प्रस्‍थान 20:11 - Sunuwar Bible

¹¹ मारदे हना परमप्रभु यावेमी ६ नाक्‍तीमी सरीङ नु रागी, ठेयब समुन्‍द्र नु ठेयब समुन्‍द्रमी बाक्‍शो नेल्‍ल आन कली सेल्‍तु। मिनु नोले ङा नाक्‍त नांइसाक्‍व। मोपतीके परमप्रभु यावेमी ‘मेको आं नाक्‍त बाक्‍ब’ दे मेको नाक्‍त कली आसीक गेशो बाक्‍ब। उत्‍पत्ती २:२-३

प्रस्‍थान 20:11 ပူးပေါင်းရင်းမြစ်များ

उत्पत्ती 1:28

मिनु परमप्रभुमी मुर आस कली आसीक गेशा “सोशा बोशा, तमी तौ थिशा, रागी प्रिंशा, रिम्‍शो पा हुकुम पस। समुन्‍द्र ङा ङांइ, सरीङम बेरब चिक्‍ब, रागीम बाक्‍ब जन्‍तु नेल्‍ल नु खपीम ग्रेशा गाक्‍ब आइक्‍च जन्‍तु नेल्‍ल आन कली रिम्‍शो पा हुकुम पसे” देंमाक्‍त।

उत्पत्ती 1:31

मिनु परमप्रभुमी आ सेल्‍शो नेल्‍ल तशा “शुश रिम्‍शो दुम्‍त” देंमाक्‍त। मिनु नां रिक्‍शा, नां सोव़शा, मेको ६ नाक्‍त दुम्‍माक्‍त। मत्ती १९:१७; १तिमोथी ४:४

प्रस्‍थान 31:17

गो नु इस्राएली इन दातेमी मेको गेना हना यो लीब चिन्‍ड बाक्‍ब। परमप्रभु यावेमी ६ नाक्‍तीमी सरीङ नु रागी सेल्‍ने थुम्‍तु। ७ नाक्‍ती चहिं नांइसीशा, आ दशो सात’ दे इस्राएली आन कली माइक्‍चा माल्‍नेवे” दें‍त। प्रस्‍थान १६:२३,२५; उत्‍पत्ती २:२

प्रस्‍थान 8:22

मेको मो दुम नाक्‍ती आं मुर आन बाक्‍तीक गोशेनमी चहिं डांस मग्रूपाइक्‍नुङ। अरु इजीप्‍त रागीमी ग्रूपाइक्‍नुङ। आं पर्बम तुइक्‍पाइक्‍चा कली मो पाइनुङ। मिनु गे आं पर्बम परमप्रभु यावे मेको रागीम बाक्‍ब, दे तुइक्‍चा माल्‍नेवे। प्रस्‍थान ७:५

प्रस्‍थान 9:29

मिनु मोसामी “गो सहर रे लशा, इन पर्बम आं गुइ पोक्‍शा, परमप्रभु यावे कली पुंइनुङ। नोले बुंबु पचा नु मुप्‍स यिचा नाइक्‍ब। मिनु गे रागी नेल्‍ल परमप्रभु यावे केन बाक्‍ब, दे तुइक्‍नीनी। प्रस्‍थान ७:५

यसैया 42:10

परमप्रभु यावे कली नक कुम्‍सो का पने। रागी आ सुर ङा मुरपुकी परमप्रभु यावे कली कुम्‍सो पशा ठेयब सेलीन। समुन्‍द्र नु समुन्द्रम बाक्‍बपुकी परमप्रभु कली ठेयब सेलीन। समुन्‍द्र आ नेक्‍था बाक्‍ब नेल्‍लेमी मेको कली ठेयब सेलीन। भजन संग्रह ३३:३

यसैया 48:13

गो रागी आ जग वोइक्‍ता। आं ग्‍युरा गुइमी सरीङ प्राक्‍ता। मेको आन कली ब्रेत्‍तुनु नेल्‍ल ग्रूशा राप्‍नीम।

प्रेरित 14:15

मिनु ठेयब सेंदा पा “ए गेपुकी, मार पचानी? गो देवता मनस्‍कु, इन खोदेंशो मुर कका नस्‍कु। इन कली ग्‍येरपाइक्‍ब लोव़ शेंथ जाक्‍शो नस्‍कु। मूर्ति पूजा पचा प्रोंइशा, गेना हना यो ब्रोंइशा बाक्‍ब परमप्रभु यावे गे इन थुं हिरदीने। मेकोमी सरीङ, रागी, समुन्‍द्र नु मेकेर मार मार बाक्‍मा, मेको नेल्‍ल सेल्‍शो बाक्‍ब, दे तुइक्‍तीने। प्रेरित १०:२६

प्रेरित 20:7

आइतबार नाक्‍त प्रभु भोज जथ खुम्‍साक्‍क। मिनु पावलमी दीसा लचा माल्‍ब देंशा, नाक्‍दो उइक्‍थ दुम सम्‍म शुश लोव़ पाप्‍तु। मत्ती २८:१; प्रेरित २:४२,४६

प्रेरित 4:24

मिनु आस लोव़ नेंशा, नेल्‍ल थुं का पा परमप्रभु यावे कली ठेयब सेल्‍शा “परमप्रभु यावे, नेल्‍ल आन कली सासन पाइब, गे सरीङ, रागी, समुन्‍द्र नेल्‍ल सेल्‍तीनी। मिनु मेकेर बाक्‍शो मारेइ मारेइ सेल्‍तीनी। मिनु मेको आन कली कोव़नीनी।

ब्‍यवस्‍था 5:15

मिनु गेपुकी इजीप्‍तमी वाइल दुम्‍तीके मप्रेंदीन। परमप्रभु यावे, इन परमप्रभुमी शुश सक्ति पाइश्‍शो नु आ ठेयब बोल पतीकेमी इन कली ग्रुंइशा, एक चाक्‍तु। मोपतीके परमप्रभु यावे, इन परमप्रभुमी इन कली नाइक्‍तीक नाक्‍ती नाइक्‍चा माल्‍ब, दे अरे‍शो बाक्‍ब। ब्‍यवस्‍था १५:१५; ब्‍यवस्‍था १६:१२; ब्‍यवस्‍था २४:१६,२२

हिब्रू 4:4

परमप्रभु यावेमी रागी मारेइ मारेइ सेल्‍शा, ७ नाक्‍त आ पर्बम “परमप्रभु यावेमी नेल्‍ल सेल्‍ने थुम्‍शा, ७ नाक्‍तीमी नाइक्‍से बाक्‍त” दे ब्रेक्‍शो बाक्‍ब। उत्‍पत्ती २:२

प्रकाश 10:6

मिनु मेकोमी दोपा कसम जाप्‍तु देंशा हना, गेना हना यो ब्रोंइशा बाक्‍ब, सरीङ नु सरीङम बाक्‍ब नेल्‍ल सेल्‍ब, रागी नु रागीम बाक्‍ब नेल्‍ल सेल्‍ब, समुन्‍द्र नु समुन्‍द्रम बाक्‍ब नेल्‍ल सेल्‍ब, परमप्रभु यावे आ नेंमी “मुल देश मपचा” दे कसम जाप्‍तु। दानीएल १२:७