प्रस्‍थान 20:6 - Sunuwar Bible

⁶ तन्‍न सु सुमी आं कली दाक्‍नीमी, आं शेंशो लोव़ टीनीमी, मेको आन आल, चच युइ नु युइ आन युइ आन पाला सम्‍म कली ला ममाइ, हजार हजार पाला सम्‍म गेना हना यो शिशी पाइक्‍नुङमी। प्रस्‍थान ३४:७; ब्‍यवस्‍था ७:९

प्रस्‍थान 20:6 ပူးပေါင်းရင်းမြစ်များ

नेहेम्‍याह 1:5

“परमप्रभु यावे, स्‍वर्गम बाक्‍ब परमप्रभु, गे नेल्‍ल क्‍येङा ठेयब नु मान पा हिंचा माल्‍शो परमप्रभु बाक्‍नीनी। इन कली दाक्‍शा, इन अरेशो लोव़ टीब आन कली शिशी पाइब नु कबल खाप्‍ब बाक्‍नीनी। दानीएल ९:४

भजन संग्रह 103:17

तन्‍न परमप्रभु यावे आ गेना हना यो दाक्‍तीक आ कली मान पा हिंब नु गेना हना यो लीब। मिनु आ ठीक पतीके आन तौ चच आन पाला सम्‍म लीब। लूका १:५०

प्रस्‍थान 34:7

मिनु हजार हजार आन पाला सम्‍म गेना हना यो दाक्‍ब। मुर आन ठीक मपशो, आन हेंथे पशो नु पाप पशो क्‍याम्‍ब। तन्‍न सजाइ मगेथु मप्रोंइब। आम आफ आन मरिम्‍शो पशो आन तमी तौ, चच, युइ नु युइ आन युइ सम्‍म सजाइ ताइनीम” दें‍त। प्रस्‍थान २०:५-६; ब्‍यवस्‍था ३२:९; भजन संग्रह २८:९

हितोपदेस 3:1

आं तौ, आं अरेशो मप्रेंदो। मिनु आं शेंशो लोव़ इ थुंमी वोतो। लेवी १८:५

येरमीया 32:18

हजार हजार पाला सम्‍म इन गेना हना यो दाक्‍तीक कोंइनीनी। तन्‍न आम आफ आन हेंथे पशो आन नोले जाक्‍ब आन आल आन कली रपाइक्‍नीनी। गे ठेयब नु सक्ति पाइश्‍शो परमप्रभु बाक्‍नीनी। इन नें मुर नेल्‍ल आन परमप्रभु यावे बाक्‍ब। प्रस्‍थान २०:५-६

दानीएल 9:4

मिनु गो परमप्रभु यावे, आं परमप्रभु कली लोव़ पा, गो मार मार मरिम्‍शो पङा, मेको नेल्‍ल शोव़शा “परमप्रभु, गे ठेयब नु हिंचा ङा परमप्रभु बाक्‍नीनी। गे इन कली दाक्‍ब नु इन शेंशो लोव़ टीब आन कली गेना हना यो दाक्‍नीनी। मिनु इन कबल मप्रोंइनीनी। येरमीया १४:७; ब्‍यवस्‍था ७:९; नेहेम्‍याह १:५

गन्‍ती 14:18

‘परमप्रभु यावे रीब पा मगाइक्‍ब नु गेना हना यो दाक्‍ब, प्रस्‍थान ३४:६-७ मेकोमी मरिम्‍शो पशो नु दूली पशो क्‍याम्‍ब, तन्‍न दोस ताइब कली दोस मताइब मदेंब। आन आंम आफ आन पशो पाप मेको आन आल, चच, युइ नु युइ आन आल सम्‍म रपाइक्‍ब’ दे थोक्‍शा लोव़ पशो बाक्‍तीनी।

यूहन्‍ना 14:15

गेपुकी आं कली दाक्‍ताक्‍नी हना, आं अरेशो पाइनीनी। यूहन्‍ना १५:१०; १यूहन्‍ना ५:३

यूहन्‍ना 14:21

सुमी आं अरेशो तुइश्‍शा पाइबा, मेकोमी आं कली दाक्‍ब। सुमी आं कली दाक्‍बा, आं आफोमी मेको कली यो दाक्‍ब। मिनु गो मेको कली दाक्‍शा, आं कली तुइक्‍पांइसीनुङ” दे येसुमी देंत। १यूहन्‍ना ५:३; यूहन्‍ना १६:२७

प्रेरित 2:39

मारदे हना परमप्रभु यावे आ गेशो लोव़ इन कली, इन तमी तौ चच युइ आन कली नु ङोन रागीम बाक्‍ब आन कली गेशो बाक्‍त। मिनु परमप्रभु आंइ परमप्रभु यावेमी सु सु कली ब्रेश्‍शो बाक्‍मे, मेको आन कली गेशो बाक्‍त” दे शेंदीमी बाक्‍त। योएल ३:५

ब्‍यवस्‍था 4:37

मिनु इन किकी पिपी आन कली दाक्‍तीके, आन चच युइ आन कली योव़शा, मेकोमी आंमान आ ठेयब सक्तिमी इन कली इजीप्‍त रे ग्रुंइताक्‍व। प्रस्‍थान ३३:१४

ब्‍यवस्‍था 5:29

आं कली मान पा हिंतेक्‍म हना, आं शेंशो गेना हना यो टिम्‍तेक्‍म हना, मेको नु आन आल आन कली गेना हना यो रिम्‍शो दुम्‍ब। ब्‍यवस्‍था २९:३

ब्‍यवस्‍था 7:9

परमप्रभु यावे, इन परमप्रभुमी आ कबल काइ मप्रोंइब आ देंशो पाइब परमप्रभु बाक्‍ब। मिनु परमप्रभु कली दाक्‍ब नु आ शेंशो टीब आन कली हजार पाला सम्‍म आ पशो कबल खाप्‍ब नु आ शिशी कोंइना कोंइन बाक्‍ब। प्रस्‍थान २०:६

याकूब 1:12

सु इन दातेमी आ थमा सुइक्‍तीके ठीक बाक्‍म कों, मबाक्‍म देय थुं थाम्‍चा पुंइसीशा फाल्‍ने चाप्‍बा, मेको मुर ग्‍येरसेक्‍ल। मेको थुं थाम्‍तीके ठीक दुम्‍त हना, मेको मुरुमी ब्रोंइतीक सिरपेच ताइब। परमप्रभु यावेमी “सुम आं कली दाक्‍बा, मेकोमी ब्रोंइतीक सिरपेच ताइब” दे लोव़ पशो बाक्‍ब। २तिमोथी ४:८

१ यूहन्‍ना 4:19

गोपुकी चहिं परमप्रभु यावे कली मारदे दाक्‍नय देंशा हना, मेकोमी ङोंइती इं कली शुश दाक्‍ताक्‍व।

१ यूहन्‍ना 5:3

गोपुकीमी “परमप्रभु यावे कली दाक्‍नय” देंतय हना, आ अरेशो लोव़ टिशा पाइनय। आ देंशो लोव़ टिशा पचा श्‍येत ममाइ। यूहन्‍ना१४:१५,२३,२४; मत्ती११:३०

२ यूहन्‍ना 1:6

मिनु आ अरेशो लोव़ पचा दाक्‍चा बाक्‍ब। मेको इन ङोंइती रे नेंशो अरेशो लोव़ बाक्‍ब। मेको अरेशो पने।