प्रस्‍थान 19:16 - Sunuwar Bible

¹⁶ मिनु मेको आ नित्‍थ नाक्‍ती डांडा तार बुंबु पा, चिला पा, ठेयब गोस्‍स का ग्रूत। मिनु तुराही का थम ठेयब सेंदा पा ग्री‍त। मेको नेंशा, इस्राएलीपुकी हिंशा, ङोन लशा, बाक्‍तेक्‍म।

प्रस्‍थान 19:16 ပူးပေါင်းရင်းမြစ်များ

२ सामुएल 22:10

मेको सरीङ रे तोंइसाक्‍व। मेको आ खोइली आगा क्‍येर गोस्‍स बाक्‍त।

२ इतिहास 5:14

मिनु मेको गोस्‍सुम खिं ब्रीतीके चढ़ेबपुकीम गेय पने मचाप्‍मे बाक्‍त। मारदे हना परमप्रभु यावे आ खिं आ छेङछेङम ब्रीशो बाक्‍माक्‍त। १इतिहास ७:१-३; प्रस्‍थान ४०:३५

अय्‍युब 38:25

सुम ठेयब रेउ लतीक लां सेला? बुंबु पतीक आ लां सुम सेला? अय्‍युब २८:२६

भजन संग्रह 50:3

आंइ परमप्रभु जाक्‍शा, सिक्‍सी पा मबाक्‍ब। मेको आ ङोंइती ग्राव ग्रु दाक्‍ब मी ब्राइब। मिनु आ एर ओंथ नेल्‍ले कुमीर गिमीर पा फश गिवार पाइब।

भजन संग्रह 77:18

फश गिवारम इन बुंबु पशो नेंसाक्‍व। इन चिलामी रागी नेल्‍ल छेङछेङ दुम्‍त। रागी ख्रिंख्रि पा हिम्‍साक्‍व।

भजन संग्रह 81:8

आं मुरपुकी, आं अरेशो नेनीन। इस्राएलीपुकी, गे आं लोव़ नेंशो ननी हना, रिम्‍शो दुम वा।

भजन संग्रह 97:4

मेको आ चिलामी रागी नेल्‍ल हाम्‍सो दुम्‍ब। रागी रागी ङा मुर मेको तशा ख्रिंख्रि पाइनीम।

प्रस्‍थान 19:11

नित्‍थ नाक्‍त आं कली ग्रुम्‍चा कली ठीक दुम्‍चा माल्‍नीमी। मारदे हना नित्‍थ नाक्‍ती गो सीनै डांडाम मुर नेल्‍ल आन ङोंइती जाक्‍नुङ।

प्रस्‍थान 19:15

मिनु मोसामी वोंइश मुर आन कली “नित्‍थ नाक्‍त ठीक दुम्‍शा बाक्‍कीने। मीश मुर नु मबाक्‍कीन” दें‍त। १सामुएल २१:४-५; १कोरिन्‍थी ७:५

प्रस्‍थान 19:17

मिनु मोसामी इस्राएली आन कली परमप्रभु कली ग्रुम्‍थ जाक्‍कीन, दे आन बाक्‍तीक रे ग्रुंइताक्‍व। मेकोपुकी डांडा आ पुंमी राप्‍शा बाक्‍शो बाक्‍तेक्‍म।

प्रस्‍थान 19:9

परमप्रभु यावेमी मोसा कली “लो, गो मारेइ मतांइसीचा ङा गोस्‍सुमी इ कली ग्रुम्‍थ जाक्‍नुङ। मोपा गो मुर आन कली, गे नु लोव़ पशा नेंपाइक्‍नुङमी। मिनु इ कली गेना हना यो थमा सुइक्‍नीम” दें‍त। मोसामी मुर नेल्‍ल आन देंशो यो परमप्रभु यावे कली दें‍त। प्रस्‍थान १६:१०; प्रस्‍थान ३४:५; भजन संग्रह १८:१२; प्रस्‍थान १४:३१

प्रस्‍थान 20:18

मिनु मुरपुकी ङोन बाक्‍मानु, बुंबु पशो नेंशा नु चिला पशो तशा, तुराही ताप्‍शो नेंशा, डांडा रे कुशो कुन तशा, ङोन लशा हिंशा ख्रिंख्रि पा, कोव़शा बाक्‍तेक्‍म।

प्रस्‍थान 20:21

मुरपुकी ङोन बाक्‍शो बाक्‍तेक्‍म। मोसा चहिं परमप्रभु आ नेक्‍था क्‍येर गोस्‍सुम लत। १राजा ८:१२

प्रस्‍थान 40:34

मिनु गोस्‍सुमी ग्रुम्‍तीक ताम्‍बु सुम्‍तु। परमप्रभु यावे आ सक्ति नु छेङछेङमी मेको आ बाक्‍तीक ब्रीत। इजीकीएल ४३:१-९

प्रस्‍थान 9:23

मिनु मोसामी आ कोक्‍के सरीङ गे दिंदानु, बुंबु चिला पा, मुप्‍स यि‍त। मोपा परमप्रभु यावेमी इजीप्‍त रागीमी मुप्‍स यिपाइक्‍‍तु। मिनु परमप्रभु यावेमी चिला दाप्‍पाइश्‍शा, मुप्‍स यिपाइक्‍तु। प्रकाश १६:२१

येरमीया 5:22

मार, गे आं कली मान पा हिंचा ममाल्‍नीनी ङा? गे आं ङोंइती ख्रिंख्रि मपाइनीनी? गो समुन्‍द्र आ सांद कली बाल्‍वा वोइक्‍ता। आ छाल बोक्‍तेक्‍म हना यो, मेको कली ख्राक्‍ने मचाप्‍नीम। मेकोपुकी शुश बोल पाम्‍तेक्‍म हना यो, मेको कली लाक्‍ने मचाप्‍नीम। ठेयब रेयके पाम्‍तेक्‍म हना यो, लाक्‍ने मचाप्‍नीम। बजन संग्रह १०४:९

नहुम 1:3

परमप्रभु यावे ओंखां ओंखां पा गाइक्‍ब। तन्‍न मेको ठेयब सक्ति पाइश्‍शो बाक्‍ब। मिनु परमप्रभु यावेमी दोस ताइब आन कली सजाइ मगेथु मप्रोंइब। मेको आ लां फश गिवारम बाक्‍ब। मिनु गोस्‍स मेको आ खोइल ङा फुरक बाक्‍नीम। प्रस्‍थान ३४:६-७

मत्ती 24:31

मिनु रागीम जरमेशोमी परमप्रभु यावे आ स्‍वर्ग ङा गेय पाइब आन कली तुराही ताप्‍पा, रागी तेइ तेइ रे परमप्रभु यावे आ योव़शो नेल्‍ल आन कली खुप्‍शा चाक्‍थ सोइक्‍ब।

ब्‍यवस्‍था 5:5

मारदे हना गे मी तशा हिंतीनी, डांडा मङोंइसीनी। गो परमप्रभु यावे आ लोव़ इन कली शेंचा, दे परमप्रभु यावे नु इन दातेम, राप्‍शो बाक्‍ती” देंत।

हिब्रू 12:21

मोदेंशो हिंचा ङा दुम्‍शो तशा, मोसामी “हिंशा ख्रिंख्रि पाता” देंमाक्‍त। ब्‍यवस्‍था ९:१९

प्रकाश 1:10

मिनु गो परमप्रभु यावे आ नाक्‍त परमप्रभु यावे आ सोक्‍तीम बाक्‍ती। मिनु आं नोले तुराही ताप्‍शो खोदेंशो ठेयब सेंदा नेंता।

प्रकाश 11:19

मिनु परमप्रभु यावे आ स्‍वर्ग ङा खिं रोक्‍साक्‍व। मिनु मेको कबल पशो सन्‍दोस परमप्रभु यावे आ खिंम तांइसाक्‍व। मिनु चिला पाप्‍तु। शुश रेयके नु बुंबु पशो नेंसाक्‍व। ख्रिनु यो कुत। मिनु ठेयब मुप्‍स यित। प्रकाश १५:५

प्रकाश 4:1

मिनु नोले सरीङ गे कोव़ता। मिनु मेकेर लाप्‍चो का रोक्‍शा वोइश्‍शो ताता। मिनु ङोंइती आं नेंशो तुराही ताप्‍शो खोदेंशो ठेयब सेंदा लेंशा नेंता। मेको सेंदामी “एक कुवो। नोले मार दुम्‍‍बा, गो इ कली कोंइनन” दे माइक्‍ती। प्रकाश १:१०

प्रकाश 4:5

मिनु मेको नित्‍तीक रे चिला दाप्‍शो तांइसाक्‍व। मिनु बुंबु पशो रेयके नु सेंदापुकी नेंसाक्‍व। मिनु ठेयब नित्‍तीक आ ङोंइती ७ ओटा ब्रशो तोव़शी बाक्‍तेक्‍म। मेको ७ ओटा तोव़शी चहिं परमप्रभु यावे आ ७ ठाउंम बाक्‍शो सोक्‍त बाक्‍तेक्‍म। प्रस्‍थान १९:१६

प्रकाश 8:5

मिनु नोले मेको परमप्रभु यावे आ स्‍वर्ग ङा गेय पाइबमी धूप चढ़ेतीके ङा मी लाइश्‍शा, मेको थनौरोमी कुर पाप्‍तु। मिनु रागीमी ताइक्‍ताक्‍व। मिनु रागीमी बुंबु पाप्‍तु, शुश रेयके पाप्‍तु। चिला पा ख्रिनु कुत। इजीकीएल १०:२