प्रस्‍थान 19:18 - Sunuwar Bible

¹⁸ मिनु सीनै डांडा कुनै कुन दुम्‍‍त। मारदे हना परमप्रभु यावे मेकेर मीम तोंइसाक्‍व। मेको मार मार चोशो खोदेंशो पा ठेयब कुन ग्रू्‍त। मिनु डांडामी ठेयब ख्रिनु कु‍त। उत्‍पत्ती १५:१७

प्रस्‍थान 19:18 ပူးပေါင်းရင်းမြစ်များ

उत्पत्ती 11:5

मिनु परमप्रभु यावे मेको मुरपुकीमी सेल्‍शो सहर नु सरीङ थिचशो ठेयब लाइश्‍शो खिं कोव़थ यिमाक्‍त। उत्‍पत्ती १८:२१; भजन संग्रह १४:२

उत्पत्ती 15:17

मिनु नां रिक्‍शा, छिङछिङ दुम्‍शा नोले मी ब्रशो चुप्‍लु का ग्रूमाक्‍त। मिनु ब्रशो तोव़शी का मेको श्‍ये आ एर ओंथ गाक्‍माक्‍त। प्रस्‍थान १९:१८

उत्पत्ती 19:28

मिनु सोदोम नु गोमोररा सहर ङा दिंम ङा रू नेल्‍ल कोव़ङा बाक्‍त। मिनु मेको सहर निक्‍शी नु रू नेल्‍ल रे ठेयब चुप्‍लु ङा मी खोदेंशो पा कुन ग्रूशो तवा बाक्‍त।

नेहेम्‍याह 9:13

गे सीनै डांडामी यितीनी। मिनु स्‍वर्ग रे मेकोपुकी नु लोव़ पाइतीनी। गे मेको आन कली इन ठीक पतीक लोव़, थमा शेंतीके, इन रिम्‍शो फुल्‍लुम मुशा ब्रेक्‍शो लोव़ नु इन शेंतीके गेतीनी। प्रस्‍थान १९:१८; प्रस्‍थान २०:१-१७

भजन संग्रह 104:32

गे रागी कली कोव़नीनु, मेको ख्रिंख्रि पाइब। गे डांडा कली थिनीनु, कुन ग्रूब।

भजन संग्रह 114:4

डांडा बोका खोदेंशो पा प्रेक्‍तेक्‍म। पहाड भेडा खोदेंशो पा प्रेक्‍तेक्‍म।

भजन संग्रह 114:7

रागी, परमप्रभु आ ङोंइती ख्रिंख्रि पावो। याकूब आ परमप्रभु आ ङोंइती ख्रिंख्रि पावो। प्रस्‍थान १९:१८

भजन संग्रह 144:5

परमप्रभु यावे, इन सरीङ रे तोइश्‍शा यिने। डांडा आन कली थिशा, कुन ग्रूपतीन। भजन संग्रह १८:१०-१७

भजन संग्रह 18:9

मिनु परमप्रभु सरीङ रे यित। आ खोइल आगामी क्‍येर गोस्‍स के छिङछिङ बाक्‍त। भजन संग्रह १४४:५-७

भजन संग्रह 68:9

परमप्रभु, गे ठेयब रेउ यिपाइक्‍तीनी। इन सोव़ने थुम्‍शो रागी जिप्‍पाइक्‍तीनी।

भजन संग्रह 77:18

फश गिवारम इन बुंबु पशो नेंसाक्‍व। इन चिलामी रागी नेल्‍ल छेङछेङ दुम्‍त। रागी ख्रिंख्रि पा हिम्‍साक्‍व।

भजन संग्रह 77:19

इन लां समुन्‍द्र रे पा लशो बाक्‍त। इन गाक्‍शो लां ठेयब समुन्‍द्र आ दातेमी बाक्‍त। मो हना यो इन खोइलीम दिम्‍शो मारेइ मतांइसे। प्रस्‍थान १४:२१-३१

प्रस्‍थान 19:13

मुर आन गुइमी थरपु थिचा मदुम्‍ब। मेको थरपु थीबा बस्‍तु भाव बाक्‍तेक्‍म हना यो, मुर बाक्‍तेक्‍म हना यो, मेको कली फुल्‍लु आप्‍शा हना यो ब्रा आप्‍शा हना यो साइक्‍चा माल्‍नीनी’ दे इस्राएली आन कली शेंचा माल्‍नेवे। तुराही आ ठेयब सेंदा नेंशा नोले ला, मेकोपुकी डांडा ङोइक्‍चा माल्‍नीमी” दें‍त। हिब्रू १२:१८-२०

प्रस्‍थान 19:17

मिनु मोसामी इस्राएली आन कली परमप्रभु कली ग्रुम्‍थ जाक्‍कीन, दे आन बाक्‍तीक रे ग्रुंइताक्‍व। मेकोपुकी डांडा आ पुंमी राप्‍शा बाक्‍शो बाक्‍तेक्‍म।

प्रस्‍थान 20:18

मिनु मुरपुकी ङोन बाक्‍मानु, बुंबु पशो नेंशा नु चिला पशो तशा, तुराही ताप्‍शो नेंशा, डांडा रे कुशो कुन तशा, ङोन लशा हिंशा ख्रिंख्रि पा, कोव़शा बाक्‍तेक्‍म।

प्रस्‍थान 24:17

मिनु परमप्रभु यावे आ छेङछेङ इस्राएली आन कली डांडा तारी थम ठेयब ब्रशो मी खोदेंशो पा तांइसाक्‍व। ब्‍यवस्‍था ४:२४; ब्‍यवस्‍था ९:३; हिब्रू १२:२९

प्रस्‍थान 3:2

मेकेर परमप्रभु यावे आ स्‍वर्ग ङा गेय पाइब मी ब्रशो बुटा रे ग्रूत। ङोंइती दोदेंशो बाक्‍‍त देंशा हना, मोसामी ङोन रे कोव़ङानु, ब्रशो बुटा का कली मीम काइ मनेक्‍शो ताप्‍तु। ब्‍यवस्‍था ३३:१६

प्रस्‍थान 34:2

सुनी कना बोक्‍शा, सीनै डांडा ङोइश्‍शा, आं ङोंइती जाक्‍को।

यसैया 6:4

मेको आन ब्‍वाक्‍शो रेयकेमी परमप्रभु यावे आ खिं ङा जग हिम्‍सीशा, कुनम ब्रीत।

यसैया 64:1

परमप्रभु यावे, गे सरीङ रोक्‍शा, यिनी हना, रिम्‍शो दुम वा। इन ङोंइती डांडा हिम्‍सीम वा।

येरमीया 4:24

मिनु गो डांडा आन कली कोव़ङुनु, मेकोपुकी ख्रिंख्रि पशो बाक्‍तेक्‍म। पहाड नेल्‍ल एर ओंथ हिम्‍‍सीशो बाक्‍तेक्‍म।

हबकुक 3:6

मेको गाक्‍‍शा नाइश्‍शा, रागी हिम्‍पाइक्‍तु। मेकोमी कोव़ङानु, रागी रागी ङा मुर आन कली ख्रिंख्रि पपाइक्‍तु। गेना हना यो बाक्‍ब डांडा ब्रेत्‍नीम। मेको गेना हना यो लीब पहाड नेल्‍ल यशो खोदेंशो पा दिंम दुम्‍तेक्‍म। मेकोमी साइ ङोंइती रे मोदेंशो पशो बाक्‍त। भजन संग्रह १०४:३२

जकरिया 14:5

गेपुकी परमप्रभु यावे आ डांडा ङा बेंसी रे पा प्रोक्‍चा माल्‍नीनी। मेको आस दाते ङा बेंसी आसाल सम्‍म जाक्‍दीश्‍शो बाक्‍ब। गेपुकी यहूदा ङा पिप उज्‍जीयाह आ पालामी कुशो ख्रिनुमी मुरपुकी प्रोक्‍शो खोदेंशो पा प्रोक्‍नीनी। मिनु नोले परमप्रभु यावे, आं परमप्रभु आ मुर नेल्‍ल नु यीब। आमोस १:१

मत्ती 24:7

मारदे हना ङोंइती जात जात नु राज्‍य राज्‍यमी लडाइ पाइनीम। रागी रागीमी अन्‍काल दुम्‍ब, एर ओंथ ख्रिनु कुइब।

ब्‍यवस्‍था 33:2

“परमप्रभु यावे सीनै रे जाक्‍शो बाक्‍ब। मेको सेइर रे पा आंइ ङोंइती ग्रूत। मेको पारान डांडा रे पा टल्‍केसाक्‍व। मेको नु लाख लाख आ मुर बाक्‍तेक्‍म। आ ग्‍युरा गे आंम मुर ङा ठेयब हुल बाक्‍तेक्‍म। न्‍यायाधीस ५:४

ब्‍यवस्‍था 4:36

मिनु मेकोमी सरीङ रे इन कली शेंचा, दे आ सेंदा नेंपाइक्‍तु। मिनु खपीम इन कली आ ठेयब मी कोंइताक्‍व। गे मी आ दाते रे आ लोव़ पशो नेंतीनी। प्रस्‍थान २०:१,१८,२०

ब्‍यवस्‍था 5:22

परमप्रभु यावेमी डांडाम नेल्‍ल इन कली एको लोव़ नेंपाइक्‍तु। मेकोमी मी, गोस्‍स नु हिंचा ङा छिङछिङ खोदेंशो पा आ दाते रे ठेयब सेंदामी इन कली लोव़ पाप्‍तु। मिनु मेकोमी मारेइ मतेम्द। मिनु नोले मेकोमी मेको अरेशो लोव़ फुल्‍लु निक्‍शीम ब्रेक्‍शा, गेती। प्रस्‍थान ३१:१८

ब्‍यवस्‍था 5:4

परमप्रभु यावेमी गो आंइ नेक्‍था डांडाम बाक्‍शो, मी आ दाते रे लोव़ पाप्‍तु। ब्‍यवस्‍था ५:२४

२ थिस्‍सलोनिकी 1:7

गे श्‍येत जाइब इन कली नु आंइ कली इं थुं नाइक्‍चा गेब। गेना थुं नाइक्‍चा गेब देंशा हना, प्रभु येसु नु आ सक्ति पाइश्‍शो स्‍वर्ग ङा गेय पाइबपुकी सरीङ रे ग्रूची ना इं थुं नाइक्‍चा गेब। मत्ती १६:२७; मत्ती २५:३१-४६; १थिस्‍सलोनिकी ४:१६

२ थिस्‍सलोनिकी 1:8

मेको नु हुरुर पा ब्रशो मी सरीङ रे यीब। प्रभुमी परमप्रभु यावे कली मतुइक्‍ब नु आ ग्‍येरपाइक्‍ब लोव़ मटीब आन कली क्‍येक्‍क लेप्‍ब। रोमी २:८

हिब्रू 12:18

साइ इं किकी पिपीपुकीमी परमप्रभु यावे कली ग्रुम्‍शो खोदेंशो पा मग्रुम्‍नीनी। मेकोपुकीमी गुइमी थिचा ङा डांडामी मी ब्रशा तामे बाक्‍त। मिनु छिङछिङ दुम्‍शा क्‍येर गोस्‍स बोक्‍शा, फश गिवार पा बुंबु पवा बाक्‍त। गे मेक सम्‍म मजाक्‍शो बाक्‍नीनी। प्रस्‍थान १९:१२,१६,१८; ब्‍यवस्‍था ४:११

हिब्रू 12:26

परमप्रभु यावेमी लोव़ पवानु, ख्रिनु कुशो खोदेंब पा रागी नेल्‍ले हिम्‍से बाक्‍त। मुल इं कली मार लोव़ पाइब देंशा हना “मुल यो लेंशा काले रागी ला ममाइ, सरीङ यो हिम्‍नुङ” देंब। हग्‍गै २:६

२ पत्रुस 3:10

प्रभु जाक्‍मेनु, खुइ जाक्‍शो खोदेंशो पा जाक्‍ब। मेना सरीङ ठेयब रेयके पा जाम्‍ब। मारेइ मारेइ ग्रोइश्‍शा नुप्‍नीम। रागी नु रागीम बाक्‍शो मारेइ मारेइ मीम खतम दुम्‍नीम। १थिस्‍सलोनिकी ५:२-३; मत्ती २४:२९; प्रकाश २०:११; यसैया २४:१९

प्रकाश 15:8

मिनु परमप्रभु यावे आ खिं परमप्रभु आ छेङछेङ नु सक्ति ङा कुनमी ब्रीशो बाक्‍त। मिनु परमप्रभु यावे आ ७ जना स्‍वर्ग ङा गेय पाइबपुकीमी श्‍येत मगेमे सम्‍म सुइ परमप्रभु यावे आ खिं ओव़ने मचाप्‍बाक्‍तेक्‍म। यसैया ६:४; प्रस्‍थान ४०:३४; १राजा ८:१-११; इजीकीएल ४४:४

प्रकाश 9:2

मिनु मेकोमी ठेयब दुइश्‍शो पुं मपाइश्‍शो ढोडोङगा ङा लाप्‍चो रोक्‍गानु, कुन ग्रूत। मेको कुन ठेयब मी आ कुन खोदेंब तांइसाक्‍व। मेको कुन ग्रूमेनु, नां नु सरीङ छिङछिङ दुम्‍त। योएल २:२,१०

न्‍यायाधीस 5:5

मिनु सीनै डांडा ङा परमप्रभु यावे आ ङोंइती पहाडमी ख्रिनु कुत। परमप्रभु यावे, इस्राएली आन परमप्रभु आ ङोंइती डांडा ख्रिंख्रि पाप्‍तु। भजन संग्रह ६८:९