प्रस्थान 19:5 - Sunuwar Bible5 गे आं देंशो लोव़ पाइतीनी नु आं कबल पशो टीतीनी हना, गे नेल्ल जात जात ङा मुर आन दातेमी आं योव़शो मुर दुम्नीनी। मारदे हना रागी नेल्ल आं केन बाक्ब। ब्यवस्था ५:२; ब्यवस्था ७:६ အခန်းကိုကြည့်ပါ။ |
प्रस्थान 19:5
54 ပူးပေါင်းရင်းမြစ်များ
मिनु मेकोमी “गे परमप्रभु यावे, इन परमप्रभु आं लोव़ नेंशा, आं ङोंइती ठीक पाइतीनी हना, आं शेंशो लोव़ नेंशा, टिशा, आं अरेशो लोव़ टीतीनी हना, गो इजीप्त रागी ङा मुर आन कली पपाइश्शो रोइ इन कली मपपाइक्नुङ। मारदे हना गो इन कली सापाइक्ब परमप्रभु यावे नङ” देंत। ब्यवस्था ७:१५; उत्पत्ती २०:१७; ब्यवस्था ३२:३९; भजन संग्रह ३०:३; यसैया ५७:१८
मारदे हना दोपा मुरुम आ धोती रांम पांइसीशो बाक्बा, मोपा गो इस्राएल आ खिं ङा मुर नेल्ल नु यहूदा आ खिं ङा मुर नेल्ल आन कली आं मुर दुम्मल, दे आं नेक्था वोइक्तामी। आं कली मान पामेक्ल, आं कली ठेयब सेल्मेक्ल, आं दारसम ग्योम्सीमल, दे पांइसाक्यी। तन्न मेकोपुकीमी आं देंशो लोव़ आन नोफा मदाइक्तेम” दे परमप्रभु यावेम देंत।
तन्न गो मेको आन कली मार अरेतीक का गेतामी देंशा हना ‘आं देंशो टिने। मिनु गो इन परमप्रभु नङ। मिनु गे आं मुर दुम्नीनी। गो इन कली तेको लां लचा, दे अरेनुङा, मेको लां गाक्कीन। मो पाइतीनी हना, इन कली रिम्शो दुम्ब’ देंती। येरमीया ११:४; येरमीया २४:७; येरमीया ३०:२२; येरमीया ३१:१,३३; येरमीया ३२:३८; लेवी २६:१२; इजीकीएल ११:२०; इजीकीएल १४:११; इजीकीएल ३४:३०; इजीकीएल ३७:२७
गेपुकीमी परमप्रभु यावे, इन परमप्रभुम आ कली योव़शो मुर बाक्नीनी। मोपतीके आंमा बेक्शो जन्तुपुकी ब्वचा मदुम्नीनी। गे नु बाक्शो अर्को रागी ङा मुर आन कली मेको गेने चाप्नीनी। मेकोपुकीमी मेको ब्वाम्तेक्म हना यो, लेयतेक्म हना यो, ठीक दुम्ब। क्यारश आ पाठा आ ममा आ दूधम मक्येने। प्रस्थान २२:३०; प्रस्थान २३:१९
येसु ख्रीस्तम आंम कली काइ ममिम्थु, साइक्चा पुंइसाक्व। मारदे साइक्चा पुंइसाक्व देंशा हना, इं कली मटितीके रे प्रोंइचा कली साइक्चा पुंइसाक्व। मिनु इं कली परमप्रभु यावे आ योव़शो मुर सेल्चा नु इं कली शुश रिम्शो गेय पपाइक्चा कली आंम कली साइक्चा, दे जिम्मा गेसाक्व। गलाती १:४; १तिमोथी २:६; प्रस्थान १९:५; एफिसी २:१०
तन्न गे परमप्रभु यावे आ योव़शो मुर दुम्तीके, आ राज्य ङा चढ़ेब परमप्रभु यावे आ रागी ङा मुर दुम्तीनी। मारदे मोदेंशो दुम्तीनी देंशा हना, परमप्रभु यावेमी इन कली रिम्शो पशा, छिङछिङ रे ग्रुंइशा, आंम आ छक लाक्चा ङा छेङछेङमी वोइश्शो बाक्त। मिनु अरु नेल्ल आन कली शेंचा, दे मोदेंशो दुम्तीनी। प्रस्थान १९:६; यसैया ४३:२१; प्रकाश १:६; ब्यवस्था ४:२०; ब्यवस्था ७:६; एफिसी ५:८
मिनु सामुएलमी “परमप्रभु यावेमी चोशा चढ़ेशो नु अरु चढ़ेशो क्येङा आ देंशो टिशो दाक्ब। थमा पा, चढ़ेशो क्येङा आ देंशो टिचा रिम्शो बाक्ब। मिनु सांड आ बोंसो चढ़ेचा क्येङा आ देंशो टिचा रिम्शो बाक्ब। यसैया १:११-१७; येरमीया ७:२२; होसे ६:६; आमोस ५:२१-२२; मीका ६:६-८; जकरिया ७:५-७; मत्ती ९:१३; मत्ती १२:७
ကြော်ငြာတွေ