प्रस्‍थान 20:23 - Sunuwar Bible

²³ गे गो नु देवी देवता मसेलीन। गे आंम कली सुन नु चांदी के देवी देवता मसेलीने।

प्रस्‍थान 20:23 ပူးပေါင်းရင်းမြစ်များ

२ राजा 17:33

मिनु मोपा मेकोपुकीम परमप्रभु यावे कली ठेयब सेल्‍शा, आंम आन देवी देवता आन कली यो पूजा पामे बाक्‍त। तेको रागी रे चाक्‍शो बाक्‍मा, मेको आन देवी देवता आन पतीक पशा, पूजा पामे बाक्‍त।

२ राजा 17:41

मेको रागी रागी ङा मुरपुकीमी परमप्रभु यावे कली ठेयब सेल्‍शा यो आन मुशा सेल्‍शो मूर्ति आन कली पूजा पामे बाक्‍त। मुल सम्‍म आन चच युइमी आन किकी पिपीम पशो खोदेंशो पना पन बाक्‍नीम।

प्रस्‍थान 32:31

मिनु मोसा परमप्रभु यावे आ बाक्‍तीक लशा मेको कली “मुरपुकीमी थमा पा ठेयब पाप पाम्‍तेक्‍म। आंम कली सुन के देवता सेल्‍तेक्‍म।

प्रस्‍थान 34:17

गेपुकीमी आंम कली मूर्ति मचेम्‍सीन। प्रस्‍थान २०:४

इजीकीएल 20:39

ए इस्राएल आ खिं ङा मुरपुकी, परमप्रभु यावेमी इन कली ‘लन। गे आं देंशो टिचा मदाक्‍नीनी हना, मुल रे गे नेल्‍लेम इन इन मूर्ति आन कली पूजा पने। तन्‍न इन मूर्ति पूजा पतीकेमी आं नें कली गेनायो ग्रांग्रा दिशो मसेलीन।

इजीकीएल 43:8

मेकोपुकीम आं खिं आ नेक्‍था आन खिं सेल्‍तेक्‍म। आं लाप्‍चो आ ङोंइती आन लाप्‍चो सेल्‍तेक्‍म। मिनु गो नु मेको आन दातेमी गारो का ला लीत। मिनु मेको आन ग्रांग्रा दिशो गेयम, आं नें ग्रांग्रा दिशो सेल्‍तेक्‍म। मोपतीके गो गाइश्‍शा मेको आन कली साइक्‍तामी। इजीकीएल ८:७-१८

दानीएल 5:23

‘गो स्‍वर्ग ङा परमप्रभु क्‍येङा ठेयब नङ’ दे आंम कली ठेयब सेल्‍तीनी। मिनु गे परमप्रभु आ खिं ङा बोसपुकी चाक्‍पाइश्‍शा, गे नु इन राज्‍यम अधिकार ताइब, इन ग्‍युंबे पशो मीशपुकी नु इन अरु चाक्‍शो मीशपुकीमी मेको बोसम अङगुर शांबु तूतीनी। मिनु सुन, चांदी, कांसा, फलाम, शी नु फुल्‍लु के सेल्‍शो मिक्‍च मताइब, मनेंब, मरुप्‍ब देवी देवता आन कली सेउ पाइतीनी। तन्‍न इन कली ब्रोंइतीक सोक्‍त गेब नु इन लां कोंइब परमप्रभु कली मान मपनी।

दानीएल 5:4

मिनु मेकोपुकीमी अङगुर शांबु तूशा, सुन, चांदी, कांसा, फलाम, शी नु फुल्‍लु के सेल्‍शो देवी देवता आन कली सेउ पाम्‍‍तेक्‍म।

लेवी 19:4

गे मूर्ति कली पूजा मपने। मिनु गे आंम कली मूर्ति मसेलीन। गो परमप्रभु यावे, इन परमप्रभु नङ। प्रस्‍थान २०:३; प्रस्‍थान ३४:१७

सेफन्‍याह 1:5

खिं तार बाक्‍शा, नां तास्‍ला नु सोरुल आन ङोंइती बाप्‍ब, परमप्रभु यावे आ ङोंइती बाप्‍शा आ नें थिशा कसम जाइब। मोलेक आ नें यो थिशा कसम जाइब। येरमीया १९:१३; येरमीया ४९:१

ब्‍यवस्‍था 27:15

मिनु मेकोपुकीमी “सु मुरुमी मुशा, यपाइश्‍शा मूर्ति सेल्‍ब, मेको परमप्रभु यावे कली ग्रांग्रा दित्‍चा ङा बाक्‍ब। मिनु मेको जोक्‍ब मुरुमी आ सेल्‍शो मूर्ति कली ख्रुइश्‍शोमी वोइक्‍ब, मेको मुर सराप राइब” देंतेक्‍म। मिनु मुर नेल्‍लेमी “आमेन, मोदेंशो दुम्‍ल” देंचा माल्‍नीम। प्रस्‍थान २०:४,२३

ब्‍यवस्‍था 29:17

मिनु गे आन ग्रांग्रा दित्‍चा ङा शी, फुल्‍लु, सुन नु चांदी के देवी देवता आन कली यो तशो बाक्‍नीनी।

प्रकाश 22:15

सु सुमी चहिं टुना मुना पाइनीमी, तेल्‍लेम पाइनीमी, मुर साइक्‍नीमी, मूर्ति नु फुल्‍लु कली सेउ पाइनीमी। जोल पना पन बाक्‍नीमी। मेको कुचुम खोदेंशो पा सहर रे लाङगा बाक्‍नीमी” देंत। प्रकाश २१:८,२७; १कोरिन्‍थी ६:९-१०

न्‍यायाधीस 17:3

मिनु मेको ११ सहे चांदी के शेकेल आ ममा कली लेश्‍शा गेवानु, आ ममामी “एको चांदी आं तौ कली रिम्‍शो दुम्‍ल, दे मुशो, चांदीम गिल्‍शो मूर्ति सेल्‍पाइश्‍शा परमप्रभु यावे कली गेनुङ। मोपतीके गो मेको चांदी के शेकेल लेंशा इ कली गेनन” देंमाक्‍त। शेकेल का ११.५ ग्राम बाक्‍ब।