प्रस्‍थान 20:4 - Sunuwar Bible

⁴ मूर्ति मसेलीन। सरीङम बाक्‍ब, रागीम बाक्‍ब नु ब्‍वाक्‍कु गाम बाक्‍ब तेकोइ जन्‍तु आन मूर्ति मसेलीने। ब्‍यवस्‍था ४:१५-१९; ब्‍यवस्‍था २७:१५; यसैया ४०:१८-२६; रोमी १:२३

प्रस्‍थान 20:4 ပူးပေါင်းရင်းမြစ်များ

१ राजा 12:28

मिनु पिपम सल्‍ला पा सुन के बाछा निक्‍शी सेल्‍पदा बाक्‍त। मिनु मेकोम मुर आन कली “गे मुल यरूसलेम लशा शुश श्‍येत जाइनीनी। इस्राएली, इन कली, इजीप्‍त रे ग्रुंइशा चाक्‍ब देवता एकेन बाक्‍नीम” दे माइक्‍मी बाक्‍त। प्रस्‍थान ३२:४,८

२ राजा 17:12

मेकोपुकीमी मूर्ति पूजा पामे बाक्‍त। ङोंइती परमप्रभु यावेमी “मोदेंशो पचा मदुम्‍ब” देंशो बाक्‍माक्‍त।

२ इतिहास 33:7

मेकोमी मुपाइश्‍शो मूर्ति परमप्रभु आ खिंम वोइक्‍पदा बाक्‍त। मेको खिं आ पर्बम परमप्रभुम दाऊद नु आ तौ सोलोमन आस कली “गो इस्राएल ङा थर नेल्‍ल आन दाते रे यरूसलेम कली योव़ता। मिनु यरूसलेमम बाक्‍शो एको खिंम गेना हना यो आं नें वोइक्‍नुङ।

भजन संग्रह 78:58

मेकोपुकीमी आन मूर्ति वोइश्‍शो डांडामी परमप्रभु कली गाइक्‍पाइक्‍तेक्‍म। मेको आन सेल्‍शो मूर्तिमी मेको कली गेहे पपाइक्‍तेक्‍म। ब्‍यवस्‍था ३२:२१

भजन संग्रह 97:7

मूर्ति पूजा पाइब नेल्‍ल मुने तोक्‍चा पुंइसीनीम। मूर्ति कली थमा सुइक्‍बपुकी मुने दोक्‍नीम। देवी देवता नेल्‍ल परमप्रभु आ ङोंइती बाप्‍पीन। येरमीया ४६:२५; हिब्रू १:६

प्रस्‍थान 20:23

गे गो नु देवी देवता मसेलीन। गे आंम कली सुन नु चांदी के देवी देवता मसेलीने।

प्रस्‍थान 32:1

मिनु इस्राएल ङा मुरपुकीमी मोसा कली डांडा रे मयिशो तशा, हारून आ बाक्‍तीक जाक्‍शा, मेको कली “लो, इं ङोंइङोंइती गाक्‍शा लां कोंइब देवता सेलो। आंइ कली इजीप्‍त रागी रे ग्रुंइशा, एक चाक्‍ब मोसा मार दुम्‍मे? मतुइक्‍तक” दे हारून कली देंमा बाक्‍त। ब्‍यवस्‍था ९:८-२१

प्रस्‍थान 32:23

आं कली ‘आंइ ङोंइङोंइती गाक्‍शा लां कोंइब देवता सेलो। मारदे हना आंइ कली इजीप्‍त रे ग्रुंइशा, एक चाक्‍ब मोसा कली मार दुम्‍मे, मतुइक्‍तक’ देंतेक्‍म।

प्रस्‍थान 32:4

मिनु हारूनमी मेको सुन आन गुइ रे ताक्‍शा, यपाइश्‍शा, बाछा का सेला बाक्‍त। मिनु इस्राएलीपुकीमी “इस्राएल ङा मुरपुकी, एकोन इं देवता बाक्‍ब। एकोमी इं कली इजीप्‍त रागी रे ग्रुंइताक्‍व” दे मुमा बाक्‍त। १राजा १२:२८; भजन संग्रह १०६:१९-२०; प्रेरित ७:४१

प्रस्‍थान 32:8

मेकोपुकीमी आं शेंशो लोव़ थु था प्रोंइतेक्‍म। आंम कली सुन के बाछा का सेल्‍शा, मेको कली पूजा पशा ‘इस्राएल ङा मुरपुकी, एकोन इं कली इजीप्‍त रागी रे ग्रुंइब परमप्रभु बाक्‍ब’ देंतेक्‍म” दे परमप्रभु यावेमी मोसा कली दें‍त। प्रस्‍थान २०:४,२३

प्रस्‍थान 34:17

गेपुकीमी आंम कली मूर्ति मचेम्‍सीन। प्रस्‍थान २०:४

यसैया 42:17

मुशा सेल्‍शो मूर्ति नु चेम्‍शा सेल्‍शो मूर्ति आन कली थमा सुइश्‍शा ‘गे आं देवी देवता बाक्‍नीनी’ देंबपुकी गिम्‍सीशा, मुने दोक्‍नीम” देंत।

यसैया 42:8

गो, परमप्रभु यावे नङ। आं नें मेकोन बाक्‍ब। आं मान ततीक अरु आन कली मगेनुङमी। आं ठेयब दुम्‍तीके मूर्ति आन कली मगेनुङमी। प्रस्‍थान ३:१५; यसैया ४८:११

यसैया 45:16

मूर्ति सेल्‍ब नेल्‍ल मुने दोक्‍शा, कालेम आन कुल राव किक्‍शा लाइनीम। यसैया ४४:९-११

इजीकीएल 20:7

मिनु गो मेको आन कली इन कोव़त दाक्‍शो ग्रांग्रा दित्‍चा ङा थोव़क ताइक्‍तीन। गे आंम कली इजीप्‍त ङा मूर्तिपुकीम ग्रांग्रा दिशो मसेल्‍सीन। गो परमप्रभु यावे, इन परमप्रभु नङ। यहोसु २४:१४,२३

इजीकीएल 8:10

मोपतीके गो आगा ओव़शा कोव़ता। मिनु एर ओंथ नेल्‍ल गारोमी नेल्‍ल खाल ङा ग्रेशा गाक्‍ब जन्‍तु, ग्रांग्रा दिशो जन्‍तु, इस्राएली आन खिं ङा मूर्ति नेल्‍ल मेकेर ब्रेक्‍स पा सेल्‍शो ताता। रोमी १:२३

इजीकीएल 8:3

मेकोम आ गुइ दिंशा आं चांम ग्‍याइश्‍शा छुल पोक्‍ती। मिनु सोक्‍तीम आं कली सरीङ नु रागी आस दातेम लाइक्‍ती। मिनु परमप्रभु यावे आ सोक्‍तीम आं कली यरूसलेमम लाइक्‍ती। मेकोमी आं कली परमप्रभु यावे आ खिं ङा उत्तर गे ङा आगा ङा लाङगा आ ओव़तीकेम चाक्‍ती। मेकेर रुश पपाइक्‍ब मूर्ति आन बाक्‍तीके बाक्‍त। मेकोमी रुश पपाइक्‍बाक्‍त। इजीकीएल ३:१२

लेवी 19:4

गे मूर्ति कली पूजा मपने। मिनु गे आंम कली मूर्ति मसेलीन। गो परमप्रभु यावे, इन परमप्रभु नङ। प्रस्‍थान २०:३; प्रस्‍थान ३४:१७

लेवी 26:1

मिनु लेंशा परमप्रभु यावेमी मोसा कली “गेपुकीमी इन कली मूर्तिपुकी मसेलीन। मिनु आंम कली मुशा मूर्ति नु पूजा पचा कली थाम मवोतीन। मिनु इन रागीमी मुशो फुल्‍लु मवोतीन। मेको कली पूजा पा आन ङोंइती मबपीन। मारदे हना गो परमप्रभु यावे, इन परमप्रभु नङ। प्रस्‍थान २०:४-५

गन्‍ती 12:8

गो मेको नु कोव़मुशा लोव़ पाइनुङ। मिनु मेको नु रुप्‍चा ङा लोव़ पा ख्रुइश्‍शो लोव़ मपाइनुङ। मिनु मेको आं नेक्‍था जाक्‍ने चाप्‍ब। मारदे गे आं गेय पाइब मोसा आ पर्बम मरिम्‍शो लोव़ पचा काइ महिंसी?” देंत। प्रस्‍थान ३३:११; ब्‍यवस्‍था ३४:१०

प्रेरित 17:29

गोपुकी परमप्रभु यावे आ तमी तौ दुम्‍शा, मुर आन मिम्‍शो आन गुइमी सेल्‍शो सुन चांदी फुल्‍लु मार मार के मूर्ति तशा, परमप्रभु मोदेंशो बाक्‍ब, दे मिम्‍चा मदुम्‍ब। उत्‍पत्ती १:२७; यसैया ४०:१८

रोमी 1:23

मेकोपुकीम गेना हना यो बाक्‍ब परमप्रभु यावे आ छेङछेङ कली बेक्‍शा लाइब मुर, चिक्‍ब, जन्‍तु नु ग्रेशा गाक्‍ब जन्‍तु आन मूर्ति नु फाइक्‍तेक्‍म। प्रस्‍थान २०:४; ब्‍यवस्‍था ४:१५-१९; भजन संग्रह १०६; येरमीया २:११

ब्‍यवस्‍था 16:22

गेपुकीमी तेकोइ अर्को मूर्ति वोइक्‍चा मदुम्‍ब। मारदे हना मेको नेल्‍ल परमप्रभु यावे, इन परमप्रभुमी कली ग्रांग्रा दीब” देंत। लेवी २६:१; येरमीया २:२७

ब्‍यवस्‍था 27:15

मिनु मेकोपुकीमी “सु मुरुमी मुशा, यपाइश्‍शा मूर्ति सेल्‍ब, मेको परमप्रभु यावे कली ग्रांग्रा दित्‍चा ङा बाक्‍ब। मिनु मेको जोक्‍ब मुरुमी आ सेल्‍शो मूर्ति कली ख्रुइश्‍शोमी वोइक्‍ब, मेको मुर सराप राइब” देंतेक्‍म। मिनु मुर नेल्‍लेमी “आमेन, मोदेंशो दुम्‍ल” देंचा माल्‍नीम। प्रस्‍थान २०:४,२३

ब्‍यवस्‍था 5:8

सरीङमी, रागीमी, रागी आ आगामी ब्‍वाक्‍कुम बाक्‍ब मारेइ जन्‍तु के गेपुकीमी आंम कली मूर्ति मसेल्‍सीन। ब्‍यवस्‍था २७:१५

प्रकाश 16:2

मिनु ङोंइती ङा परमप्रभु यावे आ स्‍वर्ग ङा गेय पाइबमी आ कुरशो डप्‍का रागी तार मोइक्‍तु। मिनु मेकोमी मोदानु, ठेयब जन्‍तु आ चिन्‍ड वोंइ‍सीब नु आ मूर्ति कली सेउ पाइबपुकी मरिम्‍शो पा खाइक्‍ब गार मुम्‍तेक्‍म। प्रस्‍थान ९:१०-११

प्रकाश 9:20

मिनु मबेक्‍थु लीशो मुरपुकीमी मेको आन मरिम्‍शो पचा मप्रोनेम। मार मरिम्‍शो पाम्‍तेक्‍म देंशा हना, वोल नु देवी देवता आन कली खुम्‍की पा सेउ पाम्‍तेक्‍म। मताइब, मनेंब, मगाक्‍ब सुन, चांदी, कांसा, फुल्‍लु नु शी के सेल्‍शो मूर्ति आन कली खुम्‍की पा सेउ पाम्‍तेक्‍म। प्रकाश १६:९

न्‍यायाधीस 17:3

मिनु मेको ११ सहे चांदी के शेकेल आ ममा कली लेश्‍शा गेवानु, आ ममामी “एको चांदी आं तौ कली रिम्‍शो दुम्‍ल, दे मुशो, चांदीम गिल्‍शो मूर्ति सेल्‍पाइश्‍शा परमप्रभु यावे कली गेनुङ। मोपतीके गो मेको चांदी के शेकेल लेंशा इ कली गेनन” देंमाक्‍त। शेकेल का ११.५ ग्राम बाक्‍ब।