन कली ब्रेश्‍शा, परमप्रभु यावेमी देंशो लोव़ मेको आन कली माइक्‍तीमी।

इजीकीएल 20:11

गो मेको आन कली आं फुल्‍लुम मुशा ब्रेक्‍शो लोव़ तुइक्‍पाइक्‍तामी। मिनु आं निसाफ पतीक लोव़ कोंइताक्‍ङमी। सुम मेको टिशा पाइबा, मेको ब्रोंइब। लेवी १८:५; लूका १०:२८

इजीकीएल 20:25

गो मेको आन कली फुल्‍लुम मुशा ब्रेक्‍शो मरिम्‍शो लोव़ यो गेतामी। मिनु आं निसाफ पतीक लोव़म यो मेकोपुकी ब्रोंइने मचाप्‍बाक्‍तेक्‍म।

लेवी 18:26

तन्‍न गे आं फुल्‍लुम मुशा ब्रेक्‍शो लोव़ नु आं पावो, दे अरेशो लोव़ टिने। मिनु गे इस्राएली नु इन दातेमी बाक्‍ब अर्को रागी ङा मुर मोदेंशो ग्रांग्रा दिशो गेय मपने।

लेवी 18:5

सुमी आं फुल्‍लुम मुशा ब्रेक्‍शो लोव़ नु आं पावो, दे अरेशो लोव़ पाइबा, मेको ब्रोंइचा ताइब। मारदे हना गो परमप्रभु यावे नङ। नेहेम्‍याह ९:२९; इजीकीएल २०:११; रोमी ७:१०; रोमी १०:५; गलाती ३:१२

लेवी 19:37

गे आं फुल्‍लुम मुशा ब्रेक्‍शो लोव़ नु आं पावो, दे अरेशो लोव़ नेल्‍ल थुंम वोइश्‍शा, पचा माल्‍नीनी। मारदे हना गो परमप्रभु यावे नङ” दे परमप्रभु यावेमी मोसा कली देंत।

लेवी 20:22

गेपुकीमी आं फुल्‍लुम मुशा ब्रेक्‍शो लोव़ नु आं पाबो, दे अरेशो लोव़ नेल्‍ल तुइश्‍शा पचा माल्‍नीनी। मो मपाइतीनी हना, गो इन कली चाक्‍शो रागीमी इन कली उक्‍बे पा ताइक्‍ब।

मलाकी 4:4

परमप्रभुमी “आं वाइल मोसामी इन कली गेशो आं अरेशो लोव़ मिम्‍तीन। गो मेको फुल्‍लुम मुशा ब्रेक्‍शो लोव़ नु आं देंशो ठीक पतीक लोव़ होरेब डांडामी इस्राएली नेल्‍ल आन कली अरेचा कली गेता।

गन्‍ती 35:24

मेको सहर ङा मुरपुकीम मेको मुर साइक्‍ब नु क्‍येक्‍क लेप्‍ब आस दातेमी निसाफ पचा माल्‍नीम।

गन्‍ती 36:13

एको परमप्रभु यावेमी मोसा कली शेंतीके नु ठीक पतीके लोव़ बाक्‍ब। मिनु मोसामी इस्राएली आन कली नेल्‍ल अरेशो बाक्‍ब। मेना मेकोपुकी यर्दन खोला आ शुंइच, मोआब ङा दिंममी यरीको आ नेक्‍था बाक्‍तेक्‍म।

मत्ती 28:20

मिनु गोमी इन कली मार मार शेंदन्‍नी, मेको नेल्‍ल मेको आन कली शेंशा पपतीने। नेनीने, रागी मनुप्‍ची सम्‍म गो गेनायो गेपुक नु बाक्‍नुङ” देंत। मत्ती १६:२०

ब्‍यवस्‍था 15:12

मिनु इन हिब्रू आन दाते ङा लोक्‍ब, मीश मुर वोंइश मुर, आंम कली इन गुइमी लेयसीनीम हना, मेकोमी इन कली ६ बर्स गेय पचा माल्‍नीम। मेको ७ बर्समी मेको आन कली प्रोंइशा लचा गेचा माल्‍नीनी। येरमीया ३४:१४

ब्‍यवस्‍था 4:14

मिनु मेना परमप्रभु यावेमी आं कली “मेको आन कली आं फुल्‍लुम मुशा ब्रेक्‍शो लोव़ नु निसाफ पतीक लोव़ शेंदो। नोले आन गाक्‍शो आंम के सेल्‍शो रागीमी मेको लोव़ टिशा पचा, दे मेको लोव़ शेंदो” दे माइक्‍ती।

ब्‍यवस्‍था 4:45

मिनु मेको परमप्रभु यावे आ आ देंशो, आ फुल्‍लुम मुशा ब्रेक्‍शो लोव़ नु आ निसाफ पतीक लोव़ बाक्‍नीम। मोसामी मेको नेल्‍ल इस्राएली आन कली इजीप्‍त रे ग्रुंइची ना शेंताक्‍व।

ब्‍यवस्‍था 4:5

मिनु परमप्रभु यावे, आं परमप्रभुमी आं कली अरेशो खोदेंशो पा, गो इन कली आ फुल्‍लुम मुशा ब्रेक्‍शो लोव़ नु आ निसाफ पतीक लोव़ शेंतान्‍नी। मारदे शेंतान्‍नी देंशा हना, गे जाक्‍शा इन के सेल्‍चा चिक्‍शो रागीमी मेको नेल्‍ल पचा, दे शेंतान्‍नी।

ब्‍यवस्‍था 4:8

मुलाक्‍त गो इन कली परमप्रभु यावे आ अरेशो लोव़ नेल्‍ले नेंपाइक्‍नुङ। मिनु तेको ठेयब जात ङा मुर इं खोदेंशो रिम्‍शो पचा कली फुल्‍लुम मुशा ब्रेक्‍शो लोव़ नु निसाफ पतीक लोव़ नेंचा ताइनीमी। येरमीया ८:८

ब्‍यवस्‍था 5:1

मिनु मोसामी इस्राएली नेल्‍ल आन कली ब्रेश्‍शा, मेको आन कली “इस्राएली नेनीन। परमप्रभु यावे आ फुल्‍लुम मुशा ब्रेक्‍शो लोव़ नु आ निसाफ पतीक लोव़ नेनीन। मुलाक्‍ती गो मेको इन कली शें‍नुङ। गे मेको लोव़ शेंसीशा, होस पने।

ब्‍यवस्‍था 5:31

तन्‍न गे आं नेक्‍था बाक्‍को। मिनु गेमी आं शेंशो नेल्‍ल, आं फुल्‍लुम मुशा ब्रेक्‍शो लोव़ नु आं निसाफ पतीक लोव़ इ कली देंनन। मिनु मेकोपुकीमी मेको आन कली गेशो रागीम मेको पचा माल्‍नीम” दे परमप्रभुम देंत।

ब्‍यवस्‍था 6:1

मिनु मोसामी “परमप्रभु यावेमी इन कली माइश्‍शो फुल्‍लुम मुशा ब्रेक्‍शो लोव़ नु निसाफ पतीक लोव़ बाक्‍ब। मिनु गो इन कली शेंचा माल्‍नुङ, दे आं कली माइक्‍ती। गेपुकी मुल इन लशा, इन के सेल्‍चा चिक्‍शो रागीम बाक्‍नीनु, मेको पचा माल्‍नीनी।

ब्‍यवस्‍था 6:20

मिनु नोले इन तौपुकीमी इन कली ‘परमप्रभु यावे, इं परमप्रभुमी आ देंशो लोव़, आ फुल्‍लुम मुशा ब्रेक्‍शो लोव़ नु आ निसाफ पतीक लोव़ आन अर्थ मार में?’ दे हिल्‍लो पाम्‍तेक्‍म हना, प्रस्‍थान १३:१४

१ थिस्‍सलोनिकी 4:1

मिनु आंइ नोले ङा लोव़, आं लोक्‍बपुकी, प्रभु येसु आ नेंमी इन कली शुश शेंतीक नु अरेतीक लोव़ पाइनीकी। गेपुकी आंइ कली दोपा बाक्‍शो तनी, मोपा बाक्‍शा, परमप्रभु यावे कली ग्‍येरपतीन। गेपुकी मेको क्‍येङा यो शुश रिम्‍शो पने।