प्रस्‍थान 2:10 - Sunuwar Bible

¹⁰ मेको नोले आल कोल्‍माक्‍त। मिनु काबु मेकोमी मेको आल फाराओ आ तमी कली लाइश्‍शा, गेवा बाक्‍त। मिनु आ तौ खोदेंशो दुम्‍माक्‍त। मिनु पिप आ तमीमी मेको आ नें मोसा वोदा बाक्‍त। मारदे हना “गो मेको कली ब्‍वाक्‍कु रे ग्रुंइताक्‍ङ” देंमाक्‍त। मोसा आ अर्थ हिब्रू लोव़मी “ब्‍वाक्‍कु रे ग्रुंइशो” देंशो बाक्‍ब।

प्रस्‍थान 2:10 ပူးပေါင်းရင်းမြစ်များ

उत्पत्ती 16:11

मिनु परमप्रभु यावे आ स्‍वर्ग ङा गेय पाइबमी लेंशा “नेनो, गे कोव़ज कुरशो बाक्‍नेवे। तौ का थीनेवे। मेको कली इश्‍माएल नें वोइक्‍चा माल्‍नेवे। मारदे हना परमप्रभु यावेमी इ श्‍येत ताप्‍तु। प्रस्‍थान २:२३; अय्‍युब ३४:२८; भजन संग्रह ९:१३; यसैया ४१:१७; याकूब ५:४

उत्पत्ती 4:25

मिनु आदम लेंशा आ मीश नु इप्‍‍शा, तौ का थि‍माक्‍त। मेको कली सेथ नें वोदा बाक्‍त। हव्‍वामी “परमप्रभुमी हाबील आ पा ङा अर्को तौ का गेती। मारदे हना काइनमी हाबील कली साइक्‍तु” देंमाक्‍त।

उत्पत्ती 48:5

आं जाक्‍चा ङोंइती, इजीप्‍त रागीम जरमेशो एफ्राइम नु मनस्‍से, इ तौ निक्‍शी आं मुर दुम्‍चा माल्‍नीस। रूबेन नु सिमियोन खोदेंशो पा आं केन दुम्‍चा माल्‍नीस। उत्‍पत्ती ४१:५०-५२

२ सामुएल 22:17

मेकोमी इर रे आ गुइ दिंशा ग्‍याइक्‍ताक्‍यी। आं कली ठेयब समुन्‍द्र रे कीशा ग्रुंइताक्‍यी।

प्रस्‍थान 2:9

मिनु फाराओ आ तमीमी मेको मीश मुर कली “एको आल आं कली थुलो। एको आल थुल्‍शो ङा, इ कली क्‍येट गेनुङ” दे लोव़ पवा बाक्‍त। मिनु मीश मुरुमी आल लाइश्‍शा, थुला बाक्‍त।

मत्ती 1:21

नोले तौ का थीब। मेको कली येसु नें वोतो। मारदे हना मेकोमी आ मुर आन कली पाप रे प्रोंइब” दे तुइक्‍पदा बाक्‍त। लूका २:२१; प्रेरित ४:१२; भजन संग्रह १३०:८

गलाती 4:5

मेकोमी मुर दुम्‍शा, यहूदी आन पतीक पाइब आन कली प्रोंइशा, परमप्रभु यावे आ तमी तौ सेल्‍तीमी।

हिब्रू 11:24

मिनु मोसा मोपा कोल्‍शा ठेयब दुम्‍शा, परमप्रभु यावे कली थमा सुइश्‍शा, मार पवा बाक्‍त देंशा हना “मुल ङा मेरे फाराओ आ तमी आ तौ मदुम्‍नुङ, आं मुर नु लाइनुङ” दे लमाक्‍त।

१ यूहन्‍ना 3:1

इं आफोमी इं कली शुश दाक्‍शा “परमप्रभु यावे आ तमी तौ” दे नें वोइश्‍शो बाक्‍त। मिनु गोपुकी आ तमी तौ दुम्‍तय। मोपतीके रागी ङा मुरपुकीमी इं कली मतुइक्‍नीम। मारदे मतुइक्‍नीम देंशा हना, मेकोपुकीमी येसु ख्रीस्‍त कली यो मतुइक्‍नीम। यूहन्‍ना १:१२; यूहन्‍ना १६:३

१ सामुएल 1:20

मिनु नोले हान्‍नाहम कोव़ज कुरशा, तौ का थिमाक्‍त। मेकोमी आ नें सामुएल वोदा बाक्‍त। मारदे हना मेकोम “गो मेको परमप्रभु यावे नु पुंइशो नङ” देंमाक्‍त।