प्रस्‍थान 2:11 - Sunuwar Bible

¹¹ मिनु नोले मोसा ठेयब दुम्‍शा, आ लोक्‍ब आन कली ग्रुम्‍थ लशा, आन श्‍येत जशो ताप्‍तु। मेकोमी इजीप्‍त रागी ङा मुरुमी आ हिब्रू लोक्‍ब का कली तुप्‍शो ताप्‍तु। प्रेरित ७:२३-२९; हिब्रू ११:२४-२७

प्रस्‍थान 2:11 ပူးပေါင်းရင်းမြစ်များ

प्रस्‍थान 1:11

मोपतीके मेकोपुकीमी इस्राएली आन कली श्‍येत गेशा, गेय पपाइक्‍चा कली कोव़ब ठेयब मुरपुकी वोदमे बाक्‍त। मिनु इस्राएलीपुकीमी फाराओ माइश्‍शो पिप आ मार मार वोइक्‍चा कली पिथोम नु रामे‍सेस सहर निक्‍शी सेल्‍मे बाक्‍त। उत्‍पत्ती १५:१३; उत्‍पत्ती ४७:११

प्रस्‍थान 3:7

मिनु परमप्रभु यावेमी “गो इजीप्‍त रागीमी बाक्‍शो आं मुर आन श्‍येत ताता। मेको आन कली गेय पपाइक्‍ब आन पर्बम ङाक्‍नीमी। गो आन ङाक्‍शो नेंता, ताता। गो आन श्‍येत जशो तुइक्‍ताक्‍ङ। प्रस्‍थान २:२३

प्रस्‍थान 5:14

फाराओ आ गेय पपाइक्‍ब इस्राएली कोव़बपुकी यो वोइश्‍शो बाक्‍मा बाक्‍त। मेको आन कली तुप्‍शा “ङोंइती ङा खोदेंशो पा सिनाक्‍ती मुलाक्‍ती इंटा मारदे मसेल्‍नी?” दे इस्राएली कोव़ब आन कली हुइक्‍तमे बाक्‍त।

प्रस्‍थान 5:4

मिनु इजीप्‍त ङा पिपम मेको आस कली “मोसा नु हारून, गे मारदे मुर आन कली आन गेय क्‍योल्‍चा माल्‍नीसी? इस गेय पथ लस” देंत।

प्रस्‍थान 5:5

मिनु फाराओमी लेंशा “नेनीस, इस जात ङा मुर शुश दुम्‍तेक्‍म। गे मेको आन कली आन गेय रे नाइक्‍चा गेचा माल्‍सी?” दे मोसा नु हारून आस कली हुइक्‍ताक्‍व। प्रस्‍थान १:७,१२

प्रस्‍थान 5:9

मेको मुर आन कली शुश गेय पपाइश्‍शा श्‍येत गेचा माल्‍नीनी। मेकोपुकीम गेय पा बाक्‍मानु, दूली लोव़ मनेंनीम” दे आ मुर आन कली देंमाक्‍त।

प्रस्‍थान 6:6

मोपतीके गो इस्राएली आन कली ‘गो परमप्रभु यावे नङ। गो इजीप्‍त ङा मुर आन गेशो श्‍येत नु इन वाइल दुम्‍शो गेय रे प्रोंइनन्‍नी। गो इजीप्‍त ङा मुर आन कली ठेयब सजाइ गेशा, आं ठेयब सक्तिमी इन कली ग्रुंइनुङ।

प्रस्‍थान 6:7

मिनु गो इन कली आं मुर सेल्‍नुङ। गो इन परमप्रभु दुम्‍नुङ। मिनु गो इन कली इजीप्‍त ङा मुर आन गेशो श्‍येत रे ग्रुंइब, परमप्रभु यावे, इन परमप्रभु नङ, दे तुइक्‍चा माल्‍नीनी।

यसैया 58:6

आं दाक्‍शो माइजा बाक्‍तीके मार बाक्‍ब, देंशा हना, ठीक निसाफ मतशो आन कली प्रोंइचा नु दिप्‍शा श्‍येत गेचा पुंइसीशो आन जुवा प्रुइक्‍चा बाक्‍ब।

मत्ती 11:28

गे श्‍येत जशो नु भारीम चिप्‍चा पुंइसीशोपुकी, आं गे जाक्‍कीन। मिनु नाइक्‍चा गेनन्‍नी। मत्ती १२:२०; मत्ती २३:४; येरमीया ३१:२५

लूका 4:18

“परमप्रभु यावे आ सोक्‍त आं तार बाक्‍ब। मारदे हना परमप्रभु यावेमी तेल लुक्‍‍ताक्‍यी। मेकोमी आं कली दिप्‍‍शो प्रुङग मुर आन कली ग्‍येरपाइक्‍ब लोव़ नेंपाइक्‍चा कली, ग्‍याइश्‍शा चोक्‍चा पुंइसीशो मुर आन कली प्रोंइ‍चा कली, मिक्‍च मताइब आन कली तपाइक्‍चा नु श्‍येत जाइब आन कली श्‍येत रे प्रोंइशा, रिम्‍शो पा बाक्‍चा गेचा कली सोइक्‍ताक्‍यी। यसैया ४२:७