प्रस्‍थान 20:14 - Sunuwar Bible

¹⁴ मुर आन मीश वोंइश नु मइपीन। लेवी २०:१०; मत्ती १५:१९

प्रस्‍थान 20:14 ပူးပေါင်းရင်းမြစ်များ

उत्पत्ती 39:9

आं कली आ खिं ङा नेल्‍ल क्‍येङा ठेयब सेल्‍ती। मार मार बाक्‍मा, नेल्‍ल जिम्‍मा गेती। इन कली चहिं आं कली मगेयी। मारदे हना गे आ मीश ननी। गो दोपा परमप्रभु आ ङोंइती मोदेंशो मरिम्‍शो पाप पने चाप्‍नुङा? गो मपाइनुङ?” दे मदा बाक्‍त। प्रस्‍थान २०:१४; लेवी १८:२०

२ सामुएल 11:27

मिनु रोंका पतीक नाक्‍त नुम नोले दाऊदम मुर सोइश्‍शा आ खिं चाक्‍गा बाक्‍त। मिनु मेको दाऊद आ मीश दुम्‍शा, तौ का थि‍माक्‍त। तन्‍न दाऊद आ पशो परमप्रभु यावे आ ङोंइती थम मरिम्‍शो बाक्‍माक्‍त।

लेवी 18:20

गे अर्को मुर आ मीश नु इप्‍शा आंम कली ग्रांग्रा मसेलो। २सामुएल ११:४

लेवी 20:10

सुइ मुर अरु आन मीश नु इप्‍त हना, मेको पाइब निम्‍फा आस कली साइक्‍चा माल्‍ब। प्रस्‍थान २०:१४; २सामुएल ११:४; यूहन्‍ना ८:५

मलाकी 2:15

परमप्रभुम मेको निक्‍शी आस कली कान मसेला ङा? मेको आस सोक्‍त नु गिंम परमप्रभु यावे के बाक्‍नीस। मारदे मेको निक्‍शी आस कली कान सेल्‍तु देंशा हना, आस आल परमप्रभु आ मुर दुम्‍मल, दे कान सेल्‍तु। मोपतीके गेपुकी आंम थुं आ पर्बम होस पा, सुइमी आंम ठिटा बाक्‍‍ची ना ङा मीश कली मप्रोनीन।

मलाकी 3:5

तन्‍न मेको क्‍येङा ङोंइती “गो निसाफ पचा कली इन बाक्‍तीकेमी जाक्‍नुङ। गो टुना मुना पाइबपुकी, मुर आन मीश वोंइश नु इप्‍बपुकी, जोल पा कसम जाइबपुकी, गेय पाइब आन कली गाल्‍च मगेबपुकी, वोंइश बेक्‍शो मीश मुर, रोम रोइक्‍च, नु अर्को रागी ङा मुर आन कली निसाफ पा मगेबपुकी नु आं क्‍येङा महिंब नेल्‍ल आन कली निसाफ पथ जाक्‍नुङ” दे मुर नेल्‍ल आन परमप्रभु यावेमी देंत।

गन्‍ती 5:12

“गे इस्राएली आन कली ‘सुइ आन मीश हेंथे गाक्‍शा, आ वोंइश कली मरिम्‍शो पाप्‍तु हना,

मत्ती 19:18

“लोव़ शुश बाक्‍नीम। तेक तेको लोव़ टिचा माल्‍नुङा?” देंत। मिनु येसुमी “मसाइक्‍चा, मीश वोंइश आस नाता मफ्राचा, खुइ मपचा, जोल मपथु सांकछी बाक्‍चा।

रोमी 13:9

मेको लोव़मी मार ब्रेक्‍शो बाक्‍ब देंशा हना “मीश वोंइश आस नाता मख्रोइक्‍चा, मुर मसाइक्‍चा, खुइ मपचा, मवाल्‍चा” अरु मपचा ङा गेय यो बाक्‍नीम। मिनु मार पा मेको लोव़ खाप्‍सीब देंशा हना, आंम कली दाक्‍शो खोदेंशो पा आंम नेक्‍था ङा आन कली दाक्‍शा, खाप्‍सीब। प्रस्‍थान २०:१३-१७; लेवी १९:१८

ब्‍यवस्‍था 5:18

आंम मीश क्‍येङा अरु नु मइप्‍चा।

हिब्रू 13:4

गे नेल्‍लेमी “ग्युंबे पशो रिम्‍शो बाक्‍ब” दे मिम्‍तीने। मुर आ मीश नु मुरु आ वोंइश मइम्‍मल। मीश वोंइश आस नाता ख्रोइक्‍ब नु तेल्‍लेम आन कली परमप्रभु यावेमी निसाफ पाइब।

याकूब 2:11

परमप्रभु यावेमी “मीश वोंइश आस नाता मख्रोइक्‍चा” दे ब्रेक्‍शो बाक्‍ब। मिनु “मुर मसाइक्‍चा” दे यो ब्रेक्‍शो बाक्‍ब। तेल्‍लेम मपथु, तन्‍न मुर आन कली साइक्‍तीनी हना, गेपुकी परमप्रभु यावे आ अरेशो लोव़ मटीब पापी दुम्‍नीनी। प्रस्‍थान २०:१३-१४

याकूब 4:4

गे परमप्रभु यावे आ लां प्रोंइशा हेंथे गाक्‍बपुकी, गे थमा मसुइक्‍ब आन वारच बाक्‍तीनी हना, परमप्रभु यावे आ जोरी सत्रु दुम्‍नीनी। सु थमा मसुइक्‍ब आन वारच दुम्‍चा माल्‍बा, मेको परमप्रभु यावे नु जोरी सत्रु दुम्‍ब। लूका ६:२६; रोमी ८:७; १यूहन्‍ना २:१५

प्रकाश 21:8

तन्‍न मुर तशा हिंबपुकी, परमप्रभु यावे कली थमा मसुइक्‍बपुकी, पापमी ग्रुम्‍शोपुकी, मुर आन कली साइक्‍बपुकी, तेल्‍लेम पाइबपुकी, टुना मुना पाइबपुकी, देवी देवता आन कली पूजा पाइबपुकी, नु जोल पाइबपुकी नेल्‍ल गन्‍धक रे हुरुर पा ब्रशो मीमी हुम्‍चा पुंइसीनीम। मिनु मेको नोले ङा बेक्‍तीक बाक्‍ब” दे माइक्‍ती।