प्रस्‍थान 20:12 - Sunuwar Bible

¹² इन आम आफ आन कली मान पने। मो पाइतीनी हना, परमप्रभु यावेमी, इन परमप्रभु इन कली गेशो रागीम शुश ब्रोंइचा गेब। प्रस्‍थान २१:१७; ब्‍यवस्‍था २७:१६; मत्ती १५:४-६; एफिसी ६:२-३

प्रस्‍थान 20:12 ပူးပေါင်းရင်းမြစ်များ

उत्पत्ती 48:12

मिनु योसेफम मेको आस कली आ आफ आ थुकु रे याक्‍शा, खुम्‍की पा सेउ पवा बाक्‍त।

उत्पत्ती 50:12

मोपा याकूब आ तौपुकीमी आन आफ आ अरेशो खोदेंशो पामे बाक्‍त। उत्‍पत्ती ४९:२९

१ राजा 2:19

मोपतीके बाथ्‍शेबा अदोनीयाह आ पर्बम लोव़ पथ पिप सोलोमन आ बाक्‍तीक लमाक्‍त। मिनु पिप मेको कली मान पथ बोक्‍माक्‍त। मिनु आ ममा आ ङोंइती बाप्‍शा मान पा, आ नित्‍तीकेम निस्‍से बाक्‍त। पिप सोलोमनम आ ममा कली नित्‍चा कली नित्‍तीक का चाक्‍पदा बाक्‍त। मिनु मेको पिप आ ग्‍युरा गे निस्‍से बाक्‍त।

२ राजा 2:12

मिनु एलीशाम मेको तशा, वाइ ब्रेश्‍शा “ए आं आफ! ए आं आफ! इस्राएल ङा बग्‍गी नु शारा ङोइक्‍बपुकी” देंमाक्‍त। मिनु मेना रे एलीशाम एलीया कली लेंशा मतवा बाक्‍त। मिनु नोले मेकोमी आ वा जेर खाक्‍गा बाक्‍त। २राजा ६:२१; २राजा १३:१४

प्रस्‍थान 21:15

सुम आ आम आफ आस कली तुप्‍बा, मेको थमा पा साइक्‍चा पुंइसीब।

प्रस्‍थान 21:17

सुमी आ आम आफ आस कली सराप पाइबा, मेको थमा पा साइक्‍चा पुंइसीब।

हितोपदेस 15:5

मूर्खमी आ आम आफ आस शेंशो लोव़ मपाइब। तन्‍न सुमी शेंशो नेंशा पाइबा, मेको होस पाइब बाक्‍ब।

हितोपदेस 17:6

खाल्‍पा खाल्‍पी आन सिरपेच आन चच युइ नमी। मिनु आल आन ग्‍योम्‍सीशो आन आम आफ बाक्‍नीम।

हितोपदेस 20:20

सुम आ आम आफ आस कली सराप पाइबा, मेको आ बत्ती नेल्‍ल क्‍येङा छिङछिङमी काप्‍ब। हितोपदेस ३०:१७; प्रस्‍थान २१:१७

हितोपदेस 28:24

सुमी आ आम आफ आस मार मार रोइश्‍शा “आं शोंप बाक्‍ब” देंबा, मेको खतम पोक्‍ब आ वारच बाक्‍ब। मत्ती १५:५

हितोपदेस 3:16

मेको आ ग्‍युरा गुइमी शुश ब्रोंइतीक नाक्‍त बाक्‍नीम। आ पेरा गुइमी शोंप नु मान ततीके बाक्‍ब।

हितोपदेस 30:11

का निक्‍शी मुरुमी आन आफ कली सराप पाइनीम। मिनु आन आम कली आसीक मगेनीम।

हितोपदेस 30:17

आफ कली शुक्‍शी पाइब नु आम कली मटीब मुर आन मिक्‍च खदीमी कोक्‍शा ग्रुंइनीम। मिनु गिदपुकीमी ब्‍वाइ‍नीम। हितोपदेस २०:२०

येरमीया 35:18

मिनु येरमीयामी रेकाबी आन चच युइ आन कली “मुर नेल्‍ल आन परमप्रभु यावे, इस्राएली आन परमप्रभुमी गेपुकीम इन किकी योनादाब आ देंशो टिना टिन नु मेको आ शेंशो नेल्‍ल नु इन कली अरेशो नेल्‍ल पाइतीनी।

येरमीया 35:7

मेको प्रोंइशा यो गेपुकीम गेनायो खिं मसेलीन। वांचेर मशोक्‍कीन। अङगुर मख्रुमीन। गेपुकीम मोदेंशो गेय गेनायो मपने। तन्‍न इन बाक्‍शो रागीम शुश सम्‍म ब्रोंइमल, दे गेना हना यो ताम्‍बुपुकीम बाक्‍शा हिरशा गाक्‍कीन’ दे शेंशो बाक्‍त।

इजीकीएल 22:7

मिनु मेकेरन आल आन आम आफ तशा महिक्‍नीम। मेकेरन अर्को रागी ङा मुर आन कली दिप्‍‍नीम। मिनु रोम रोइक्‍च नु आन वोंइश बेक्‍शो मीश मुर आन कली मरिम्‍शो पाइनीम। प्रस्‍थान २२:२०-२१

लेवी 19:3

गे नेल्‍लेमी इन आंम आफ आस कली मान पने। मिनु आं नाइक्‍तीक नाक्‍ती नांइसीन। गो परमप्रभु यावे, इन परमप्रभु नङ। प्रस्‍थान २०:१२; प्रस्‍थान २०:८

लेवी 19:32

गे खूशो आ ङोंइती बोक्‍कीन। खाल्‍पी खाल्‍पा आन कली मान पने। मिनु इन परमप्रभु कली मान पा हिनीन। गो परमप्रभु यावे नङ।

मलाकी 1:6

मिनु मुर नेल्‍ल आन परमप्रभु यावेमी आ नें आइक्‍च सेल्‍ब चढ़ेब आन कली “तौपुकीमी आन आफ कली मान पाइनीम। मिनु गेय पाइबपुकीमी आन होव़प कली यो मान पाइनीम। गो इन आफ नङ हना, मारदे आं कली मान मपाइनीनी? गो इन होव़प नङ हना, मारदे आं कली मान पा महिंनीनी?” देंत। मिनु गेपुकीमी “गो दोपा इन नें आइक्‍च सेल्‍का?” देंतीनी। प्रस्‍थान २०:१२

मत्ती 19:19

आम आफ आस कली मान पा आस लोव़ टिचा। मिनु इ कली दाक्‍शो खोदेंशो पा इ नेक्‍था बाक्‍ब आन कली दाक्‍तो” देंत। प्रस्‍थान २०:१२-१६, लेवी १९:१८

मर्कूस 10:19

परमप्रभु यावे आ अरेशो लोव़ तुइक्‍नेवे। मसाइक्‍चा, वोंइश मीश आस नाता मख्रोइक्‍चा, खुइ मपचा, सांकछी बाक्‍शोनु, जोल मपचा, हिंच कोंइशा मारेइ मरोइक्‍चा, आम आफ आस कली मान पचा, दे ब्रेक्‍शो बाक्‍ब” दे मदा बाक्‍त। प्रस्‍थान २०:१२-१७

मर्कूस 7:10

मोसामी ब्रेक्‍शो लोव़ का ‘आम आफ आस कली मान पचा’ मिनु लोव़ का ‘सु सुमी आम आफ आस कली मरिम्‍शो लोव़ पामे, मेकोपुकी साइक्‍चा पुंइसमल’ दे ब्रेक्‍शो बाक्‍त। प्रस्‍थान २०:१२; प्रस्‍थान २१:१७

लूका 18:20

परमप्रभु यावेम ब्रेक्‍पाइश्‍शो लोव़ तुइक्‍नीनी ‘वोंइश मीश आस नाता मख्रोइक्‍चा, मसाइक्‍चा, खुइ मपचा, सांकछी बाक्‍शोनु जोल मपचा, आम आफ आस कली मान पचा’ ” दे मदा बाक्‍त। प्रस्‍थान २०:१२-१६

एफिसी 5:21

गेपुकी ख्रीस्‍त कली मान पा हिंशा बिम्‍मुने। १पत्रुस ५:५

ब्‍यवस्‍था 11:8

मोपतीके गो मुलाक्‍ती इन कली दें‍शो परमप्रभु यावे आ शें‍शो नेल्‍ल टिशा पने। मेको पाइतीनी हना, गेपुकी बोल्‍यो दुम्‍नीनी। मिनु खोला शोक्‍शा इन के सेल्‍चा चिक्‍शो रागीम ओव़शा, थमा पा इन के सेल्‍ने चाप्‍नीनी।

ब्‍यवस्‍था 11:9

मोपा गे परमप्रभु यावेमी इन किकी पिपी नु आन चच युइ, इन कली, गेशो रागीम शुश ब्रोंइशा बाक्‍चा ताइनीनी। मेको रागीम शुश दूध नु खुदो बाक्‍ब। प्रस्‍थान ३:१७

ब्‍यवस्‍था 21:18

मिनु मुर का हेंथे गाक्‍ब मटीब तौ का बाक्‍त हना, मेको आ आम आफ आस देंशो काइ मटीब बाक्‍त हना, तुप्‍शा, शेंशा यो मेको आस देंशो मटिप्‍तु हना, ब्‍यवस्‍था २७:१६; प्रस्‍थान २०:१२

ब्‍यवस्‍था 25:15

तन्‍न इन खिंमी ठीक नाक्‍तीक नु ठीक पुक्‍तीक बाक्‍चा माल्‍नीम। मो पाइतीनी हना, परमप्रभु यावे, इन परमप्रभुमी गेशो रागीम शुश नाक्‍त ब्रोंइनीनी।

ब्‍यवस्‍था 27:16

मिनु “सु मुरुमी आंम आम आफ कली मान मपाइब, मेको मुर सराप राइब” देंतेक्‍म। मिनु मुर नेल्‍लेमी “आमेन, मोदेंशो दुम्‍ल” देंचा माल्‍नीम। प्रस्‍थान २१:१७

ब्‍यवस्‍था 32:47

मारदे हना एको इन कली आइक्‍च लोव़ ममाइ। एको इन ब्रोंइतीक बाक्‍ब। एको पशा, गेपुकी यर्दन शोक्‍शा इन के सेल्‍शो रागीम शुश नाक्‍त ब्रोंइनीनी” दे माइक्‍तीमी। लेवी १८:५

ब्‍यवस्‍था 4:26

गो मुलाक्‍ती सरीङ नु रागी कली इन दूली पशो आ पर्बम सांकछी वोइक्‍नुङ। गे यर्दन आइक्‍ची हांबु ङा इन के सेल्‍चा चिक्‍शो रागीम रीब पा खतम दुम्‍नीनी। गे शुश नाक्‍त मेकेर बाक्‍चा मताइनीनी। गे क्‍याम्‍चा पुंइसीनीनी। ब्‍यवस्‍था ३०:१९; ब्‍यवस्‍था ३१:२८; ब्‍यवस्‍था ३२:१;

ब्‍यवस्‍था 4:40

मुलाक्‍त गो इन कली माइश्‍शो परमप्रभु यावे आ फुल्‍लुम मुशा ब्रेक्‍शो लोव़ नु आ शेंशो टिने। मो पाइतीनी हना, इन आल नु चच आन कली रिम्‍शो दुम्‍ब। मिनु परमप्रभु यावे, इन परमप्रभुमी इन कली गेना हना यो बाक्‍चा कली गेशो रागीम गे शुश नाक्‍ती बाक्‍चा ताइनीनी।

ब्‍यवस्‍था 5:16

परमप्रभु यावे, इन परमप्रभुमी अरेशो खोदेंशो पा इन आंम आफ कली मान पने। मो पाइतीनी हना, परमप्रभु यावे, इन परमप्रभुमी इन कली गेशो रागीम रोइ मपथु, शुश नाक्‍त ब्रोंइशा बाक्‍नीनी।

ब्‍यवस्‍था 5:33

परमप्रभु यावे, इन परमप्रभुमी इन कली कोंइशो लां ठीक पा गाक्‍कीन। मो पाइतीनी हना, गे ब्रोंइनीनी, इन कली रिम्‍शो दुम्‍ब नु इन के सेल्‍चा चिक्‍शो रागीम शुश नाक्‍ती ब्रोंइनीनी।

ब्‍यवस्‍था 6:2

गेपुकी मबेक्‍नी सम्‍म परमप्रभु यावे, इन परमप्रभु कली मान पा हिंचा माल्‍नीनी। गो इन कली माइश्‍शो परमप्रभु आ फुल्‍लुम मुशा ब्रेक्‍शो लोव़ नु आ शेंशो नेल्‍ले थुंम वोइक्‍चा माल्‍नीनी। गे, इन तौ नु इन चच युइ नेल्‍लेमी होस पा टिचा माल्‍नीमी। मो पाइतीनी हना, शुश नाक्‍त ब्रोंइनीनी।

कलस्‍सी 3:20

गे आलपुकी, इन आंम आफ कली नेल्‍लेम टिने। मो पाइतीनी हना, प्रभु ग्‍येरब।

रूथ 3:6

मिनु रूथ क्‍योव़ज तुप्‍तीके लशा, आ शिमी आ देंशो खोदेंशो पवा बाक्‍त।

१ सामुएल 22:3

मेकेर रे मेकोपुकी मोआब ङा मिस्पे लमा बाक्‍त। मिनु मोआब ङा पिप कली “परमप्रभुम आं पर्बम मार पाइ‍बा, मेको मतुइक्‍तु सम्‍म आं आंम आफ आस कली इन बाक्‍तीकेम बाक्‍चा गेने” देंमाक्‍त। २सामुएल ८:२; रूथ १:३