Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




प्रस्‍थान 20:2 - Sunuwar Bible

2 “गो परमप्रभु यावे, इन परमप्रभु नङ। गो इन कली वाइलीम वाइल दुम्‍शो इजीप्‍त रागी रे ग्रुंइताक्‍न्‍नी। न्‍यायाधीस ६:८; येरमीया ३४:१३

အခန်းကိုကြည့်ပါ။ ကော်ပီ




प्रस्‍थान 20:2
50 ပူးပေါင်းရင်းမြစ်များ  

मिनु मुर नेल्‍ल मेको तशा, खुम्‍की पा बाप्‍शा “परमप्रभु यावे, थमा पा परमप्रभु बाक्‍माक्‍त। परमप्रभु यावे, थमा पा परमप्रभु बाक्‍माक्‍त” देंमा बाक्‍त।


मेकोपुकीमी मूर्ति पूजा पामे बाक्‍त। ङोंइती परमप्रभु यावेमी “मोदेंशो पचा मदुम्‍ब” देंशो बाक्‍माक्‍त।


मारदे मोदेंशो दुम्‍शो बाक्‍त देंशा हना, परमप्रभु यावे, आन परमप्रभुम मेको आन कली इजीप्‍त रागी ङा पिप फाराओ आ गुइ रे ग्रुंइशा चाक्‍गा रे इस्राएलीपुकीम देवी देवता आन कली पूजा पशो बाक्‍मा बाक्‍त।


मोपतीके परमप्रभु यावे, आ परमप्रभुमी मेको कली अराम ङा पिप नु ब्रुपाइश्‍शा, मेको आ गुइमी गेवा बाक्‍त। मिनु मेकोमी पिप आहाज आ शुश मुर आन कली ग्‍याइश्‍शा, दमस्‍कसम लदा बाक्‍त। मेको इस्राएल ङा पिप नु यो ब्रुमाक्‍त। मिनु मेको पिपम शुश मुर आन कली सदा बाक्‍त।


मिनु परमप्रभुमी “आं मुरपुकी, नेनीन। गो इन कली लोव़ पाइनुङ। गो इस्राएली इन कली दोस गेशा, लोव़ पाइनुङ। गो परमप्रभु, इन परमप्रभु नङ। प्रस्‍थान २०:२


गो परमप्रभु यावे, इन परमप्रभु नङ। गो इन कली इजीप्‍त रे ग्रुंइशा एक चाक्‍तन्‍नी। इन शोव़ पाक्‍कीन, मिनु गो प्रिंनन्‍नी।


तन्‍न आं मुरपुकीमी आं लोव़ मनेनेम। इस्राएल आ मुरपुकीम आं कली मदाक्‍थु, आं देंशो मबिस्‍सम।


गे श्‍येत जनीनु, आं कली ब्रेत्‍ताक्‍‍नी। मिनु गो इन कली प्रोंइतन्‍नी। गो इन कली बुंबु रे लोव़ लेत्‍ताक्‍न्‍नी। गो मेरीबा ङा ब्‍वाक्‍कुमी इन कली थुं थाम्‍शा कोव़तन्‍नी।ठेयब सेंदा पा। प्रस्‍थान १९:१६; प्रस्‍थान १७:२-७; गन्‍ती २०:१३


मिनु काबु इन आलपुकीमी ‘गे मारदे ओदेंशो पाइनीनी?’ दे हिल्‍लो पाइनीम। मेना गेपुकीमी ‘परमप्रभु यावेमी इं कली आ ठेयब सक्तिमी इजीप्‍त रागी रे ग्रुंइताक्‍व। वाइलीम वाइल दुम्‍शो रे यो प्रोंइतु’ दे इन आल आन कली शेंचा माल्‍नीनी। प्रस्‍थान १२:२६,२९


मिनु मोसामी मुर आन कली “गेपुकी इजीप्‍त रागीम वाइलीम वाइल दुम्‍शा, ब्रोंइशा, एक जाक्‍शो नाक्‍त मप्रेंदीन। परमप्रभु यावेमी इन कली आ सक्तिमी ग्रुंइताक्‍व। मोपतीके मेको नाक्‍त गे बोरब ओख्‍ती मसुप्‍शो शोब्‍ले ला जचा माल्‍नीनी। प्रस्‍थान १२:३३-३४


गे इन ग्रुंइशो मुर आन कली गेना हना यो शिशी पा, लां कोंइताक्‍नी। मेको आन कली इन सक्तिमी इन आंम बाक्‍तीकेम खुल्‍तीनी।


परमप्रभु यावे, इजीप्‍त रागी रे इन ग्रुंइशो मुरपुकी मजाक्‍दीम्‍मा सम्‍म मेको आन जोरी सत्रु इन सक्ति ङा गेय तशा, हिंशा फुल्‍लु खोदेंशो पा सिक्‍सी पा बाक्‍तेक्‍म। मोपा हिंशा मेको आन थुं लुक्‍च लत।


मिनु मेकोमी “गे परमप्रभु यावे, इन परमप्रभु आं लोव़ नेंशा, आं ङोंइती ठीक पाइतीनी हना, आं शेंशो लोव़ नेंशा, टि‍शा, आं अरेशो लोव़ टीतीनी हना, गो इजीप्‍त रागी ङा मुर आन कली पपाइश्‍शो रोइ इन कली मपपाइक्‍नुङ। मारदे हना गो इन कली सापाइक्‍ब परमप्रभु यावे नङ” देंत। ब्‍यवस्‍था ७:१५; उत्‍पत्ती २०:१७; ब्‍यवस्‍था ३२:३९; भजन संग्रह ३०:३; यसैया ५७:१८


मिनु परमप्रभुमी मार लोव़ पाप्‍तु देंशा हना मत्ती ५:१७-२८


गो मेको आन दातेमी बाक्‍चा कली मेको आन कली इजीप्‍त रे ग्रुंइब मेको परमप्रभु यावे, आन परमप्रभु नङ। गो मेको आन परमप्रभु यावे नङ, दे मेकोपुकीम तुइक्‍चा माल्‍नीम। प्रस्‍थान २०:२


मोपतीके गो इस्राएली आन कली ‘गो परमप्रभु यावे नङ। गो इजीप्‍त ङा मुर आन गेशो श्‍येत नु इन वाइल दुम्‍शो गेय रे प्रोंइनन्‍नी। गो इजीप्‍त ङा मुर आन कली ठेयब सजाइ गेशा, आं ठेयब सक्तिमी इन कली ग्रुंइनुङ।


मारदे हना गो परमप्रभु यावे, इ परमप्रभु नङ। गो इस्राएली आन का ला बाक्‍शो परमप्रभु नङ। गो इ कली पाप रे प्रोंइब नङ। गो इजीप्‍त रागी इ पा ङा गेता। मिनु एथीयोपीया नु सेबा रागी इ कली प्रोंइचा कली गेता। यसैया ४१:१४


मिनु परमप्रभु यावेमी “परमप्रभु यावे ब्रोंइशा बाक्‍शो नु मुर आन कली इजीप्‍त रागी रे ग्रुंइशा एक चाक्‍शो खोदेंशो पा मदेंतीक नाक्‍ती थमा पा जाक्‍नीम।


मेकोपुकीमी ‘आंइ कली इजीप्‍त रागी रे ग्रुंइब परमप्रभु यावे ते बाक्‍बा? मेकोमी आंइ कली गोरशो रागीम लां कोंइशा गाक्‍पाइक्‍तु। मेको मुर मबाक्‍तीक गोरशो रागी नु शुश खाल्‍टा बाक्‍शो रागी बाक्‍त। ब्‍वाक्‍कु मबाक्‍शो नु छिङछिङ ङा रागी बाक्‍त। मेको सुइ मगाक्‍तीक नु सुइ मुर मबाक्‍तीक रागी बाक्‍त’ देंतेक्‍म। ब्‍यवस्‍था ८:१५


परमप्रभु यावेमी “गो इस्राएली आन खिं नेल्‍ल ङा मुर आन परमप्रभु दुम्‍नुङ। मिनु मेकोपुकी आं मुर दुम्‍नीम” देंशो बाक्‍ब। येरमीया ७:२३


तन्‍न इस्राएल आ खिं ङा मुर नोले ङा नाक्‍ती ङा कबल मार बाक्‍त देंशा हना, गो आं अरेशो मेको आन थुंम वोइक्‍नुङ। मिनु आन थुंम मेको ब्रेक्‍शा गेनुङमी। मिनु गो मेको आन परमप्रभु दुम्‍नुङ। मिनु मेकोपुकी आं मुर दुम्‍नीम। इजीकीएल ११:१९; हिब्रू १०:१६-१७; येरमीया ७:२३


मार, लोव़ पाप्‍तु देंशा हना “परमप्रभु यावे, इस्राएली आन परमप्रभुमी ‘गो मेको आन किकी पिपी आन कली इजीप्‍त रागी ङा वाइलीम वाइल दुम्‍तीक खिं रे प्रोंइशा चाक्‍तामी। मिनु गो मेकोपुकी नु कबल पाता।


गो परमप्रभु यावे, इन परमप्रभु नङ। गेपुकीम आं फुल्‍लुम मुशा ब्रेक्‍शो लोव़ टिशा, आं निसाफ पतीक लोव़ होस पा पने।


गो इस्राएल कली योव़ङु नाक्‍ती याकूब आ खिं ङा आ चच युइ नु कसम जाता। इजीप्‍त रागीमी गो मेको आन दातेम तुइक्‍पांइसाक्‍यी। मेको आन कली गो परमप्रभु यावे, इन परमप्रभु नङ, दे कसम जाता। प्रस्‍थान ६:७-८


मिनु गो मेको आन कली इन कोव़त दाक्‍शो ग्रांग्रा दित्‍चा ङा थोव़क ताइक्‍तीन। गे आंम कली इजीप्‍त ङा मूर्तिपुकीम ग्रांग्रा दिशो मसेल्‍सीन। गो परमप्रभु यावे, इन परमप्रभु नङ। यहोसु २४:१४,२३


मिनु मेकोमी “गो नोले दुम्‍ब लोव़ पाइबपुकी नु लोव़ पाता। गो मेको आन कली कोंइतीके कोंइताक्‍ङ। गो मेको आन कली कथा शेंपाइक्‍ता।


मिनु “गो परमप्रभु यावे, इन परमप्रभु नङ। गो इन कली इजीप्‍त रागी रे ग्रुंइताक्‍ङ। गे गो आं ङा लाक्‍शा अरु परमप्रभु मतुइक्‍नीनी। मिनु गो आं ङा लाक्‍शा अरुमी पाप रे प्रोंइने मचाप्‍नीम।


गो परमप्रभु यावे, इन कली इजीप्‍त रागी रे ग्रुंइशा एक चाक्‍ब, इन परमप्रभु नङ। मोपतीके गेपुकी ग्रांग्रा दिशो रे ङोन बाक्‍कीन। मारदे हना गो ग्रांग्रा दिशो रे ङोन बाक्‍नुङ’ देनो” देंत।


इन नाक्‍तीकेम तुला ठीक दुम्‍चा माल्‍ब। इन ढक ठीक दुम्‍चा माल्‍नीमी। मिनु इन पुक्‍तीके ठीक दुम्‍चा माल्‍नीमी। गो इन कली इजीप्‍त रे ग्रुंइब परमप्रभु यावे, इन परमप्रभु नङ। ब्‍यवस्‍था २५:१३-१६; हितोपदेस ११:१


गो इन कली इजीप्‍त रे ग्रुंइशा चाक्‍नीनु, गोठीम बाक्‍पाइश्‍शो नङ, दे इन चच युइपुकीम तुइक्‍चा माल्‍नीम। गो परमप्रभु यावे, इन परमप्रभु नङ’ दे शेंदो” देंत।


गो इन परमप्रभु दुम्‍चा नु इन कली कनान रागी गेचा, दे इन कली इजीप्‍त रागी रे ग्रुंइशा, एक चाक्‍ब, गो परमप्रभु यावे, इन परमप्रभु नङ।


मारदे हना मेकोपुकी गो इजीप्‍त रे ग्रुंइशा चाक्‍शो आं गेय पाइबपुकी बाक्‍नीम। मेको आन कली वाइलीम वाइल खोदेंशो पा लेयचा मदुम्‍ब।


मारदे हना इस्राएलीपुकी आं गेय पाइब बाक्‍नीम। गो मेको आन कली इजीप्‍त रागी रे ग्रुंइशा चाक्‍ताक्‍मी। गो परमप्रभु यावे, इन परमप्रभु नङ’ दे शेंदो” दे परमप्रभु यावेमी देंत।


मिनु लेंशा परमप्रभु यावेमी मोसा कली “गेपुकीमी इन कली मूर्तिपुकी मसेलीन। मिनु आंम कली मुशा मूर्ति नु पूजा पचा कली थाम मवोतीन। मिनु इन रागीमी मुशो फुल्‍लु मवोतीन। मेको कली पूजा पा आन ङोंइती मबपीन। मारदे हना गो परमप्रभु यावे, इन परमप्रभु नङ। प्रस्‍थान २०:४-५


गो परमप्रभु यावे, इन परमप्रभु नङ। गेपुकी इन कली इजीप्‍ती आन वाइलीम वाइल मदुम्‍पाइक्‍थु, एक चाक्‍तन्‍नी। गो इन शुर ङा जवा जिक्‍शा, इन पिया पोक्‍शा गाक्‍ब सेल्‍तन्‍नी। इजीकीएल ३४:२७-२८


मिनु गो इन कली एमोरी आन रागी गेचा कली इजीप्‍त रागी रे ग्रुंइशा ४० बर्स सम्‍म गोरशो रागीमी लां कोंइशा गाक्‍पाइक्‍तन्‍नी।


परमप्रभु यावेम नेल्‍ल आन कली कोव़ब। यहूदी नु अर्को रागी ङा मुर नेल्‍ल आन कली कांइचीक मिम्‍ब। मेको आन कली प्रभु का बाक्‍ब। मेको कली प्रभु देंब आन कली आसीक गेशा, रिम्‍शो पाइब। प्रेरित १०:३४-३५; प्रेरित १५:९


परमप्रभु यावे यहूदी आन परमप्रभु यावे ला बाक्‍बा ङा? नेल्‍ल अर्को रागी ङा मुर आन परमप्रभु यावे बाक्‍ब। रोमी १०:१२


मिनु नेल्‍लेमी मेको कली मबेक्‍म सम्‍म फुल्‍लु आप्‍चा माल्‍नीम। मारदे हना इन वाइलीम वाइल दुम्‍तीके इजीप्‍त रे ग्रुंइब परमप्रभु यावे, इन परमप्रभु रे हेंथे गाक्‍ब सेल्‍चा माल्‍शो बाक्‍त। ब्‍यवस्‍था १७:७


गेपुकी इजीप्‍त रागीमी वाइलीम वाइल दुम्‍शा बाक्‍तीनी। मिनु परमप्रभु यावे, इन परमप्रभुमी इन कली प्रोंइतु, मेको मिम्‍तीन। मोपतीके गो मुलाक्‍ती दोपा पचा, दे गो इन कली शेंनुङ। ब्‍यवस्‍था ५:१५


मिनु मोसामी “गेपुकी लडाइ पथ लनीनु, शारा नु बग्‍गीपुकी तशा, इन जोरी सत्रु इन क्‍येङा शुश बाक्‍तेक्‍म हना, महिनीन। मारदे हना परमप्रभु यावे, इन कली इजीप्‍त रे ग्रुंइब इन परमप्रभु गेपुकी नु बाक्‍ब।


मिनु गेपुकी इजीप्‍तमी वाइल दुम्‍तीके मप्रेंदीन। परमप्रभु यावे, इन परमप्रभुमी शुश सक्ति पाइश्‍शो नु आ ठेयब बोल पतीकेमी इन कली ग्रुंइशा, एक चाक्‍तु। मोपतीके परमप्रभु यावे, इन परमप्रभुमी इन कली नाइक्‍तीक नाक्‍ती नाइक्‍चा माल्‍ब, दे अरे‍शो बाक्‍ब। ब्‍यवस्‍था १५:१५; ब्‍यवस्‍था १६:१२; ब्‍यवस्‍था २४:१६,२२


मिनु परमप्रभुमी इन कली “वाइलीम वाइल दुम्‍शा बाक्‍शो इजीप्‍त रे ग्रुंइशा एक चाक्‍ब, गो परमप्रभु यावे, इन परमप्रभु नङ।


तन्‍न परमप्रभु यावेमी इन कली दाक्‍ब। मिनु मेकोमी ‘इन किकी पिपी नु पशो कबल खाप्‍नुङ’ देंत। मोपतीके परमप्रभु यावेमी शुश सक्ति पाइश्‍शोमी इन कली वाइलीम वाइल सेल्‍शो इजीप्‍त ङा पिप फाराओ रे प्रोंइशा, ग्रुंइताक्‍व। होसे ११:१


मिनु परमप्रभु यावे आ स्‍वर्ग ङा गेय पाइब गिल्‍गाल रे बोकीम सहरमी कुमाक्‍त। मेकोमी “गो इन कली इजीप्‍त रे ग्रुंइताक्‍न्‍नी। इन किकी पिपी आन कली ‘इन कली गेनुङ’ देंशो रागीमी चाक्‍तन्‍नी। गो गे नु पशो कबल गेना हना यो खाप्‍नुङ। यहोसु २४:२९-३१


मिनु गो इन कली गो परमप्रभु यावे, इन परमप्रभु नङ। गेपुकी एमोरी आन रागीमी बाक्‍तीनी हना यो, मेको आन देवी देवता आन कली ठेयब मसेलीन’। तन्‍न गे आं लोव़ मनेनी” दे मेको परमप्रभु यावे आ लोव़ पाइबमी माइक्‍मी बाक्‍त।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ