प्रस्‍थान 18:26 - Sunuwar Bible

²⁶ मेको मुरपुकीमी मुर आन कली निसाफ पची ना, निसाफ पाइनीम। मिनु ठेयब मुददा बाक्‍त हना, मोसा कली ब्रेत्‍ताक्‍म। आइक्‍च मुददा चहिं आंमा निसाफ पाम्‍तेक्‍म।

प्रस्‍थान 18:26 ပူးပေါင်းရင်းမြစ်များ

१ राजा 10:1

शेबा ङा पिपीममी सोलोमन आ रिम्‍शो पशो नेल्‍ल, परमप्रभु यावे आ ठेयब नें नु आ पशो नेल्‍ल नेना बाक्‍त। मिनु लोव़ लेन्‍ने मचाप्‍चा ङा लोव़ कुरशा सोलोमन कली नाक्‍चा कली जाक्‍माक्‍त। मत्ती १२:४२; १राजा ५:१४

अय्‍युब 29:16

मारेइ मथीब आन कली आन आफ खोदेंशो दुम्‍ती। गो अर्को रागी ङा मुर आन कली आन मुददा कोव़शा गेतामी। अय्‍युब ३१:१८

प्रस्‍थान 18:22

मेको कोव़ब मुरपुकीमी नाक्‍त किंत किंत ङा निसाफ पामेक्‍ल। ठेयब मुददा चहिं इ ङोंइती चाक्‍गमेक्‍ल। आइक्‍च मुददा आंमा गारपदमेक्‍ल। मो पाप्‍तीवी हना, इ कली रिम्‍शो दुम्‍ब। मिनु मेको कोव़बपुकीमी इ गेय नु श्‍येत योक्‍शा पाइनीम।

लेवी 24:11

मिनु मेको इस्राएली ममा आ तौमी परमप्रभु यावे आ नें थिशा, सराप पवा बाक्‍त। मिनु मुरपुकीमी मेको कली मोसा आ बाक्‍तीकेम चाक्‍गमे बाक्‍त। मेको आ ममा आ नें शेलोमीथ बाक्‍माक्‍त। मिनु मेको दान आ थर ङा दिब्री आ तमी बाक्‍माक्‍त।

ब्‍यवस्‍था 1:17

निसाफ पनीनु, मुर आन कुल मकोव़ङीन। गेपुकीमी आइक्‍च नु ठेयब मुर, नेल्‍ल आन लोव़ नेनीन। सुइ कली महिनीन। मारदे हना निसाफ परमप्रभु आ गुइमी बाक्‍ब। इन मचाप्‍शो निसाफ चहिं गो नेंनुङ। मेको कली आं बाक्‍तीक चाक्‍कीन’ दे माइक्‍ताक्‍मी। ब्‍यवस्‍था १६:१९; २इतिहास १९:६-७; प्रस्‍थान २१:६

ब्‍यवस्‍था 17:8

मिनु इन सहरम मुर साइक्‍तीके, रू योक्‍तीके, तुम्‍मुतीके नु मारेइ मारेइ मचाप्‍चा ङा निसाफ बाक्‍त हना, इन सहर रे परमप्रभु यावे, इन परमप्रभु आ योव़शो बाक्‍तीकेम लचा माल्‍नीनी।